今晚放工後同fanny去了hollywood plaza食dinner, 食左咖哩炒蟹, 炒聖子, 仲有薄餅, 椰汁黑糯米, 春卷, 通菜, 每人都係$35 ja~~ 好抵~~ 最攪笑係d聖子成個人形咁, 我地攞黎玩, 笑到肚痛~~

食完就去左冒險樂園玩, 我地玩左好多錢, 不過好彩個火山機都噴左成5次, 睇到d錢咁跌落黎真係好爽~~ 我地仲用一個特別方法fing金幣tim~~

玩完之後11:00, 我地都唔想咁早番去, 於時去左APM睇下有無野行~ 去到有勁多人睇波, 我地最後好辛苦咁搵左個位睇埋一份~ 不過真係太多人, d人迫哂埋黎, 最難頂係有個成身酒味嘅男人攝過黎, 臭到pk!!又成日阻住我睇, 好彩過半場佢就識做走開!! 不過場波真係幾好睇, 竟然打到射十二碼~ 我自己就想阿根廷win, 因為覺得佢地係勁d, 可惜最後都係輸左~~ 現場睇波好好氣氛, d阿叔勁攪笑, 成日都爆粗, eg. 守x住呀!! 連平時唔睇波的我都覺得好好睇~~

今日係出糧日, 但我一d興奮的感覺都無... 因為我呢個月都唔知自己响度做乜...

呢個月做過嘅野包括寄件, 包裝, 數物料, send email, typing, 開會傾email 同上堂... 每日真正有野做的時間只係大約3個hours, 但做嘅野就係以上呢d無聊野... 唔知係咪自己唔好彩, 一入去就撞正無乜單嘅時候, 日日咁坐响度, 將我剛剛出黎做野嘅鬥志磨滅哂... 經過呢一個月, 我發覺我自己個人呆左, 番到屋企都無咩野想講...

頭2個星期, 問題都只係無野做, 我都仲會等待, 但過多幾個星期, 我愈來愈唔鐘意呢間公司, 2個老闆做野好有問題, 成日响d唔重要嘅事度糾纏, 我睇到都覺得好煩, 唔怪得呢間公司無人做得長!

希望我星期一可以順利咁resign...

部pc壞左幾日, 今次又係開唔到機了....次次都係咁壞法, 可能因為cheap啦, 個底版係時侯玩完了~~

尋日放工同mark食完lunch就去了深水埗睇pc, 行高登時好多人派d leaflet俾我, 派親都係d$2xxx的組合....俾佢地睇穿哂我的要求tim~ 睇左幾間, 最後都係砌左部$27xx, 都係within我budget, 唉, 糧都未出就要有d咁嘅意外錢要使, 再加上之前睇牙, 真慘~~ 好彩有分期付款, 咁都無咁肉赤~

今日同parents飲完茶, 玩完一輪jumpin gym 就叫左mark上來幫我裝機, 由2點幾裝到成7點幾, 用左佢成日時間哦...真是很抱歉, 大好的星期六日就咁就無左~~ 我爸本來叫佢留低食飯, 可是他有約, 下次先啦~~ 下次我會叫媽整個全蛋宴招呼你~~~

平日lunch公司有飯食, lunch好少出去~ 但今日因為有同事last day, 所以成班同事出去飲茶~~ 成17個人坐一張大枱, 真係好迫, 但好熱鬧~~ 我地叫左四十幾籠點心, 不過都好似唔係好夠, 因為夠鐘所以無加單~~ 其實細公司都有好處, 人事簡單, 同事關係融洽, lunch開飯好似一家人咁圍住食~

今晚同polly去左觀塘食沙嗲王, 食我地最like私白咖哩豬扖飯, 仲加左個芝士焗年糕tim~~好飽好飽~~ 原來而家沙嗲王好先進, 按個掣就有人過黎落單, 好方便~~ service幾好~~

一路食一路好多野要傾, 工作啦, 讀書啦, 朋友啦, 屋企啦, 日常生活啦....~ 好似傾極都傾唔完, 好開心~~

之後去左apm行, 我地呢2個做呢行的人都好睇唔過眼b+ab呢d咁嘅牌子, 明明d衫用料差, style又普通, workmanship唔多, d衫一d都唔值呢個價錢~~ 一路睇一路彈~~哈哈~