今日一早就去左旺角唱k lunch, 有maggie, chung and fellow, 死人maggie竟然唔知醒, 成1:00先黎到!!  我地而家好多歌都唔識唱, 好out~~ 不過fellow仲過份, only識唱刀郎, 連"愛與誠"都唔識 !!! 今次仲睇左william hung 嘅"燒餅"mtv, 真係無聊到極點 !! 唱完就去左行一陣街, 不過行行下就好唔舒服, 之前都頂得住, 但行行下愈來愈唔得, 要走先 .....去到93k個站仲想嘔tim... 好彩師傅同我搵toilet, 如果唔係就通街嘔....好感謝師傅 ~~ 嘔完個k lunch出黎之後 就上左93k, 開頭都好累, 不過過左大約10min之後就完全無事, 次次都係咁.... 回復精神後就唔想咁快番屋企, 之前daisy話睇戲, 咁就叫左佢去9龍灣join我地, 等佢期間行下德福淘大, 買到我要買嘅野, 好開心~~

daisy買完古惑仔親筆簽名and 886老番封面 後就過黎搵我地, 去左牛頭角下村d大排檔食, 睇埋殘酷一叮,笑鬼死~~ 今次竟然叫左4碟野食唔哂, 好浪費~~

非常外父都幾好睇, 好多抵死對白, 笑死 ~~  白痴先會睇喜馬拉亞星~~

一早同屋企人落左樓下飲茶~~d野食都ok la...~~

今日honey番黎了 , 即刻同佢出左尖咀行街~ 試埋部新相機~~本來諗住睇超人特工隊, 點知睇唔成~~ 竟然到到都full~~

上午maggie打黎話打邊爐, 下午alice打黎話約食飯, 2樣都好想去, 但今日就唔得了~

今日無年拜, 同媽咪去左新都行, 仲有乘機去睇下有無表姐嗰部panasonic dc+mp3~~ 又真係俾我搵到 , 仲要响BEST買平d~~開頭問就比公價平$170, 之後問多次就平$190~~奇怪 ~本來諗住聽日出去旺角睇, 不過都係等唔到, 最後扑鎚決定買, 點知佢話得番最後一部....仲要全線得番呢部.... 不過佢話平多$100比我~~ 即係總共平$290~~實在太吸引 ~~ 檢查清楚就扑鎚買, 不過等佢搵番個盒都等左好耐, 同媽去左食tea等~~買呢部野都幾艱難~~

不過唔緊要, 因為平左成$300, 又有128mb卡同熱水壺送 ~~ 之後睇番百老匯, 泰林, 豐澤都係原價, 仲要無野送, 百老匯仲要加$50先有128mb卡!!

好抵呀~~yeah~~

今日係大年初一, 一起身就覺得好無聊~ 以前細個會好早去阿婆屋企拜年, 同d表兄弟姐妹玩, 但而家個個都大個哂, 只會夜晚去酒樓食飯~~

一起身食完蘿蔔糕年糕之後就開始無聊, 之後就落左新都同fanny and maggie食lunch, 食完就行下新都同東港~ 不過好多野都無開, 千色百貨竟然都無開!! watson's就好奇怪, 東港嗰間無開, 但新都嗰間有開~~

行完番左屋企, 等到6:00就出發去海怡半島食飯, 今次都算幾多人, 有3圍枱~

同d表哥表姐諗番起以前我地成班細路開席前一齊玩麻雀, 玩4行9隻同金字塔, 好攪野~~以前通常都係我地成班細路坐一圍~ 而家就升左級, 變左大人, 同d大人一齊坐, d表弟妹就取代左我地嘅位置~~ 自己坐一圍玩~~

今次有表哥帶左女朋友黎, 但....怪怪地... , 哈哈....

今年呢間酒樓d質素認真麻麻, d菜嘅次序有怪怪地, 一開始就係龍蝦, 之後先乳豬,髮菜...平時都唔係咁~~仲有樣樣野都份量好少, d魚翅又好似湯咁, 好難先搵到條翅, 個果盤真係好cheap, 得西瓜同橙, 得嗰2款都唔算拼盤啦~~仲有d都西瓜唔甜~~