今晚約左polly去tst食dinner, 我地都好耐無見了~~ 上幾次見都係同埋winsom and gigi, 都無機會2個人傾下計~ 今次我地都係去左椰林閣食, 貪可以有排坐~~ 多謝佢呢餐飯~~

大家傾左好多野, 好似佢嘅工作啦, 我嘅study啦, 大家都係ITC人, 話題特別多~ 之前我地响澳洲日對夜對, 咩都講一餐, 除左自己嘅事, 自己的屋企人同朋友嘅事都會攞出黎講, so我地真係幾了解對方, 無論係性格定係身邊嘅事~~ 明明大家圈子不同, 但一提起自己身邊d fd, 大家都會有印象, 大約知道係個點嘅人~~ 所以我地真係講唔停~~

呢個朋友比我好特別嘅感覺, 相識都係緣分, 大家唔係由細玩到大, 只係識左3年, 但一識就有機會一齊生活, 仲要係在大家最失意的時候~~ 我地响澳洲時好似孖公仔咁, 有好多生活上的經歷幫我地沖淡一d唔開心嘅事~~ 番到黎香港, 雖然各有各忙, 少見了, 但見面時都唔會陌生, 總有好多野要講, 要分享, 次次都講唔哂tim~  相信我同佢夾到唔多唔少都因為性格有d似, 大家都唔係嗰d好溫柔and小鳥依人的人, 大家都係d爽and甚至有點倔強的人~~ 仲有就係其實佢係我"乾姐"~~ haha~~ 唔係我地無聊自己上契的(好似小學生咁), 而係真真正正有親戚關係(but無血緣關係)~~

今日同河馬補祝生日, 地點仍然係聚濠海鮮酒家, 今次嘅主題係"鞭"~~ 今次我地食小菜, 片皮鴨好好食, 冬瓜盅令河馬變皇帝, 邦邦狗成日講冷笑話, 咩"叮噹腩肉", 真係"笑"死我地, zoe仲將長隆野生動物園講左做"卡隆"tim~~~

經過一輪混戰, 阿姐都走過黎問我地掛住笑食唔食到野~~ 之後我地就開始送禮儀式, 我地幾個夾埋送左大口河馬, 河馬鞭筆, 手工紙河馬同大鞭龜龜, 成枱都係河馬~~ 壓軸就係個生日蛋糕, 我地幾個真係好有心思~~haha~~ 仲有得吹蠟燭許願 tim~~

今日要去考IELTS, 820要到灣仔...真係攞命...去到仲要等好耐先開始考, d人嘅效率好低! 最慘係1:00考完3份卷, 要等到5:05先考speaking, 中間d時間真係勁難捱~ 好彩mark同我一齊考, 有人陪好好多, 唔駛呆等~
個test都ok啦, 不過應該唔會考得好, 因為writing好似理解錯左條題目呀....死了~ 不過算啦, 總之claim得番錢就ok了....

考完之後我地去左行灣仔, 好少踏足呢個地方, 不過我好鍾意行佢嗰條有好多玩具店的小巷~ 佢賣嘅係一d我地細個年代的玩具, 好似一按就彈出黎嘅雪糕筒, 磁石釣魚, 煮飯仔...好過瘾~ 另外仲有d攤檔賣diy的手作仔, 勁平, 只係$3包, 賣左幾包番屋企慢慢玩~~ 行下行下就搵野食, 見到上次食過嗰間皇悅酒店, 不過要over $2xx, 望到對面間星港酒店, 記起gigi响裡面做reception, 記得佢講過buffet好似幾平, 就過去睇下~見唔到gigi, 不過buffet真係幾平, 有生蠔魚生壽司都係$150, 仲有d幾特別嘅野食eg. 炸蝦, 酥皮三文魚, 都幾好食~~ 仲呃左mark食蛋白做的梳乎厘tim , 攪到佢即刻漱口~~

今日central textiles打左黎confirm左請我了, 原來佢唔係4個請哂, 竟然foul左個high dip...嗰個女仔其實都ok, 佢話自己好想做的, 有d鄧佢慘...~~
不過好彩central唔駛我咁快應承, 仲可以慢慢諗, 如果做的話就3/7番工, 6月先會簽約~~ 呢間公司真係效率超高, 由int至confirm請我只係用左一個星期~

上星期1st int中央紗廠之後好快就收到電話有2nd int了~~ 都有d surprise, 因為我上次遲到, written test又唔知自己寫緊咩~~ 佢响電話講話今次係group interview, 我最憎就係group interview, 因為好似好殘忍, 唔係你死就我亡~~ 不過呢個殘忍的世界就係咁了~~ 我多口問佢話幾多個人int, 佢話有4個~ 唔通係4個foul1個咁殘忍??!!(佢地話請3個人)

今日一去到就見到一個同學仔~ 好彩唔係d我唔like嘅潮人, 我嗰班勁多潮爆人, 串到死, 都好驚interview會遇到佢地~ 如果要同佢地做同事就更pk了~~ 另外仲有2個high dip的女仔, 睇個樣都ok, 唔係d潮&串~ 聽番佢地講, 原來好多high dip都有apply, 因為佢地阿sir recommend中央紗廠俾佢地~ 而家最後fil剩我地4個~ degree就應該唔多人apply了, 因為個個都衝緊FYP~

今次見我地係見廠長and Director, 我地以為係d咩discussion啦, 點知佢講仲多過我地講, 佢不斷講番佢公司嘅野, d trainee而家做緊咩, 响度做有咩prospect, 都幾詳細, 聽落都好似幾好, turnover rate 好低~ 佢只係要我地逐個講下點解揀呢間公司, 我都係求其up幾句~~ 見完director之後廠長帶我地行紗廠and布廠, 話要俾我地感受下比較差嘅工作環境, 其實都無咩野, 比起大陸d廠好好多, 有冷氣, 又乾淨, 只係嘈同好多棉飛來飛去, 不過佢有俾口罩同耳塞~ 最攪笑係用左好多時間教我地戴耳塞~

呢個2nd int似參觀多過似interview, 睇完廠,聽完director講之後我地4個對呢間野印象都幾好~ 嗰2個high dip仲好開心tim~ 不過點都好, 佢話過幾日會再打俾我地, 同confirm人工幾多~ 成個過程好似怪怪地, 佢地d語氣好似請左, 但又唔知佢仲會唔會foul人~ 不過呢間廠效率真係好高~~

另外就係今日番poly交埋FYP了, 交嘅時侯patrick又响frency間房....實在太嘔心了, 究竟佢地2個咩關係? 我每次搵frency都會見到patrick!! 交完見到tony同阿ying, 佢地又俾supervisor放飛機, 真係慘~~ 同佢地傾左陣, 去itc個board睇下有咩工post出黎, 點知個board真係好廢, 多數d日期係2005年.... , 有個仲係2003年tim!!! 真係想同佢撕左佢~

交完fyp final fraft鬆哂~~ 不過之後可能要再改d野~~

今日去左見第一份工, 就係荃灣嘅中央紗廠~ 第一個感覺係:好遠!! 由寶林mtr搭半條紫色線+成條綠色線+成條紅色線....之後仲要轉小巴, 真係攞命~~攪到我仲遲到tim...真係唔好意思 ~ 不過唔緊要, 只係攞個interview 嘅經驗, 就算請都要考慮下, 因為要番6日工呀, 同埋d benefit都麻麻地~~

int完之後同mark去左hollywood plaza行街, 我地又去左jumpin gym玩~~ 又上瘾了~~ 今次我地煲左$80就中jackpot喇~~ total get到 1500張ticket~~ 勁!! 嗰部機都幾易中, 中7次就中到jackpot~~ 睇住佢反d金幣落黎真係好high~~

之後我地就去睇極地雪犬, 都幾好睇, 但無我想像中咁好睇~~ d狗狗好英, 最好睇係佢地同海豹爭食鯨魚, 原來d海豹係咁奸的 !! 不過南極場景少左d, 應該成套戲都講南極會好d~