今日又去左一年一度的書展, 不過今年發生左好特別嘅事, 真係好難忘...

我同mark食完hardee's就出左去, 行左一陣, 有d人派鎖匙扣, 咁我攞左一個, 玩下玩下, 我就俾個鎖匙扣尖嘅邊界到, 食指流左唔少血, 當我地行埋一邊止血and貼膠布時, 我已經feel到滿天星斗, 愈來愈睇唔到and聽唔到野, 之後就失去左知覺...

過左一陣, 我有番知覺, 擘大眼見到附近有d人睇住我, 原來我暈左訓左响會展裡面, 有d途人用件衫蓋住我, 我想起身, 佢地就叫我唔好郁, 之後我坐番起身, mark就問我有無事, 其他人就call在場的救護員, 之後有救護員過黎同我量血壓, 問我身體有咩唔舒服, 有無跌親,  then佢地扶左我去間房坐, 佢地同我消毒傷口, 量血壓, 俾杯水我飲. 坐左一陣有人入黎問係咪有人call白車, 話有個女仔暈左, 我都唔知發生咩事... 應該係d途人call白車. 佢地問我有無需要入院, 我話已經無咩事, 但mark就想我入去check下. 不過我真係無咩事, 由有番知覺之後已經無咩事, 只係好奇怪點解會暈低左. d人問我係咪怕血, 但我又唔係怕, 只係見到止極都唔停時有小小驚, 應該未至於嚇暈, 佢地問我以前有無試過, 我諗番起好耐以前响屋企整到手指都試過一次, 又係好快醒番. then個救護員話有d人係怕血都唔知, 可能見到人地流血就無野, 見到自己流少少血都會暈, 自己未必知自己驚, 會好似跳fuse咁突然休克. 佢地話呢d都係正常.

之後我坐左陣, 抖下之後無咩事, 就出左去繼續行, mark不停問我仲有無事, 問我記唔記得佢之前買左d咩, 今次真係嚇死佢~ 佢話當時問我係咪暈, 我只係擰頭, 之後就成個人挨落佢到, 無左知覺, 佢扶唔實我, then我就跌左落地下... 其實我自己都唔知點解會咁, 醒番之後真係好似無事咁, 之後仲繼續行, 仲買左2本書, 一堆小小心意街嘅野and 2張叮噹貼紙~~行完仲去左食dinner and 睇戲.

夜晚去左油麻地百老匯電影中心睇<<老友狗狗>>, 因為得嗰度有日文版, 廣東話配音一定無原裝咁好睇~~ 套戲都幾好睇, d狗好得意, 由其是隻八哥, 好抵死~~ 波子都好得意, 成隻狼咁, 成日笑and好似識做戲咁~ 好鍾意睇呢類溫馨嘅戲, 睇完會好舒服~ 好似上次導盲犬小Q, 藉著雨點說愛你都係好溫馨~ 不過永遠個結局都係主角要死...

今日都係TRAINING, 時間過得好快~ 不過唔知點解要睇住JANE  dilute sulphuric acid…雖然conc. sulphuric acid係好危險, 但我响poly都做過呢樣野啦, 我做得一定正宗過佢, 佢又唔戴手套, 又用d唔啱嘅flasks, 就係咁睇住佢整左 20m in…

放工之後吳師傅同我地5個出左市橋, 今次係我第一次出去廠and祈福以外的地方~ 吳師傅好好人, 佢坐我隔離, 成日都會同我講呢度有咩好玩, 我地只係問佢點出市橋, 佢就話放工帶我地出去~ bonnie佢地上左黎咁耐(多過我3個wk), 都無人話過帶佢地出去, 只係得個harry(x_x) 車過佢地出去兜一轉~ 

吳師傅帶左我地去打保齡, 佢有套票so只係$6一局, 真係抵到爛~ 其實我都好耐無打過, 不過竟然第一球就全中!! 佢地就認定我係好勁…~ bonnie 話自己打過, 又好似好興奮咁, 點知佢得嗰54分…呵呵~ 次次有人全中我地都會拍下手, 話下嗰個人勁, 但bonnie有次全中, 佢叫左2次話好開心全中, 但就無人理佢~~ 不過今次我咁耐無打過都有88分, 都算幾勁~ 佢地多數係得四十幾分, 顯得我好似好勁咁~~哈哈~

之後我地去左一間幾靚嘅西餐廳食dinner, 有人彈琴唱歌ga~ d野都幾好食, 不過價錢就唔算平, 應該响大陸算係幾高級~~ 我食左個$22的焗葡國雞飯, $15的芋香奶茶, 好好味~ 我地一路食一路傾, 原來吳師傅以前响非洲, 新加坡, 上海都做過廠, 真係好勁~ 佢仲有個讀緊hku civil eng博士嘅仔and一對孖女, 好有福氣~ 佢個人好玩得又好in, 介紹我地去邊度唱k泵骨浸腳~~ 之後司機文都黎左食飯, 佢見到我個袋掛住隻玉桂狗, 佢話我地仲低b過佢個女, 原來佢有個6歲同2歲嘅女~~ 真係睇唔出~~  

食完就去左行一陣, 嗰區都幾繁榮, 有d似彌敦道~ 有S&K, Watson’s, baleno…仲有d類似旺中嘅商場~ 行完之後就搭巴士番祈福了~~

真係鑊鑊新鮮鑊鑊甘, 條8婆今日放工番到屋企, 又話要出去買外賣, 番黎時要我出去村口接佢!!! 好似奉旨咁, 一句唔該都無!! 仲一上車就要我出定去, 驚死要佢等咁!! 我唔q理佢, 隔左一陣先出去, 點知佢又再打黎!! 我即刻cut佢線!! 費事浪費我的電話費!! 等一陣都唔得, 唔好唔記得而家係佢地無卡用, 係佢地求我呀!!! 次次都咁嘅態度, 真係好唔順!!

做左咁多日data analysis, 今日終於有得training, 係我之向jane提出的~ 我同一個西安大學生一齊train, 陳生仲想我幫佢做翻譯tim…不過我普通話又唔係好好, d野自己都學唔切, 點翻譯呢~~ 好彩最後佢搵左其他人做翻譯~~ 今日學左好多未用過的機, 好似之前上quality evaluation咁~ 不過亦都好似上左成日lecture咁, 都幾累~~

今日番工, 我諗住我地尋日對佢地d態度唔太好, 佢地應該會feel到, 點知個8婆係feelingless ga!! 佢番到去無野做又過左黎搵我吹水, 仲同我講話覺得我地間屋大過佢地, d野新過佢地, 仲無佢地咁多蚊蟲, 好似住完一晚之後俾番comment咁!! 我地心諗, 當初係你自己爭住要揀地下(即係佢地而家間屋), cora無咩所謂, 睇都無睇過就話俾地下佢地, 我地要1樓~ 而家佢地後悔, 加上佢地間屋細過我地好多, 抵佢死!!!

之後等佢走左, 我都忍唔住要去貨倉搵cora互相訴苦, 講番尋晚嘅事, 忍左成晚真係要爆發了!! 佢嘅憤怒程度比我更甚, 因為頭3個星期我未上黎時佢都受左唔少氣~ 當時得佢地3個, 條8婆又好鄙視佢, 佢一定好慘~ 佢話而家我同barry上左黎, 加上ivory 同josie, 食飯都開心好多! 之前佢地得3個人, 佢食親飯都唔出聲, 條8婆就不停咁傾星期日去左邊度shopping, 食左d咩好野, 去左邊度做facial…

放工番屋企時, 我同cora都勁唔想再對住佢地, so我地話要去超市, 不過佢地俾人收左張卡, 番唔到屋企, 要痴住我地! 我地勁唔想, 話我地唔知行幾耐, 叫佢跟其他人行後門按密碼, 要佢地由1街行到10街, 哈哈~~抵佢死~