今晚河馬, 邦邦狗, zoe去左新都食dinner, 本來諗住一品會平平地, 點知好鬼貴, 好彩最後搵到第二期間小草屋, 我地叫左兩個二人套? 有人話要4個蠔餅...., 最後我地叫左蠔餅, 雞, 豆苗, 咕嚕肉, 食到勁飽, 兩個老味併盤食極都食唔完, 食到攞d豬腸黎玩~~ 食完之後又玩埋d無聊野, 今次有4條魚仔, 大眼魷魚, 2個肚兜女人and1個男人, 我地狂拍埋d 無聊movie, 笑到勁肚痛, 連d侍應都望住我地笑~~

雖然今次係小草屋唔係聚濠, 無左清新一族, 但我地都一樣玩掟花生, 點解次次都咁好笑?? 笑埋d無聊野, 攪到勁累~~~

食完就去左行奇趣, 原來大家都覺得monchichi好核突~~ 之後講下d倉鼠, 原來大家d倉鼠都死得好慘...成身傷哂病哂都死唔去...真係睇到都覺得恐怖...我以後都唔會養呢d野了...

今日同媽去左會展睇美食博覽&冬季購物節, 個冬季購物節好廢, 好似d跳蚤市場咁, 賣埋d無聊野....行左一個圈就去左美食博覽, 嗰邊好好多, 有野得試食, 唔買都可以睇下~ 最開心係見番一隻細個時成日食我罐裝薯條, 係美國出的, 而家周圍都搵唔番, 真係好懷念, 即時買左6罐~~~ 之後買左d杏仁, 豬肉鬆, 罐頭... 不過真係好多人, 行得好辛苦, 累死了~~

今日係大除夕, 今年唔想好似之前咁出去銅鑼灣, 蘭桂坊同人逼~ 年年都係迫到企响d街頭巷尾求其數左就算, 今年去左西貢自助燒烤~ 起碼唔駛迫, 又唔駛準備~

我地6:00响新都坐免費巴去西貢, 大家都好耐無玩過, 大家都好興奮~~ 去到join埋阿哲一齊行過去~ 個場都ok, 都幾多野食, 仲有d熟食, 沙律~ 不過最麻煩係無燒烤叉, 要用挾反d野食, 如果俾d無技巧的人亂攪亂炒, d野就會燒焦, 都係要俾番d有耐性, 有技巧的人去處理~~

食完野我地傾下計, 大家都出黎做野了, 好似好辛苦咁, 我真係要好好珍惜埋呢半年讀書生涯了~~之後我地玩下低能野, eg. bom ba wa, 森美小儀的無聊game, 阿哲永遠都係輸嗰個~~笑死~~ 仲有d無聊IQ題...

接近12點時無人倒數, 但傳來一陣陣歡呼聲, 我地都叫埋一份, 自己幾個數左就算~~

燒完我地就行去食糖水, maggie一路講電話我地一路搭嗲, 笑死, 真係笑到肚痛~~ 去到滿記食左個紅色highlight的腐竹薏米糖水, 都ok, 但好少料~

之後就番屋企了, 番到去3:00先訓, 好累好累~~ 成晚都不停咁笑, 都唔記得笑過d咩了~~

今日全日補習, 一日走2場, 都幾累~~

夜晚同mark去左廟街食野, 我地2個人叫左2個煲仔飯, 一個炒蜆, 一個炒聖子, 一支啤酒同一罐汽水~ 味道都ok啦, 不過d蜆好細隻~ 我地計過應該要$140, 叫佢找數時佢竟然話$105, 我地好愕然, 俾完錢即刻走~~哈哈~~ 計黎計去都唔知佢計漏左d乜~ 不過真係好抵~~呵呵~~

好野~ 台灣package confirm了~~今次係自由行, 要考慮好多野, 酒店, 航班, 交通, 行程, 又要格價~~ 搜集完一輪資料, 終於叫野兔幫手book~~ 朋友始終穩陣d, 價錢又合理~~ thx 野兔, 下次請你食"屎太軟"~~ 黎緊要做的就是好好咁plan下行程, 我要盡情relax, 食同行街~~ 相信自由行一定好玩過跟團, 唔使困住哂~~

另外今日book埋除夕bbq了, 諗住咁遲打去都應該無哂位, 點知都book到~~之前都未去過呢d場bbq, 希望ok啦, 因為唔想年年都出去銅鑼灣迫到死倒數, 數完又好似好無聊咁周圍hae~~