今日上午fanny來我家整蛋糕, 今次我地試整<心太軟>, 佐由於我地個模太淺, 最後都係無流出黎嘅效果~~ 整完一齊睇都市閒情, fanny成日話黃宇詩好核突...其實人地都唔係咁差je~~ 係都要話人~~

下午同maggie and chung去左新都睇<<4眼雞丁>>, d公仔好得意, 雞丁好可愛~~ 故事無咩特別, 都幾好笑, d動作幾正~~ 整體黎講普通啦, 但d公仔好得意~~

呢2日睇嘅戲都係d破壞地球嘅場面, 好混亂呀~~

今日去左Kowloon Bay睇king kong, 好好睇~~ 開頭睇左好耐都覺得同king kong無關, 點知之後就黎料, 一場又一場的搏鬥, 以為番左city就無事, 點知又打一場, 之後king kong仲上頂樓"打"飛機!! 好勁~~ d特技真係好正, 睇到好緊張~~ 有d位仲好感動tim~~

$50可以睇16億製作, 真係好抵, 套戲仲長3個鐘tim~~

聖誕真係一個開心日子, 加上考完試, 特別開心~~

最開心係一到聖誕, d朋友就會彈哂出黎, 平時各有各忙, 但呢個時候就總會聚一聚~~ 今年收到好多sms, 連吳師傅都有send俾我同cora~ 佢應該好掛住我地, 想我地快d上去同佢玩~~ haha~

黎緊有好多re-u, 除夕同fellow佢地倒數, 2/1去同班屎人唱"手語k", 6/1同gigi, polly, winsom食curry.....~~好期待呀~~

考完colour之後就同mark去左行街, 好耐未試過無憂無慮咁行過了~~ 我地去睇下台北package, 之後去行工展會同 遮打花園的歡樂小鎮~~ 好鬼多人, 不過好熱鬧~~ 本來想睇埋10點鐘海旁的"幻彩詠香江", 但太累了, 都係早d番去休息~~

搭690番去時, 車上有個死肥佬, 不停同佢d fd大聲講野大聲笑, 本來後生仔玩下無咩野, 但呢條友實在好乞人憎, 大大聲唱歌, 講埋d冷笑話, 講完仲要擰轉望住我地睇下我地有無反應!! 至憎呢d人!!

今日收到第2份聖誕禮物, 係憂鬱叮噹~~thx ~~ 找尋多時, 最終都係要左隻平d嘅陳列品, 不過唔緊要, 比奇趣平$60!! 洗下就好似新一樣~~

突然興起, 攞哂屋企d叮噹公仔出黎, 睇番d 公仔, 原來自己真係一個叮噹迷~~ 另外仲有全套漫畫tim~~ d叮噹公仔多數都係親戚朋友送, 仲有一隻係f.7謝師宴抽獎抽番黎~~ 得2隻懶叮噹係自己買的~~

 憂鬱叮噹同兩隻懶叮噹

 所有珍藏叮噹

今日收到一份聖誕禮物, 係補習2個靚妹的姨媽送的, 包得好靚, 有哂絲帶花球~~

係一盞hello kitty枱燈, 好鬼死靚, 呢d野我自己一定唔會買~~ 估計都要大約$1xx-2xx, 很大手筆哦~ 我只是一個補習老師... 有錢人真係有錢人...