番左一個星期intern, 感覺良好~

工作: 第一個星期都係做d好初步嘅野, 應該仲有一段時間先開始做analysis~ 不過教我做野的陳生因為身體唔太好, so溝通有d困難, 好多時都唔明佢想我點, 希望下個星期會好d啦~

同事: 我地QC Department 阿head--jane都幾惡, 唔係一個易相處的人 ~ 其他同事都成日講佢壞話~ 我都要做好自己本份, 準備應付呢個挑剔的人~~好好彩的我因為QC department無位, 調左去總務部坐~~ 總務=人事部, d人嘅工作就係計糧, book車, claim錢, 好悠閒~ 佢地成日都講笑, 食野, so我在好輕鬆的環境下工作~~ 另外3個同學就好慘, 响QC嗰邊, 俾人睇到實~ 而我, 就做到累時可以玩下接龍, 食下荔枝, 計下工作時間~~

交通: 星期一:坐船--1hr, 碼頭-->公司=1 hr       平日: 公司<-->祈福=0.5hr   

舟車勞頓都幾累, 架廠車係7人van, 不過d路都有少少崎嶇, 開頭好唔慣, 搖得都幾辛苦~ 我地的性命就交左俾司機了~

住所: 祈福新村係幾靚, 不過因為租的, so設施好簡陋, 個電視壞壞地, 只睇到一半, 畫面壓扁左, 叫人黎整, 佢話要搬走整!! 我死都唔肯, 如果無左電視我會死的 ~ 好彩隔幾日佢話買過部新俾我地~~yeah~ 另外有個燈泡突然一開就爆左, 仲有火花tim... 仲有一次跳fuse ...不過整體上都ok~

食: 呢個星期多數出街食, 因為無煲煮野~ 不過食野真係好平, $10一個煲仔飯, $3.5 雙皮奶~

暫時都一切安好, 不過一到星期五就好興奮, 因為番hk~   

尋日番到黎同mark食dinner, 一見到佢, 我就不停講野, 講到要抖一陣, 回下氣, 因為太多野要講了~ 平時電話費貴, 每日都只係講一陣, 而家要講番夠本~~

另外原來星期日7B re-u~ 雖然得2日假, 但咁難得, 都一定要去~~   

今日約左大kat, tony, lincoln and ying 唱k lunch, 約左好耐先約得成~ 去左旺角家樂green box, 11:30-3:00都係$36, 都幾ok~

傾下近況, 大家都做緊intern了, 睇黎呢個暑假大家都好充實~

聽日就第一日番工了, 至怕執野的我都已經執得7788, 明早要730响中港城等!! 6:00起身係第一個挑戰!!

今晚同fellow, maggie, chung去左新都飲野, 好耐無試過齊人了~ 今次都要等好耐先齊人~

人大了, 各自有事忙, 好難就到時間聚一聚~ 最大原因是fellow北上, 來去怱怱~ 真係好難約, 以前差唔多逢weekend就出來玩, 而家就唔同了~

我地去左飲許留山, then去了茵怡個公園行石春路, 原來真係好痛的~ 之後玩個反映現實世界的搖搖板, 傾下計~ 睇黎大家出來做野都好似好辛苦, 個個都同我講話羨慕我仲有一年~ 不過我就想快d讀完, 見下世面, 攞d實戰經驗~ 而家番學+partime都幾辛苦啦~ 不過...都係我睇你好, 你睇我好je~

唉, 總之大家都要努力啦~

今日係23號, 距離intern仲有4日, 尋日終於買左個行李箱, 幾經辛苦先買到, 好彩平左$20~~ 不過另外要買d日常用品, 未賺錢, 先破財~

今日都係去左睇醫生, d粒粒好似嚴重左, 始終睇左會安心d, 又破財了... 希望快d好番啦~

今日見到細孖, 好得意~~

同佢影左張相~~

今日同daisy食dinner, 去左尖咀椰林閣~

我地7:00坐到11:30, 不停不停咁傾, 好耐無同佢傾過咁耐了~

呢個朋友, 就算好耐無見都有源源不絕的話題~ 次次都絕無冷場~~ haha~

但次次都會提番起佢以前d "魚" 野~~