今日有雙重喜悅, 就係我生日同考完final嘅日子了!!

考完final, 真係好開心, 尋日珍珠仲攪到橫風橫雨, 今日即刻陽光普照~~ 應該意味著光明嘅日子已經來臨, 哈哈~~真真正正完左呢3年大學生涯了, 可能我將來會懷念番學嘅生活, 但而家離開呢一刻真係覺得成個人鬆哂~~

考完之後就同mark去左玩, 好感謝佢星期六要番學都成陪我玩成日~~ 我地去左小肥羊飲茶, 去olympic city睇MI3, 响olympic ciity仲見到廖碧兒同吳卓羲拍野tim~~~ 之後我地想去打保齡, 但學生價竟然要21歲以下, 太可惡了, 成日價實在太唔抵, so最後都無打~~ 至於MI3, 幾好睇, 幾緊張, 但點解影到d女角個個塊面都咁多斑?? 睇完戲我地就去挑戰冒險樂園的火山機, 可惜...大敗而回...只好用唔同我藉口安慰自己~~

搭mtr番去時, mark收到電話, 我問佢係邊個又唔肯講, 話一陣就知~~ 聰明嘅我一早估到係邊個啦~~哈哈~~ 果然番到寶林見到fanny同zico, 佢地買左蛋糕同我去food court慶祝, 佢地3個一早夾定的!! 實在太感動了, 都唔知講咩好~~ 要向你們的蛋糕, 禮物and 心思講1000句 "thank you"!! 感謝這幾個錫我的人為我製造一個難忘的生日~~ 仲有就係我咁大個第一次收到個蛋糕有我個名的~~哈哈~~

另外, 今日收到好多電話& sms, 有粉粉嘟, Zico, Maggie, Chung, Daisy, Homa, Zoe, 邦邦狗, Polly, Teresa~~
真係好多謝你地記得我生日同埋對我嘅祝福,  現在小妹倒立向你們道謝!!

今日係第一科exam~ quality management, 係我好唔鍾意的一科, 可能因為太多concept要記, 又可能因為陳石富的teaching, 令我對d 有關management的科目都有點抗拒~ 我想management都是靠經驗的, 很難從書本了解, 我地連個organization嘅運作都未清楚了解, 又點識去manage??很不喜歡紙上談兵的科目~~

exam之前去了交fyp, 點知原來要交埋softcopy....office話出左email inform我地, 但我偏偏無check到呢個email...激死...幾驚佢會有deduction...好彩個reception都好好人, 俾我聽日交番, 話唔扣分~~

考考下試有人打俾我, 都估到係星期五interview的公司了, 諗住佢地應該都唔會考慮我, 因為佢地d問題太煩, so我答得好求其, 只係想快d走~~ 但今日打黎叫我去2nd int~~ 不過我都即時拒絕左了, 最主要係handbag太窄了, apply唔到我textile的knowledge, 另外就係人工, 地點都唔夠嗰份好, 再加上int我的女人感覺上幾難相處, so都係唔好浪費大家的時間~~~ 

之前明明好得閒, 而家就黎考試, 先黎2個interview, 攪到我大失預算, 無左2日時間溫書~~

今日去左int第二份, 係一間在北角做handbag的公司~ 幢building都好high, 上到去, 間公司都好大~ 一坐低, 佢就叫我做written test....一聽到做written test就好想走, 因為好浪費我的腦汁and時間 , 不過算, 求求其其完成佢啦... 之後就有個女人int我, 開頭都傾得ok, 但之後佢開始重覆問d無謂問題, 成日都話hangbag好窄, 問我會唔會覺得用唔到我textile的knowledge, 開頭我都好聲好氣答佢, 佢問多幾次我已經敷衍佢 ... 佢見我LCCI攞distinction, 問我點解唔讀account....真係唔知點答佢, 問埋irrelevant嘅野, 唔通我玩drama就一定要讀演藝咩 !!! 之後叫埋另一個女人2nd int我, 但嗰個女人怪怪的, 話係我師姐...又唔多出聲, 又話handbag完全apply唔到佢學過的knowledge... 佢又話呢度turnover好高, 上年請4個走2個...聽到咁係人都唔會做啦, 佢都癲癲地~~ 我勁敷衍答佢地, 想快d走, 但佢地不停elaborate我講嘅野, 好煩....

夜晚補完習同mark去左食一本, 汁燒茄子同魷魚鬚好好味, d壽司都好抵 ~~ 之後去左大眾睇旅遊書, 再去冒險樂園睇人玩~~ 今次我把持得住, 等考完試先玩~~呵呵~~ 之後去左食糖水, 今次唔去芝麻綠豆, 去左另一間, 食左個"鮮果拉面", 用果凍做的拉面, 好特別, 都幾好食, d生果好甜~~~

PART 1:

今日好早就起左身, 同媽去左新都唱yen, 同埋去銀行攪d野~ 出去之前收到電話, 叫我今日即刻去interview~~ 我昨晚12點幾先send 野去, 今日就叫我int, 效率真係高~~

約左230去int, 地點係新蒲崗, 好近,原來95可以直到, 唔使45分鐘就到了~~ 要搵一個地方翠林有車直到係唔容易的...
去到間office, 公司唔算大, int我的是一位韓國女人, 全程用英文, 好彩我d英文也不是浪得虛名~~ 問完一d普通野就講佢公司, 原來係一間韓國公司 (個名我都係唔識讀...), 主要market係korea同UK, 佢話如果我入到黎就會負責 UK嘅market~ 呢個女人真係好nice, 係傳統韓國女人, 好有禮貌, 皮膚又好白, 有d似吳美珩~ 佢即時就話請我了, 問我幾時available, 仲想講埋probation之後的salary adjust~~

呵呵~~ 可以decline之前嗰份offer了~ 亦可以無憂無慮去japan~~ 使哂d錢去!!

PART 2:

夜晚同maggie慶祝生日, 同fellow, chung去左小金井食sushi, d sushi唔太好食...~~ 講下講下, fellow發現原來今日係我農曆生日!! 我自己都唔記得~~

今日唔駛番學, 一起身就做FYP, 做做下Connie打黎, 話今日唔使補習~~呵呵~~ 間唔中放下假都幾開心 (雖然賺少左)~~

本來都約左mark食dinner, 但佢今日無番學, 於是我地就決定去街 , FYP都拋諸腦後~~

我地去左kowloon bay行, 主要都係想睇下旅遊書, 我地睇左好耐, 睇左好多本, 三聯商務都睇過, 都有d rough idea啦~~ 不過都係等考完試先慢慢刨~~ 之後就去左睇DC, 我嗰部嘅夜景質素真係unacceptable... 但又唔想mark使咁多錢, 不過日本d咁靚嘅風景唔可以就咁浪費, 都係睇下先 (如果我中到大連港, 就唔使諗咁多啦, 一筆過俾錢即買!! 激氣!!)~~

之後就去左德福打機, 好鍾意玩嗰隻打交, 可以揸起支棍係咁"毆"個大隻佬, 好過瘾~~ 之後玩賽車, 今次俾我chok到隻鴨仔了, 用鴨仔賽車, 好得意, 撞車時係有鴨叫的~~哈哈 ~ 玩完之後去左食日本野, 都ok啦, 多謝哂mark~

食完我地由kowloon bay行到去觀塘先搭95m番屋企, 行左好遠~~ 好勁~~