今日係情人節, 原來公司真係無乜女仔收花, 因為好多都已經係阿太~ 不過, 當然有好多人都著得好"行"啦, 仲好刻意tim...响toilet左梳右梳, 阻住哂人洗手!!

雖然係情人節, 但我最後都成6:45先收工, 因為我聽日開始就放大假, 要執埋d手尾先走得, 過埋今日孟加拉單野就可以交番俾大佬, 等佢親身感受下我呢2個星期的慘況!! 等佢仲成日他他條條, 個心仲响北海道!! 而家俾番你, 接住個波喇!! 呵呵!!

大時大節坐小巴出旺角一定塞車, 塞左成9個字先到先達~ 見到mark佢就送左支花俾我~~ thx,LGJ~~ 但好sorry, 因為我整的酒心朱古力失敗左, so完全無野送俾佢.... 不過我知佢係唔雋嬲的~

成街d人都好溫馨, 情人節特別熱鬧~ 仲見到幾pair熟人tim~~

今日一番工check email, 就收到美國客嗰邊的轟炸email!! 因為之前有間廠d貨甩哂期交唔到貨, 又不停講大話呃我地, 攪到美國嗰邊好嬲...加上大佬放大假, 我地根本就話唔到事, 最大嗰個SM又廢, 問親佢點算都話唔知, 都唔知點解會做到SM!!!! 本來諗住等大佬番黎先算, 但個email係叫大佬即刻打俾美國解釋, 我即刻打大佬手提話俾佢知, 晨早流流嘈醒佢真係唔好意思, 仲要係同佢講d咁唔好嘅消息.... 同佢講完, 佢又叫我等廠覆我, 但最恐怖就係美國嗰邊send個email過黎叫我直接打俾佢, 話會等我電話解釋!!! 痴孖根ga!! 成件事都唔關我事, 係間廠講大話, 我地都控制唔到, 我都解釋唔到俾佢聽.... 加上我只係個AM, 點都唔輪到我同個客直接contact解釋啦...平時都只係d客直接搵大佬啦! 攪到我成朝唔知點咁, 都唔知打唔打好... 最後大佬打黎話佢打左俾客, 叫我唔使打, 即刻鬆哂~~ 點知過左一陣, 個客又resend 叫我打俾佢個email黎, 好似迫我咁....我正想email覆佢時, 電話就響了!! 佢真係直接打黎!! d語氣仲好嬲tim!! 我不停同佢解釋話係間廠cheat我地, 我地都唔想, 話一有資料就會inform佢, 不停扮死狗同佢道歉, 好彩佢最後都話等我消息, 肯收線~ 呢單野攪足我2個星期, 日日都要revise 船期, 又要俾廠呃, 又要俾客話, 日日都重覆做同樣嘅野, 做到我癲!! 人地就做fall07 新單, 我就不停攪d spr 07蘇州屎, 最慘就係大佬唔响度, 咩都要自己make decision, 我只係新人, 只係做左一季, 完全無experience, 有d野都唔知可唔可以咁同個客講... 唉....但另一方面諗, 呢2個星期都係一個幾好嘅experience, 完全independent去做野, 令自己諗得多左, 每做一個action都要顧及各方面後果, 之前有咩事發生就只係去同大佬講, 等大佬指示點去做, 好似部機器咁~ 呢次總算有d人地無嘅experience~

但最後都要呻一句: 點解條team咁多廢人,!!!!!

這陣子很喜歡看一些可愛的插畫, 見到d人簡簡單單畫幾筆就可以畫到d好抵死生動的插畫, 好羨慕~~ 其實自己都蠻喜歡畫公仔, 收過我的信or賀卡的人就見過我的"作品", 呵呵~ 不過當然畫得好"一般"啦, 不過自問幾有idea, 可以catch到被畫者/物的神膸&特徵~~

米老蛋: http://www.wretch.cc/blog/samwoo&article_id=13798596

彎彎: http://www.wretch.cc/blog/cwwany&article_id=4572077

高木直子: http://hokusoem.com/

今日係大佬theo的 wedding day, 我地做"靚"嘅緊係要去撐場啦~ 但jayson好唔比面, 話唔舒服唔去, 實在太大膽同可惜了~

joey, jeanie同我3個去左又一城睇"瑪麗皇后", 總括來說, 這是一套垃圾, 值得欣賞的只有服裝and佈景~ 睇完戲我地就會合henry入去會場, 一睇門口張婚紗相, 完全唔認得1年前的theo, 同而家完全唔同! 入到去原來個場好細, 擺17圍真係幾迫, 最唔開心係我地嗰枱俾條大柱遮住個台, 好難先睇到出面...

終於見到新娘新郎, 新郎就執得好4正啦, 原來個新娘都幾靚~~ 我地本來諗住會同theo同類, 肥婆or c9一名, 但完全唔係~~ 影完相我地就打牌, 好耐無打牌嘅我最後都win哂3家, 呵呵~~ 早知就唔好睇戲, 一早入去打啦~~

入席後就睇番theo細個d相, 原來佢以前戴粗框的, 都無乜點變, 係肥左~ 佢上台果然唔係好識講野, 仲發覺佢真係好鍾意咀佢老婆 tim~~ 呢d野平時真係唔會見得到~~ 之後敬酒時阿ken, dicky, jacky佢地癲哂, 飲到個個紅哂, 我地本來估theo應該係唔飲得, 但佢都無咩點紅, 但dicky佢地就飲到腳步浮浮, 好攪笑~~~

成晚阿湛, 阿成佢地勁多野講, 好抵死, 但henry就慘d, cora勁厚面皮咁坐佢隔離...henry話佢隻耳仔差d俾佢整聾~ 最可怕嘅係....食到最後我諗起約左我地一齊黎嘅anthony無出現!!! 唔知係咪因為jeanie無帶電話, 所以anthony搵唔到我地就唔黎...好奇怪...不可思議~~~

1. 與大佬合照

2. 孟加拉廠Linford老闆與好多野講嘅阿湛~

3. 唔開心的henry (因cora在旁)

4. bottoms boys有關人士大合照 (可撇除最右邊嗰個)

今日有fall 07的新單了, 又要排shipment schedule, 開始忙了, 唔使再好似之前咁無所事事~~

聽日大佬結婚, 我地好期待去飲呀~~ 可以見哂佢老婆家人朋友, 應該會笑死我地~~ 加上又有好多BA人去, 仲好d廠嘅人, 應該會幾好玩~ 呢排d人成日問我地聽日幾點去, 又問我地打唔打牌, 好似好熱鬧咁~~