公司請左幾個本地大學生, 佢地都係好住响好遠, 離鄉別井黎呢度打工, eg. 陝西, 江蘇~ 佢地話呢度人工唔過$2000, 不過都已經算係好, 有小數好叻嘅同學仔就响其他再大d嘅公司做, 過$2000, 原來佢地嘅標準係咁…其實呢度物價又唔係真係好低, $2000真係要好純樸咁生活先夠, 仲要寄番鄉下俾屋企人呢…對我地呢d香港人黎講$2000真係唔算係咩野, 可能個PK bonnie買個袋都已經無左~ 真係好慶幸自己係香港人, 我地同佢地嘅知識and工作態度可能差唔多, 只不過係英文比佢地好d, 就有咁大分別…佢地可能捱慣, so好獨立, 做野好爽快, 睇番bonnie呢d咁嘅所謂hk大學生, 嬌生慣養, 成日嫌3嫌4, 真係覺得大陸嘅大學生抵用好多~ 不過可能用條8婆黎compare太極端啦, 我地另外幾個都好ok嘅~~

放工後去左巴士站等mark~~ 佢上黎搵我, 好開心^^~ 我地去左果留香食dinner, 我想試xo醬炒蘿蔔糕好耐了~~雖然唔係咩咁特別, 但只係$10ja, 香港食起碼要廿幾三十啦~~ 另外仲叫左$6/10隻小籠包, $10煲仔飯, 什果冰and甘筍西芹汁><, 好正~ 食完之後就番屋企了~~

今日勁眼訓, 好不容易先等到5:00, 放工後我地出左市橋, 行左一陣就去左食果留香西餐廳, 本來有好多選擇, 但係bonnie上次食過話唔好食, 話d牛扖太熟, 又話無雙皮奶, 我地產生左對抗意識, so一定要試下呢間, 仲一定要試牛扖tim!! 我食左個$18的鴛鴦扖, d 牛都幾好味~ 另外我地仲叫左2個窩蛋奶, 炸香蕉同紫菜芝士卷, 4樣野加埋都只係$20咋~~ 不過個炸香蕉就麻麻地, 當試下新野啦~ 紫菜芝士卷就好多芝士, 好正~~

不過好不幸, 食完野之後cora發現唔見左散子包, 裡面有四十幾蚊, 仲有d電話no., 我地番去搵都無, d waiter又話無, 無辦法啦, 唔見其他野都仲可能會搵到, 但唔見錢就多數無望, 唯一慶幸係佢散子同大紙證件分開擺, 損失都唔算好嚴重, 下次要小心d了~

今日本來harry話同我地出市橋食小肥羊, 最難得係BONNIE佢地尋日出左去,加上佢地話唔食羊(懶矜貴咁!!!), 所以話唔同我地出去~ 呢個簡直係天大喜訊, 對住佢食飯真係噴飯!! 日日LUNCH都已經被迫同佢地食, 真係好唔想DINNER都要對住佢!! 影響我的食慾!!

佢知我地出市橋, 又叫Barry同佢買cheese cake番!! 佢成日提住幾咁好味, 又話係香港人開,  又話要買番HK食….佢都on9, 响大陸買香港人整嘅cheese cake番HK食, 又唔係特別平, 仲要提幾十萬次, 次次講親都發哂姣扭哂腰咁講, 真係睇到都打冷震, 好彩其他人都無俾反應佢~~

不過阿Jane話今日要同我地幾個intern食飯, so無得出去, 我地5個intern同jane, simmy, willa, 戴小姐and未見過的張生去左藥膳坊食, d野食係好特別, 全部都係用藥材整, 好清淡, eg. 准山粥, 藥材炒飯, 無油嘅炒面, 石春蝦, 鐵板羊肉, 雪蛤撻, 苦瓜糯米池……不過其實唔太好食, 太清淡了, 好似食素咁~~ 睇到個8婆食野就火滾, 次次都係人地未起筷佢就開始夾野食, 完全唔駛等人, 見到d食物唔知係咩時就會烘個死人頭埋去碟野度索, 成隻狗咁, 大佬呀, 俾你咁索過我仲駛食咩!!!叫左一打雪蛤撻for10個人, 佢同佢個fd就食左6件, 雖然其他人唔係食好多, 但都要留番d俾人, 等人地唔食先夾啦, 真係不知所謂…

不過同佢地(except bonnie)食飯都幾開心, 阿jane, 張生佢地講左好多野俾我地聽, 都算幾有得著~~ 又問我地做野點, 住得慣唔慣, 有咩睇法, 佢地都幾care我地呢班intern~ 雖然平時做data analysis係悶d, 不過為左fyp無辦法, 如果唔係fyp就應該會做多d唔同嘅project~ 其實都幾enjoy係度做野, 好似邊做野邊度假咁~番工無壓力, 放工又可以去食野, 去玩~~

不過走嘅時候勁好笑, Barry細細聲問我地聽唔聽到張生放屁, 佢話佢講講下野時聽到呠左幾聲!!! 我地幾個都聽唔到, 可能呢d場合無諗過會有人放屁!! 但barry話肯定有, 佢仲好肯定係張生tim, 佢話聽到呠左幾聲之後佢就拉櫈掩飾~ 笑到我地死~~ 佢仲話可能張生年紀大, 比較難控制!!!hahahah~~

今日因為番10, 應該係放630, 點知個廢楊生編車編到不知所謂, 5:00無啦啦迫我走, 話 630full哂無位坐, 又唔早講, 5:05先叫人入黎叫我, 攪到我勁趕!! 最麻煩係之後又要搵番時間補番呢2個鐘!!

呢條楊生係一個冗員, 日日响度睇報紙, 度波纜, 一係就成日搭嗲, 講埋D冷笑話, 然後奸笑! 唯一工作就係編車and大叫幾時停電, 逗呢份人工真係易!!

今日請左一日病假, 因為要番POLY搵料for FYP~ 雖然係偷懶請假, 不過請假嘅目的係出於勤力~~

一早就落左新都同mark去花好月圓飲茶, 好嘆~ 之後仲行左一陣先番poly~ 番到去搵左成日資料, 都算搵到d野啦~ 之後睇埋醫生就番屋企了~