今日成日都無mood做野, 因為就黎放假~ 上午做哂手頭上嘅野後, 下午就一直周圍去玩(大佬早走左, 我地無人理)~ 我地包左一份份朱古力, 周圍送俾其他team, 送左俾young men, girl仔, reception winnie, design elaine & henry, 好似以前讀書時christmas party咁~ 之後我地圍內4個就交換禮物, 我地定左每個人都要送俾另外三個人, 即係每人都會收到3份禮物~ 結果係...有人躉喜有人愁, 個個都知我like keroro, so收到全都是keroro, 但Jeanie就....好可憐了~~ 

放工時落左樓下影相, 黃師傅好攪野咁同我地影, 話知今日要影相, 特登登著左件Nike番工~~哈哈~

今晚阿頭請食飯, 幾經艱辛先可以ban左壽桃牌的建議, 真係去到ruby tuesday~

成餐飯都幾好食, 自己應該唔會黎食, 因為太貴了~ 有pizza, 燒牛仔骨, 千層面, 小食拼盤, 沙律... 不過有2個人真係好失禮, 呢2個中年女人好似未食過西餐咁, waitress問要熱水定凍水, 佢竟然話要杯茶!! 打開餐牌叫野食時又不停話好貴!! 明明係阿哥俾之嘛, 又唔使佢俾, 阿哥不知幾豪~~ 之後佢地見張枱無位擺野, 竟然將d調味料放落地!!!實在太失禮了...... 講野又大聲....

阿哥終於宣佈左佢1月尾結婚, 我地好期待飲佢嗰餐呀~~

今晚同同事去又一城睇戲, 睇"陽光小小姐"~ 雖然唔知咩戲, 但都幾好睇, 好好笑~ 睇完之後去左EXP食dinner, 每次坐低都係要講個花膠同事同壽桃牌同事, 真係日日都有新野俾我地講~~

食完之後去左嗰棵大聖誕樹影相, 我地要影到同阿哥PDA嗰張一樣~~ 但係jj的攝影技術實左太差, 影到我地得番個頭...自拍時又影到佢自己雙下巴...笑到我地肚痛!!

今日同polly, gigi and winsom 食dinner, 去左海港城食~傾下近況, 我地大家都發覺好難會鍾意自己份工, 個個都以為人地嗰份會好d~~哈哈~

大家定左2月一齊去澳門, 一齊番唔到澳洲, so一齊去澳門~~ 希望真係成團啦~~

今日又係番poly影相, 今日有fellow, maggie & chung~ 好耐無見了~

影完之後我地去左唱k, 好鐘意揀d old song唱, 最正係唱譚詠麟的''愛情陷阱'', 鄭敬基的''酒杯敲鋼琴'', 仲有草蜢的''咱們''~~ 大叫完後個人relax左~ 好舒服~

不過玩左2日, 真係好累, 番到屋企勁頭痛, 9點就訓了~