今日係last day了, 終於捱完陳石富的課, 只要過埋tue的present, sem6 就正式完了~~ 之後8號交埋FYP, 18號考哂試, 就真真正正free了!!! 好期待我們的畢業旅行, 已confirm了7日的Japan trip~~ 謝謝fanny為我們找的package, , 真是抵到爛~~

呢排雖然要做fyp, 但都忍唔住去睇人地d遊記~ 相信東京真係一個好多姿多采的城市, 不過我最想睇的是日本的風景, eg. 櫻花, 薰衣草, 富士山...~~ 不過5月去就未必睇到了~~ 另外就係要掃一切有關叮噹嘅野!!

快d快d考完試, 好期待呀~~

今日有2個miss hong kong番poly 講talk, 係葉翠翠and朱凱婷, 之前send哂email黎宣傳, 响resources centre攪, 但真係好慘淡, 得唔夠5個人去聽, resources centre排左幾十張chair, 但最後為免無咁難睇, 佢地拉左幾張chair出去圍圈傾計就算...好慘~ 我地幾個只係响resources centre做present先唔覺意咁聽左個talk, 佢一路講我地一路响後面做present...

論外表, 勁濃妝之下2個都ok 嘅, 話哂係香港小姐, 葉翠翠就好高, 但我地就唔太like佢了, 話就話係師姐, 但睇佢都只係一個無腦的靚女... 講d野勁無point, 講自己之前做過咩工時, 只係做過model, 連做馬會都講埋出黎, 佢都係一畢業就去選港姐, 無咩人生經驗, 都唔知同我地分享d咩....反而朱凱婷就幾有料, 講野好有point, 口才幾好, 佢仲為左個talk prepare左個powerpoint, 講佢畢業之後做過d咩, 轉過d咩工, 目標係咩, 而家仲讀緊master tim~ 即使而家選完港姐, 佢都唔係做下無聊主持, 拍下劇集就算, 佢仲有做DJ講財經~ 聽完個talk對佢刮目相看, 絕對係一個有樣有腦的人~~

做present時真係俾gary激死, 成日都好似好有料咁, 但做埋d野超廢, 笑死我地~ 叫佢搵泰國貨幣英文係咩, 佢走去yahoo search "thailand money"圖片, zoom埋張銀紙搵......叫佢search thailand地標, 佢走去search人妖.... 我地幾個都唔俾面佢, 勁窒佢, 叫佢唔好click下click下咁扮做緊野, 佢俾親d advice我地都ban佢~~ 連mathew都窒埋佢一份~~笑死~~

今日本來諗住同mark去踩單車, 但好似好大風咁, so改左去行山~~ fanny都join埋我地~~

好耐無行過了, d人好有心機咁修葺d路, 而家已經唔係山路, 好多都係石級~ 但行樓梯好辛苦, 我都係鍾意行山路多d~ 行完成程都係見唔到蛇~~

我地又見到嗰間神祕大屋, 真係好大, 好神秘, 唔知裡面住嘅係咩人呢? 下次影番張相先~~

今日同mark去新都食lunch, 我地又忍唔住去左冒險樂園了....不過今次煲一部火山機, 用$150 win左 4500張tickets!!!! 好勁, 中左幾次jackpot, 部機又易推, 入一個幣就推左好多幣落街, 真係好興奮~~wahahaha~~ 而家總共有7千幾張了~~

今日約左daisy去街, 4:00去到旺角~ 一見佢就話自己啱啱飲完芒椰奶西!! 真係死性不改~~
同佢其實唔係行左好多地方, 主要都係一路行一路傾計, 好多野要講, 因為我地太耐無見了~~

佢明明話買野俾人, 但就掛住買自己野, 都忘記左個真正意義~~ 我話出去買銀包就真係買到, 好少有買野咁爽快的~~
我地夜晚去左女人街側邊的一間意大利餐廳食, d野食都幾抵, 幾ok, 好大碟~ 不過就迫左d同燈光怪怪地~~ 仲有個經理側面成個梁家輝咁~

食完傾左陣我地就去番潮流特區買野, 唔知點解會有咁多怪事發生响daisy身上, 買個袋都可以有d咁多麻煩~ 哈哈~ 佢真係唔好彩, 最後係袋又買唔到, 仲要來回波鞋街, 瓊華, 潮流特區幾次~ 上演左一場碌visa and 退現金的鬧劇~~