今日嘅行程係: 新宿-->原宿-->下北沢

我地一早起身就去左酒店對面的MOS Burger食早餐, d人成日都話幾咁好食, 一定要試下~~ 個包真係幾好食, 好多汁, d料好新鮮, 麥記嗰d真係無得比~~

去到新宿, 去左歌舞妓町同書提過的商店, 但都幾把鬼...因為我地唔係潮人, 無咩興趣睇潮野~~之後去左Istan睇agnes b, d人成日都話平, 就去睇下有無野買~~ 果然係好平, 應該比香港專門店平30%, 但款式唔多, 之後去埋書上提過有agnes b的其他商場, 點知俾本書昆左...搵極都無...我地問reception, 個姐姐叫我地番去Istan先有.... 好彩最後都買到個袋, 平過香港好多~~好開心~~ 之後我地去左書介紹的三葉迴轉壽司食lunch, 每碟105円起, 但....我真係未食過咁難食的壽司....d人成日話日本是但搵間都好過香港, 但呢間d壽司係我食過之中最難食的....d飯好散, d魚生好細塊, d魚仲好腥....價錢唔算平, 都食左百幾蚊><

之後我地就去左下北沢, 呢個地方我幾鍾意~ 無新宿原宿咁city, 有d似赤柱, d屋都好唔同~  我地去左"二丁目三番地"睇玩具, 有好多卡通人物精品, 連m&m都有~~ 個老闆好好人, 叫我地自己打開d櫃睇~~ 不過最後都係得個睇字, 空手而回~~ 行番去下北沢駅時, 見到有士多啤梨賣, 人人都話日本的士多啤梨好好味, 一定要試下~~ 我地買左一盒, 一路行一路聞到d香味, 最後忍唔住搵個商場toilet去洗左幾粒即食, 真係好甜好好味喲~~

最後一站就係原宿, 我地搵到kiddy land, 係一間好多層的toy shop, 好多野睇~~ mark仲買左幾輛JR山手線火車tim~~ 不過行左咁多間toy shop, 發覺doraemon在日本已經不太流行, 精品唔多, 個column多數都好細...香港的doraemon精品多好多, 有d失望~~

之後我地就番左新宿食dinner, 去左思出橫町食串燒, 俾一個識講國語的女人昆左, 食左一餐貴夾唔飽的dinner....做左水魚!!

行到隻腳跛了~~

今朝好早好早, 5:10am就起床, 5:20就出門口~ 我地行落去寶林巴士站搭5:40am的E22A, 行到一半mark發現忘了帶褸, 要折返屋企攞....幸好都趕得切~ 上到車就繼續訓, 7:10am就到了機場, check in後我地去了大家樂食早餐, 我對JAL飛機餐好期待, so唔食大家樂留肚~~

到8:50就可以登機了, 等了一個鐘左右, 開始派飛機餐, 好可惜, 只是一般的pork noodle, 沒有日本特色~~ 之後坐了4個hours, 大約2:30pm就到達了~~ 我地攞完行李就去買京成本線火車票去池袋, 過程都好順利, 去到日暮里轉JR~~ 等車途中, 見到一對香港情侶, 個男的在發脾氣, 將個袋扔落地下, 之後上車2個人都背向對方, 嬲爆爆咁, 好攪笑~~ 最後落車時個男tum番個女, 之後就笑笑口咁落車了~~ 如果佢地呢幾日都係咁樣就真係浪費左個trip了~~ 之後响車上見到一個學生妹, 個打扮同小丸子的好朋友---小玉勁似, 紮孖瓣, 圓眼鏡~~ 好攪笑~~

到了池袋, 我地就搵我地間酒店--Crowne Plaza Metropolitan, 呢間酒店都幾high class, lobby幾grand, 有bell boy幫我地搬行李, 但地點就不太方便~~ 不過算啦, 有半價房遠d都無所謂~~

5:30pm, 安頓好之後我地就去附近行下, 食左個Wendy's, 香港已經無哂wendy's, 記得上一次食係好細過時在香港仔食, 最記得係塊漢堡是正方形的~~ 而家食的日本wendy's都ok, 但就不是正方形漢堡了~~之後去左sunshine city, tokyo hand, animate, 仲未開始shopping, 先採取觀望態度~~ 夜晚就是但搵了一間拉面店食, 價錢幾貴(700円), 但我覺得好好食~~ 蛋, 肉同d湯都好好味, 香港嗰d無得比~~

食完我地就番酒店休息了~~

而家係25/5淩晨12:24, 仲有5個鐘我就要出門口, 搭車去機場坐9:20的JAL往東京~~

好興奮呀 ~~ 由考試到而家, 期待左呢個trip好耐~~ 希望順順利利, 開開心心~~

另外一件開心事係抽到天津港IPO ~~真係好意外, 上次大連港800倍唔中, 今次1700倍就中, 真係靠運氣~~ 一向無咩抽獎運的我終於中番次~~ 雖然升得唔算好多, 但重點係抽到, 証明自己好運~~呵呵~~

希望好運繼續圍繞住我和我身邊的人~~

今晚又係我地4人幫聚濠之聚了~~ 今晚嘅theme就係--小妹生日~~

我地730到了, 照常要食片皮鴨, 可惜冬瓜盅售罄~ 為左叫另外4個餸, 次次都會引起不滿~~ 今次係金針雲耳雞vs碧綠醬爆斑塊!! 我地3個都想食雲耳, 但d屎人死都話尋日食左雲耳今日就唔食!! 結果叫左個碧綠醬爆斑塊, 係有我唔食的西芹呀!!!太可惡了!!斑塊仲只係得6塊!! 個屎人受盡千夫所指!!抵佢心口生野!!

食完之後就開始玩, 好多謝佢地的"感謝卡"(唔知點解係感謝...), tigger燈and 叮噹印章組合, 仲有今晚搶哂風頭的4粒屎!! 我地拍左好多白痴movie, 不停咁圍繞住枱面劈屎狀葡汁!!之後睇番笑到反肚!! 笑完好累就歸家了~~ 

今日好relax, 一起身就同媽去食早餐, 之後悠閒地上下網, 好舒服~~

夜晚補完習就去左tst meet daisy and fellow, chung因為唔舒服而無到~~ 本來係話食飯, 但最後去左green box唱k~~ 話時話真係好久好久沒唱過k了, 對上嗰次唔知係咪上年10月去poly影相嗰次~

今晚唱真係幾貴, 埋單每人要$150, 不過算啦, 學fellow哥話, 開心就得啦~~ 每次唱k, 都會發覺自己已經唔係呢個年代嘅人, 記憶永遠停留在90年代, 唱完少少新歌之後, 我地就開始90年代的草蜢, 黎明, 鄭e健, 佢地d歌真係好經典, 唔睇字幕都識唱~~ fellow仲好記得d mtv內容tim, 睇番d白痴mtv真係爆笑~~

我地由7:30唱到1:00, 唱到好累, 不過夠哂皮, 之後就搭泥鯭的番屋企了~~