今日好攪笑, 做做下野cora同ivory走過黎搵我, 話鍾生叫佢地翻譯一段英文, 係一部dryer嘅catalogue, 於是我地3個就一齊譯, d terms真係譯到死, 最難就係要譯俾本地人睇, 我地將centrifuge dryer譯做”離心fing乾機”, 但又無個fing字, so夾硬譯做” 離心弄乾機”, 笑死 ~~佢地又夾硬將load譯做”上載”,”裝填”, 譯咁耐笑咁耐~~ 之後溫生見我地咁開心, 走過黎幫我地proof read, 但佢實在太攪笑, 佢幫我地搵錯處, 但佢又有好多字唔識寫, “支持”個”支”字佢死都話有木字邊, ivory仲衰, 寫左”承拓”, “見議” , 真係笑爆~~ 之後溫生叫一個本地人睇下明唔明篇野, 但嗰個人唔識睇繁體, 溫生就話用word轉繁體, 佢show俾我地睇, 方法係highlight哂篇野, then轉字型做標楷體 !!!!! 之後佢叫個本地人睇, 點知個本地人話”還是不明白”~~明明只係轉字型, 佢以為可以轉簡體, 笑到我地扖响度!!

我地笑笑下時阿jane突然衝入總務, 好大聲咁同 戴小姐講”bonnie走得啦, 佢都無野做, 响度打日文!!” , 然後叫 左戴小姐同bonnie入房, 好似好慶咁!! 過左一陣佢出番黎, 陳生叫我問bonnie 一d野, 點知我見到佢眼濕濕, 好似喊完咁, 講野又無厘神氣, 同平時完全唔同, 嚇到我問完佢即刻走!! 之後佢過黎搵我, 同我講話阿jane見到佢打日文, 想叫 戴小姐即刻同佢番祈福執野, 然而即刻搭5點半船走, 唔想俾佢留多一日!! 但 戴小姐又唔想煩, 叫佢聽日先走~ 之後阿jane就問bonnie究竟攪掂哂d野未, 之前又話有野做夾硬要留多2日, 但今日又俾佢捉到响度打日文!! 仲話其他同事同佢講見到bonnie 工作時間玩接龍!! 阿jane應該鬧得佢幾勁, 仲想即刻趕佢走, 相信阿jane都忍左好耐, 今日捉到應所以嬲到咁!!

見到bonnie咁有d可憐佢, 好似好慘咁, 做intern做到俾人鬧, 俾人趕走……不過之後搭車番祈福時, 我就覺得佢一d都唔可憐, 佢仲好忿忿不平咁同我講話其他本地人都係咁hae啦, 佢地都一路做野一路傾計啦, 食野啦, 睇書啦…..!! 但我眼中明明見到人地個個都無問題, 佢係都要拉人落水, 又話總務d人hae, 大佬呀, 佢都無坐過總務, 又點知d人hae呀, 我不停反駁佢, 話其實d人好多野做, 佢先無聲出!! 之後仲講左幾次話一定唔會番黎金泰做, 仲話一定唔會再去祈福, 我真係勁頂唔順佢呢幾句, so好婉轉咁串佢話”不過我諗佢地都唔會考慮你啦, 都攪成咁喇”, then佢先面懵懵咁話可以做其他野~ 之後又話唔會上大陸做野, 因為太悶, 又有屋企响香港, 仲話最大原因係咁後生上黎做野會嫁唔出!!!! 我聽到呢句真係崩潰了!! 無再俾反應佢!!好心佢就唔好咁敷淺啦, 成日諗埋d無聊野, 佢咁嘅性格就算成世留响香港都唔荒嫁得出啦!!! 呢ｄ人真係鬧極都鬧唔醒, 睇佢第日出黎做野點死!!

不過最奇怪係佢竟然原原本本咁同我講番阿jane鬧佢d野, 俾我一定唔會同人講呢d咁嘅醜事啦, 由其是係我唔like嘅人啦!! 佢唔係咁都feel唔到我唔like佢呀~~ 不過可能係因為jolly走左, 無人理佢佢先要同我講啦~ 睇到佢食飯時自己一個坐响度真係好抵死, 平時佢地2個自成一角, 今日就孤伶伶一個, 仲成日睇錶, 嫌時間過得慢, 但我地幾個就傾計傾到唔肯走~~ 終於唔使再睇到佢地

今日嗰2個8婆好cheap, 响度賴死唔走, 為左嗰$300同阿JANE講話自己D野未攪掂, 想留到星期五, 但其中一個唔成功, 結果一個星期四走, 一個星期五走~ 佢地為左少少錢响度煩到死, 俾人趕都要賴死~~ 仲勁8婆咁同我地講話番POLY一定唱衰呢間公司!! 我同CORA聽到真係想星佢2巴!! 完全唔諗下係自己問題, 又唔見我地幾個咁樣~~ 只可以講一句: 抵死~~

佢地走之前要做個Present 講下自己呢2個月學左d咩, 8婆甲同我做D野係差唔多, 佢早過我3個星期做, 但Present時發現佢做錯好多基本野, 俾阿jane問到佢口啞啞, 條白痴平時唔識又唔問, 反而係我唔識時就會問陳生, 然後由我講番俾佢聽!! 本來陳生旨意條白痴教我, 但佢態度又差, 又教q錯哂, 所有野都係我自己pick up ja~~

另外條8婆就更pk, present時好似跳舞咁, 成日都扭黎扭去, 真係以為自己好靚, 在座好多本地人, 佢地都唔肯用普通話present, 攪到d人聽唔明, 加上佢d presentation 同organisation skill真係差到極點, 連我都唔q明, 阿jane更加插到佢死,  相信阿JANE都對佢都好不滿~~~

josie佢地話同bonnie佢地farewell, bonnie話要去果留香食但我同cora實在頂唔順, 推左佢地, 同佢地食飯真係咩都食唔落啦, 對多佢地一陣都想死~ so 我同cora2個去左老東北食, 食左熏肉大餅, 糖醋里脊, 酸辣湯, 野菇餃子, 好正~~~

今日一上廠車, BONNIE即刻同我地講話佢地用哂石油氣, 無得沖涼, 話黎緊呢3日都要上黎沖!!! 對我同cora黎講簡直係慘痛嘅經歷重現眼前!! 我敷衍佢之後就無理佢, 番工時不停咁諗點樣推佢, 卒之是但搵左個藉口話會好夜番, 叫佢唔好上黎, 但佢好厚面皮咁話:”唔緊要啦, 我可以夜d沖嘅”, fuck!! 不過我都係無理佢, 話呢幾日都係遲番~ 卒之佢放棄左, 話一係去barry度沖, 一係沖凍水涼~ 條8婆真係好似老奉咁, 我地要再三推佢先肯放棄!! 我好少咁絕, 我不嬲都好心軟, 係條8婆上次太過份, 先令到我咁對佢~ 對呢d人千祈唔好客氣, 我唔企硬就俾佢恰到盡~ 嗰時我熱水爐壞都無去佢度沖啦!!

不過下午好心涼, 本來2條8婆做埋今個星期五(5/8)先走, 但公司突然叫佢地3/8走, 理由係佢地已經做哂d野, 早d走好過响度hae~~ 佢地2個白痴以為執到寶, 可以早d走又有糧出~ 但我响總務聽到 戴 小姐同 何 小姐對話, 好似話d糧期好亂, 最後2日唔知點出俾佢地, so不如叫佢地做到3/8就算, 咁即係4號, 5號唔駛番而又無得出呢2日糧啦~ 佢地2個ON99咁狂講早左番HK, 咁就要快d去食果留香, 食雪蛤撻…好似好開心咁, 我忍唔住問下佢地d糧點計, 佢地就話應該唔會減~~真係唔俾個膠佢都唔得, 如果係照出俾你人地就唔會叫你早d番去啦, 又要特登車你去碼頭, 唔通真係唔駛番工都有糧出咩~ 之後佢地去問阿jane, 阿jane就話做到邊日計到邊日^^~~ 佢地就好嬲咁同我講話公司好cheap,明明坐响度唔駛做野就有$300, 而家咁樣昆佢地~~ 我極度心涼, 答佢話無理由唔駛番工都有錢收嘅, 正常嘅佢由得你hae到星期五都唔會理你啦~~hohohoo~~ 真係抵佢地死, 俾公司趕走~~ BYE BYE la~~臭8婆^^~~~

今日一早出左祈福軒同佢舅父飲茶, 表妹一黎到就要坐我隔離~ 我教佢畫叮噹, 係我嘅拿手好戲, 哈哈~ 小朋友最鍾意畫太陽, 白雲, 花, 草做背景~ 我細個時都係~~

飲完茶落大雨, 好艱辛先番到屋企, 想去睇下個人工湖都唔得~ 有人死都話要食KLG(即係假的KFC), so番到去叫左KLG and果留香外賣~終於完成左mark呢3日的心願…  食完之後就出番去送佢搭車, 得番我自己一個孤伶伶响祈福過一晚了…~~

今日落雨, 不過我地都出左市橋, 去左至尊堡食lunch~ 之後就周圍行下, 睇下giodano, baleno, G2000, 去左嗰d類似旺中的商場, 不過都係得個睇字, 因為d野太out了~ 之後就搭車去搵嗰間盲人按摩, 搵左勁耐, 俾張地圖昆左, 去到成身汗, 真係有d唔好意思~~ 按摩都幾舒服, 由其是按腳, 不過俾佢勁按尾龍骨有d痛, 俾佢狂錐, 按完之後有少少散哂嘅感覺~~ 不過有人好白痴, 人地用普通話叫佢擰轉側身按, 點知佢聽唔明, 無理人地, then人地以為佢訓左, only幫佢按背脊, 手同頸都無按到, 蝕哂~~

番到祈福, 去左超市買野食, 之後就番屋企, 不幸嘅事又發生了… 開樓下大閘條鎖匙係業主配的, 成日都開唔到, 有時插左入去抆唔番出黎, 今次仲慘, 抆出黎時太大力斷左, 塞住左個鎖!!! 我地唯有向實Q求救, 佢call人黎整, 等左一陣裡面d人先開到, 最慘係我無鎖匙出入, 唯有每次出入都求神拜佛希望道閘無鎖啦, 如果唔係就要call bonnie or 實Q了~~

番去坐左陣又出左去, 因為要同mark的舅父食飯, 佢舅父一家住祈福~ 見面之前都有少少緊張, 不過見到之後都無咩野, 因為大家係同行, 可以傾番d製衣嘅野~~ 仲有佢2個女, 即係mark的表妹, 都好得意, 一個4,5歲, 唔怕陌生人, 都幾好玩~~ 另外個bb女都幾得意~