國慶日, 對我來說無咩意思, 只係唔使番學~

一早就入左天水圍同表弟們補習, 真係幾累...不過無辦法啦, 當幫下佢地啦~

補完習番屋企坐一坐就同mark去西貢游水, 好想鬆一鬆~~ 去到個池得大約5個人, 我地可以打橫游都得, d水好清, 不過有好多昆蟲, 有蟑螂, 有蟋蟀... 好核突~

游完就去左食飯, 之後就番屋企, 番到去倦極入睡了 ~~

今日去了見阿姨, 原來幾年前的事, 仲有好多手尾要攪, 我以為一早就攪掂哂, 原來政府d野真係好麻煩, 又要証明呢樣嗰樣... 事隔咁耐就攪足咁耐, 仲要好似無了期咁攪, 唔知幾時先可以claim到份保險... 我唔識法律, 唔識政府程序d野, 只可以叫佢地耐心d攪, 攞番應得嘅野...

心情很複雜...

煩死了!!!

愈來愈不喜歡這個冷冰冰的家!!

今日同maggie, chung and fellow去左觀塘唱k , 本來想唱k lunch, 點知唔夠12點就full左, greenbox同neway都係, 最後只好等埋fellow1:00唱happy hour~好貴呀, 3個hr要成$87each, 不過算啦, 都好耐無唱過~

我地今次狂唱草蜢的歌, 呢排佢地出番黎, 攪到我地點哂佢d old songs, eg. 失戀, 三分鐘放縱, 怎麼天生不是女人, 寶貝我愛你, 嗲噢, 熱力節拍wubomba...... 雖然有d唔係好記得係點唱, 但一聽到音樂就覺得好熟, 唔駛睇歌詞都識唱, 原來我地都好熟草蜢d歌~~ 睇番草蜢d mtv真係笑鬼死, 勁勁勁7!!! 衣著, 跳舞, d人都好7, 無啦啦彈個英文字"GRASSHOPPER"出黎, 真係笑死!!

都係嗰個年代嘅樂壇夠熱鬧, 又有4大天王, 又有d唔同類型歌手~~ 而家嗰d真係好唔掂, 無一首令人印象深刻~~

唱完之後去左行APM, 見到一d又核突但又好想睇嘅野, 不過只係驟眼睇到, 之後想搵都搵唔番, 我地幾個都好失望, 包抄唔到佢地!!

今日係中秋前夕, 但朝早都仲要番學~ 其實中秋對我黎講無咩意義, 雖然星期一放假, 但我星期一不嬲dayoff~

番完學去左同mark食 lunch, 食番唯一面家, 今次終於無食酸辣湯面~~ 之後我地想去迪欣湖睇下, 點知去到迪士尼站落大雨, 於是就番左旺角行~ 夜晚去左食bb任食特區, d野食麻麻, 不過咁嘅價錢係咁上下了~~

對死人鞋著到我隻腳損哂, 明明著過好多次, 但隔一排唔著又刮腳, 痛到死, 仲行到我腳趾抽筋tim~~