今日同媽咪去了花好月圓飲茶, 都幾好食~

補完習就同野兔, zico and honey 去食pizza hut, 食個2人餐, 有2樣野送, 4個人食啱啱好~

我的生日係 响屋企睇住星期六嗰集獎門人過, 睇到過左12:00都唔知~ 直到收到電話, sms and icq message~ 多謝哂所有同我講過happy birthday的好朋友 (不能盡錄)~ 雖然只係短短幾句, 但真係好感動~~ 每個人都有好多事要記要忙, 但你地都用了腦中的小小空間去記住小妹子的生日, 真係好多謝你地 ~~ I LOVE U ALL~~

呀聰哥仔問我有咩生日願望, 我竟然完全無諗過, 而家諗下先~~

我的生日願望:

Generally:                                               

1. 家人, 朋友個個都身體健康                                                                             

2. 個個都開開心心心                                                                                            

Personally:                                                            

1. 發達 (or 不勞而獲)     

2. Summer Intern 順順利利   

3. FYP 順順利利

4. 盡快解決屋企的事, 唔使再要我擔心     

5. 翻新我的bedroom

(諗到再加)

今日超熱, 同野兔and zico去左西貢泳池swimming~~ 雖然落少少雨, 不過有雲遮住個太陽, 一d都唔曬~正~~

最愛游水, 運動可以令我暫時拋低煩惱, 疲勞可以令我大覺訓, 咩都唔駛諗......雖然煩惱仍然唔會消失, 但起碼有一刻的舒緩......

游完就同野兔去左鑽石山食dinner, honey都黎埋~~ 我同野兔食左個好抵的2人套餐, 有咖哩炒蟹, 通菜, 飯, 薄餅, 冬陰功湯, 黑糯米, 青檸梳打~~ 勁大碟勁抵~~

企左2日, 對腳斷了~ 不過d阿姐幾好人, 時間都過得幾快~~

同honey去左金太郎食dinner, 好耐無一齊食過dinner, 因為之前都要exam~ 不過對腳真係好累, 落樓梯要扶住~~

今日係exam大日子, 今個sem考一科only~~正, 大把時間溫, 溫到爛哂~~

出去時下大雨, 幾驚紅雨攪到exam唔到, 好彩都順利攪掂~ 不過番屋企就好唔順利, 因為新蒲崗lum棚架, 成個kowloon交通癱瘓~ 我上左架15號巴士, 去唔到一個站就塞住左成3個字, d人都忍唔住要落車...咁大雨之下, 我都迫於無奈落車, 由紅磡碼頭行到去歐化搭93k, 點知行到大路, 見到d車塞住唒唔郁, 好多人落車行路, 原來真係好大劑, 我見到3架93k塞埋一齊, 都唔敢上~ 試下行多2個站, 都係一直塞~ 之後就決定去搭105, 小巴應該會flexible d, 點知等左勁耐先有車, 仲俾架pk小巴濺到我成身濕哂, 連塊面都濕哂...~ 好彩最後都有車, 再响車上塞2個鐘, 幾經辛苦終於番到屋企...平時8:00番到, 今晚要10:30先到...

原來真係好大鑊, 途中有個過海巴士司機同個小巴司機講, 話下午2:30開始由灣仔過到九龍, 9:30仲响九龍城塞緊, 即係呢程車塞左7個鐘!! 好可怕!!!

呢場暴風雨仲連貨櫃都吹到pk, 仲壓死左一個人tim....

好可怕...

今日一早830就番去present, 快d pre完可以放下心頭大石~~ 好彩都ok, 以為自己好差tim~~

今日唔舒服到極點, 用左n包tissue, 補習時仲要吹冷氣, 之後搭2架車都係冷氣巴, 發冷勁辛苦...番到去先知燒到102度, 食左d藥都係無用, 一直燒到第二日, 都唔知會唔會燒到變白痴...