每一天都好難過, 每一天都有不同的煩惱衝向我, 甚至有d意想不到的事發生...

來自4方百面的壓力: 醫生, 護士, pk社工....一日比一日沉重, 除左喊, 禱告, 就係要積極面對.

經過一次又一次嘅打擊, 我已被上天訓練得非常非常tough & strong, 原來我媽比我更strong!! 這是我意想不到的.

我深信我dad會有好番的一日!!

好感謝我身邊的朋友, 雖然我關閉自己一段時間, 唔聽電話, 唔搵你地, 係因為當時我覺得根本無人幫到我...但你地都好關心我, 想辦法搵我幫我, 我好感激身邊有呢d好友支持, 算係心靈上的小小安慰~

仲有所有的親戚, 平日可能一年見一兩次, 但有事時個個都出現關心我地, 大家庭就有呢個好處~

我估計唔到將來會點, 但深信我dad會康復的!

爹地:

你要支撐住, 你已經好叻, 捱得過咁大嘅手術~ 你只要每日再叻d, 就會有進步, 身體好快就可以同以前一樣~ 呢幾日俾d時間你休息, 你要記住好多好多人支持緊你, 陪住你一齊過呢關, 唔好令我好失望呀!!

等你好番之後我地仲有好多節目ga~

我會一直為你祈禱, 神一定會保祐你大步檻過的!

希望睇到呢篇文章的人可以為我爹地祈禱! 令佢可以早日渡過危險期, 可以健康地離開深切治療部!!

今日lunch同同事出去食, 响出面撞到itc同學Ivy~~ 好開心撞到識嘅人, 大家仲要同公司(但不同層)~ 而佢又識得我同事, 以後可以一齊食lunch了~ 聽番佢講, 原來佢係merchandising trainee, 佢已經做左一個月, 佢話呢間公司都幾好~~

今日又企左成日, 好累, 聽日開始跟style了, 希望順順利利啦~~

今日係第一日番工, 原來搭93k行過去都唔係好遠, 仲8:50番到公司tim, 聽日可以再遲一班車了~~

番到去就有orientation, 大公司真係唔同d, 有哂HR同我地briefing, 對所有benefit, regulation, 公司background都好清楚介紹~ 之後就上左去我個dept--bottoms boys~ d同事都幾好, 好nice咁打招呼, lunch仲會叫埋我一齊食~~ 聽佢地講, 呢group d人剛剛走哂, 而家大換血, 個個都係新調黎, 做得最耐嗰個都只係做左1個月~ 聽到都有少少驚, 不過佢地話只係咁啱個個都轉工, 唔係公司問題~~ 不過咁都好, 大家都新, 會相處得好d~~ 希望d野可以快d上手啦~~

今日成日嘅工作就係"執雞", 即係執辦寄辦, 企左成日, 好累, 不過時間過得好快, 大佬講明有新order黎就會俾我跟, 應該好快就會開始忙了~~

總結今日: 感覺良好~~

被下了降頭, 但而家先發現, 等我而家解降啦~

請點名7位朋友繼續下去
被點名的人不能重複
未滿7人者屬違規會有報應
唔係我講架
拍拖中的人會分手
單身的會一年內交不到男/女朋友

點我的人: homa
填寫日期: 9/7/2006
愛的音樂: 好聽的就可以
愛的顏色: 火辣辣的紅色
愛的國家: 日本(不是崇日, 我好憎小泉的, 但喜歡日本的景色, 规劃及人的有禮)
愛的汽車: 小巴 (公共交通中選擇), 夠快, 夠平, 唔使迫
愛的休閒: 上午睇叮噹, 下午睇keroro, 夜晚睇劇集, 上網睇無聊post (膠登), 睇下股票, 去冒險樂園玩
愛的科目: Small business (可以了解business的setup and運作), Production Planning (鍾意計數), garment manufacturing (好有心機車野), biology, English
愛的甜食: 唔太喜歡食甜野
愛的個性: 爽, 最怕人扭扭擰擰; 實際, 最憎人不設實際
愛的口頭禪:重未發現到
愛的小動作: 撩頭發 (其實係搵緊d開叉頭髮); 唔開心時就會玩手指
愛的習慣: 番到屋企要即刻沖涼

愛的季節: 秋天
愛的女人: 媽
愛的男人: 將來的老公
愛的節日: 聖誕節, 因為d朋友會彈哂出黎, 有排玩無時停~~ 反而唔鍾意新年, d人番哂鄉下, 我無得番, 鋪頭又收哂, 好悶~
愛的香水: 唔搽
愛的運動: 游水(夏天), 行山(秋天), 排球(不過無咩機會打)
愛的定義: 當唔開心時, 諗起有呢個人會覺得仲有個依靠, 可互相分憂; 有共同目標, 一齊出發; 想成日見到佢笑, 有時又好想打下佢; 唔雖要d咩承諾, 一齊時開開心心就得, 唔好同我講咩愛我一生一世, 我唔信and唔受的~~ 

點名的7位朋友: Fanny, Maggie, Fellow, Chung, Polly, 大Kat, a (亂點的, 好多人都無diary, hoho~)