築地-->上野-->成田空港

last day了, 我地去左上野locker放低行李就去築地食刺身飯~~ 築地係一個魚市場, d人會特登去食or買魚生~ 我地食左個刺身飯, 因為係日文關係都唔知係咩刺身~ 不過真係好貴, 最平嗰個都要800円...晨早流流就食成個飯, 好唔慣~~

買完野就去上野了, 上野出名手信好平, 好似d野食, 果子咁~ 我地去左間玩具鋪睇野, 之後就去二木果子買手信~ 買左好多好多手野食, d日本零食好抵, 拎到成手野~~ 行下行下發現上野有好多刺身飯鋪頭, d set平過築地好多!! 成個set都只係500-800円!! 本書提都無提過.... 呢本書實用資料方面係幾齊, 但d介紹真係好唔全面, 成日都介紹埋d又貴又9唔搭8嘅野!!

最後我地就搭京城本線出發去機場了~~ 途中終於見到有jusco!! 我地黎左日本咁多日, 無一個地方有jusco!! 原來jusco响日本是不流行的~~ 另外就係以為日本會有好多叮噹精品, 點知係好少...似乎叮噹在日本都係過氣的...香港的叮噹精品又多又靚呢!!

去到機場, 食過最後的日本餐: mcdonald... ~ 行一陣機場就搭JL739番香港~~ 番到屋企已凌晨1點了, 好累好累~~

7日話咁快就過了, 番到黎就要開始人生另一階段, 番我的第一份full time job, 唔知幾時先再有得去旅行了~~ 我希望可以一年at least有一次旅行啦, 下一個目標係....諗下先...大阪? 北海道? 泰國? 唔知呢~~

銀座-->池袋

今日輕輕鬆鬆咁10點出發, 去銀座行下~~ 咁大個女第一次入LV睇野, 哈哈,  of coz 只係睇啦, 只係想見識下, d袋at least係我半個月人工呀~ 我又唔覺得d袋有咩咁靚, 拎住個LV又唔會有咩咁型, 只係等如用個袋話俾人知: 我有錢!!
有無錢真係唔須要咁show出黎, 咩住個袋又點呀, 一d都唔實際~~

之後仲去左burberry, 勁多香港人; 仲有5層的fancl house; 8層的玩具店~~

去完銀座就番池袋慢慢行下, 第一日太怱忙都無咩認真行~~  我地去左sunshine city食天井, 好好味, 價錢都ok~ 之後行下行下發覺池袋其實咩都有, 有好多我地响其他地方買嘅野呢度都有, 原來唔使特登去買~~ 夜晚我地去左撲割引壽司, seibu7:30就close, 入唔到去, 只好去tobu, 我地買左大約hkd$200刺身and 壽司番hotel食, 食到好飽, 質素都幾好~~ 原來海膽係好難食的....

Tokyo Disneyland

今日好早就出發去disneyland, 搭到去橫濱站~~ 我地無坐disney線, 因為好把鬼, 明明行幾步就到, 真呃錢~~

一去到門口, 已經見到好多人排隊買飛...我地排左成個鐘先買到入場...都預左今日會不停咁排隊了...

我地一入去就攞過山車的fastpass, 之後就去排splash mountain, 即係好似滑浪飛船咁~ 排左成個hr先有得玩...後面仲要有個日本mk男, 真係難頂... 玩完之後濕哂, 好玩程度係3粒星(5粒滿分)~

之後想玩其他野, 但個個都好多人排, 又無fastpass攞...我地都係去左食野先, 好彩個熱狗餐都唔算十分貴~~

之後玩過的game:
攞左fastpass的過山車: 好玩程度:3粒星~ 
                                    以為好刺激, 但只係好慢...
小飛俠: 好玩程度:2粒星
                        無很聊, 同香港的小熊維尼相若
立體影院: 好玩程度:3粒星
                香港的好玩好多, 動畫主角好得意; 日本的用真人故事, 幾悶~
世界真細少: 好玩程度:2粒星
                無無聊聊, 只啱小朋友玩
巡遊: 下午-3粒星, 無咩特別, 同香港差不多
        夜晚-4粒星, d車好靚, 幾特別~

全日不停排隊, 都玩唔到幾多個game....明明係星期一, 成個park都超多人, 好辛苦...~ 本身對disney唔太熱衷, so總結就係: 迫and 不太好玩~~ 相信我會對大阪的環球片場有興趣d~~

涉谷-->淺草-->秋葉原-->海濱幕張

今日去左附近間 subway食早餐, 記得之前响melbourne食過subway~~ 味道一般, 無咩特別~

之後我地就出發去涉谷, d人話涉谷係shopping嘅地方, 好多衫褲鞋襪~ 我去行左109 and 109-2商場, 有d似旺角中心and銅鑼灣, 但d野嘅價錢就係4-5倍!! d衣物又太潮, 唔係我嘅style, 行左一陣就閃去淺草了~~

我幾喜歡淺草這地方, 那條長長的仲見世通有好多賣souvenir的鋪頭仔, 雖然d鎖匙扣我係唔會買, 但睇下都好, 幾得意~~ 最後我都買左條叮噹電話繩~~ 去到淺草寺, 薰過d煙同飲過唔知咩水(話會帶來好運), 我地去左求簽, 好彩我地2個都求到吉簽~~ 之後我地去左食d街頭小食, 有炒面, 八燒餅, 麻糬~~ 好正~~

一去到秋葉原, 就見到d lolita....仲有好多電車男.... 一睇佢地d打扮就知佢地係御宅族!! 我地去左睇玩具, 都無乜我地想要的扭蛋~~但差不多每個商場都有一層是賣4級動漫的....~~ 之後我地想去交通博物館, 點知....關門了, 門口有張告示話5月15關門, 8月xx先在另一地方重開!! 好失望呢~~

見仲有時間, 我地就去海濱幕張, 想去agnes b, nike, adidas的outlet, 車費超貴呢!! 要680円!! 仲要搭左好耐車!! 我地去到見到agnes b個牌, 但原來佢已經由outlet變左做專門店!! d款仲唔多tim... 俾本書呃左!! 好失望之下去左睇adidas同nike outlet, 但無咩特別, 不過就意外地見到書無提過的wacoal outlet, 就入去買左幾個b~~ 好彩都有收獲, 唔係就白去了~~

三鷹-->吉祥寺-->台場

今日我地食麥記早餐, 380円一個餐, 算係幾平了~~我叫左個豬柳蛋漢堡, 幾好味, mark就慘了, 以為嗰塊係豬柳, 點知原來係煎蛋!!攪到最後要食淨包....

之後我地就出發去三鷹, 落雨很麻煩呢~~ 去到三鷹駅就轉貓巴士, 可能因為落雨, 無咩人坐~~ 去到宮崎駿美術館, 首先睇左套出面無得睇的短片, 講用粒寶石種左個地球出黎, 因為得日文配音, 理解到8成~~ 之後睇其他野, 我最鍾意就係嗰個tum tum轉, 一轉時d公仔好似真係move咁, 好靚~~ 另外仲有宮崎駿的工作室, 手稿, 紀念品, 好可惜館內不准拍攝, 只可以去天台影下天空之城嗰隻野~~

之後我地就經井之頭公園行左去吉祥寺, 愈行愈大雨, 沿途好多烏鴉大叫, 好嘔心, 佢地每隻d聲都唔同, 笑死我地~~ 到左吉祥寺, 我地去左istan睇下有無agnes b shop, 答案係沒有~ 之後就去左間玩具店, 買到個好rare的Q太郎扣針~~haha~ 另外買左d貼紙tim~

之後我地就出發去台場了, 在新橋站我們先吃了吉野家牛肉飯, 好飽~~ 之後就搭無人駕駛的海鷗號, 我地在芝浦下車, 經過一段好似葵涌工業區的地方去rainbrow bridge, 本書又昆了我們, 明明話有得取postcard和記念印, 點知乜都無!! 行條死人rainbrow bridge又嘈又多塵, d大車响身邊衝過, 勁恐怖!! 加上落雨, 咩風景都睇唔到...條橋成1km...浪費了我們的時間and腳力~~

經過海濱公園就到了台場, 我地先去了DECKS, 裡面d鋪頭好得意, 好有特色, 賣d野都好攪鬼~ 裡面仲有個台場小香港, 以香港為主題的section~ 之後我地去埋隔離的aqua city, 去左coca cola專門店, qoo的精品真是少之又少....最後就去埋富士電視台參觀, 我地好醒目, 去左5樓同7樓免費參觀, 睇下d人現場錄影, 不過我對日本明星無咩認識, so有d悶~~ 不過行行下, 有條巷貼滿哂小丸子人物的大頭相, 超得意, 於是我地就狂影相, 都不枉我黎左呢度~~