今日爸爸節, 一早9:00去左新都搵位飲茶, 應該係我放假以來第一次咁早起身~~haha~ 同daddy mummy食完就去左行一陣新都, 爸話想買電話, 但都係睇唔啱, 之後就去左試玩osim d按摩椅, 爸竟然話麻麻地舒服~~
行完佢地就番屋企, 我就同mark出街, 去左赤柱行, 好似好遠咁, 不過其實好快~~ 行下, 影下相, 食下野~ 之後出番去搭叮叮去銅鑼灣, $2搭左好耐, 好抵
 ~~ 行下sogo, 三越, 之後mark就話去食sushi~ 係去"峰"食, 佢食過一次話好味, 不過相對都較貴~~ 見佢極力推介, 就試下啦, 不過真係好多人, 等左足足一個hr先有位, 等到好累好餓
 , 不過入到去見到d sushi 咁多種類咁吸引都覺得值得
 ~ 而且價錢都唔係好貴, 同元綠差不多~~ 我地食左10碟, 我最鍾意就係三文魚芝士卷, d芝士好正~~ 仲有d三文魚sushi係有d洋蔥and 蔥鋪面, 好特別~~仲有個蠔天婦羅sushi都好正~~ 我不嬲食開金太郎, 無咩要求, so 今次覺得好好食~~
 thx mark哥~~
不過親子丼, 牛丼, 豚丼....都無~~
之後就行下商場, 去到扭蛋鋪, 見到有叮噹波抽, 我之前見過d靚仔攞住, 今次俾我見到部機了!! so即刻抽2個, 好彩無double~~好鍾意~~好得意~~ 不過之後不幸的事就發生了......我地見到有人抽sesame street的公仔, 有cookie monster and elmo, 勁想要!! 不過要$15一次!! 不過我都決心博下, 因為抽到cookie and elmo的機會是3/5, 應該無問題, 就算抽到big bird我都會啃左佢!! 點知係 抽中個核鬼突的不知名咖哩啡, 叫咩teena, 怪怪的......
之後就番tko 食糖水, 今次食strawberry 西米露, 正~~ 之後就番屋企了~~
 Teena...
|
