今日番左poly影畢業相, 有媽媽, mark, fanny, 仲有zico tim~ 好多謝fanny的花和zico的叮噹公仔, 雖然我最後都無去ceremony, 但你話請假陪我去我真係好感動... 不過我真係唔想去, 無心情去呢d場合...今日一齊影相已經好開心了~

我地去左聚賢樓食左個好難食的e面, d 點心好唔抵... 不過影相影得幾開心, 人少少可以周圍影, 咩都影~

poly影完之後就入左中大同zico影, 都有幾多人到, 咁就可以順便一齊影~ 次次入中大都係影畢業相, 次次都行好多路~ 今次唔止腳累, 因為野兔紮花太大, 連隻手都好累~~haha~

今日探完爸後就同mark去左灣仔玩具展, 仲撞到聰tim, 真係好耐無見, 佢特登黎影show girl (哈哈!)~ 原來佢都想去東京, 咁我可以過d料俾佢~~

個玩具展都幾廢, 首先個場地好gap, 又無咩賣, 明明張poster裡軍曹係主角來的, 但去到只有一個corner係賣軍曹野, 仲要只係嗰d通街有得賣的模型, 有d tee好得意, 但真係好貴, 要$199一件, 太貴了~

唯一安慰就係有d叮噹野睇, 仲有隻識郁嘅叮噹可以影相 (不過好污糟)~

响太原街發現好恐怖的軍曹面具&衫, 好嘔心.... 另外見到原來上星期買的軍曹基地set到到都有....原來係唔稀有的....

之後去左太古食dinner, 食完睇左"鐵道凶靈", 恐怖程度一般, 劇情一般, 有d草草收場, 總括係: 早知就睇"德州電鋸大屠殺2"好過

今日一早收到院舍電話, 話dad的頭部無故流血... 即刻趕去睇佢, 已經止左血, 表面無咩野, 聽d姑娘講應該唔會係撞到, 應該係磨損...好彩反應無差到, 但好驚佢腦裡有d咩唔妥, 所以都係要入院check一check.

今次係我生平第一次坐白車...

去到聯合急症室, 醫生check一check後發覺無咩事, 只係傷口可能擦到所以流血, 幫佢消毒完就可以走, 總算鬆一口氣...之前幾次睇急症等非緊急救護車都要等幾個鐘先可以番去, 好彩今次等左一個鐘就有車.

今日約左同學仔影相, 好熱鬧, 好多人, 好曬~

今晚同Polly去APM食dinner, 傾下計, 行下街~ 講開工作, 大家都變得好憎聽電話, 因為d電話都通常唔慌係好野, 一係就俾廠追野, 一係就叫你做野, 有時電話響會扮聽唔到~ 哈哈~

希望你媽平安無事~