今晚係好耐無見嘅聚濠聚會~ 出席者依舊係我地4個人, 今次係補祝zoe生日 (雖然已過了2個月...), 今次由"清新一族"換左做"真誠, 真味"~ 飯局中依舊無聊, 無聊人問埋d無聊野, 又有d無聊人解答, 笑到肚痛~~最慘係我支筆被丟落湯底!! 仲有雞件雞柳的誤會~ 仲有成晚講埋d核突野, 又咩欽敬, 又咩chock下chock下, 某人又嗰度好短~~ 明明有女仔响到, d人都咁核突~~ 哈哈~

食完玩完我地去左m記坐, 突然又傾下d好認真的事, 之後又講下d無聊事~~ 12點被趕後又遊一遊翠林, 約定4月再聚就bye bye了~~

今日雖然已經過哂農曆新年, 但仍然收到2封利是~~ 應該可以總結了~~

今年係第一年出黎做野, 本來諗住自己dept無乜人結婚, 利是應該十隻手指數得哂, 但因為對廠關係, 好多廠上黎拜年, 連好多無接觸的廠都有派~~ 最奇怪係愈熟嘅廠or公司裡的人就愈細封, 愈唔啦更嘅廠就愈大封~~ 不過最衰就係因為我地係細team, 無咩廠請食飯, 連最熟間孟加拉廠都因為甩貨期而潛左水~~

不過都好開心, 今年有好多利是, 仲無乜$10紙tim~~ 有特別進漲~~

今日同同事(Henry, Jeanie & Joey)去左aia嘉年華, 我地7點幾先到, 得好少時間, 其實好唔抵, 玩左好少game (滑梯, 急流, 吊腳過山車), 最慘係浪費哂d時間排嗰個無很聊鬼屋....其實我一早估到係同disney個小熊維尼差唔多, 但人地話要玩, 就要試下啦....真係無聊到極點, 最慘係咁無聊嘅野都要排成半個鐘, 慘!!! 連本來諗住玩跳樓機都無時間玩... 玩完好累好累, 搭叮叮去左銅鑼灣係野就番屋企了~~

今日同往年一樣, 同fellow, maggie & 聰去了維園行花市, 今年特別迫, d人成日相反方向行, 攪到塞死哂, 加上天氣熱, d人成身汗味, 同人咁貼身勁臭.... 今年少左好多風車, 換黎係咩都吹氣, 我地當然唔會買啦, 我只係買左個頭飾~~ 到到十二點時, d攤檔開始唔要貨, 掉哂出黎送俾人, fellow同chung每人搶到一把吹氣界刀, 希望佢地豬年都可以界到女啦~ 仲有希望maggie可以搵到如意郎君啦 (不過千萬不要係張xx, 我接受不了...)~ 最難頂係見到顏福偉响攤位簽名, d行人見到佢後好多野講, 有人話: "嘩, 好x大個肚腩呀!" 有人話: " 仲同人簽同tim呀, x你!!!" 哈哈, 笑死我地!

行完之後我地去左食糖水, 之後就番屋企了~~

豬年又到了, 係我出世後的第3個豬年, 又一個cycle了~  狗年令我受盡一切的催殘, 身心俱疲, 相信我認識的人當中, 無人會慘得過我.... 趕走隻衰狗後, 希望今年可以事事順利, 個個都身體健康, 生生性性, 最緊要係希望可以實現到我最大的心願: 讓我一家團聚!

 白花油王子~~

我嘅長假開始了~ 尋日陪完屋企後, 今日同mark去左AIA 嘉年華玩~ 

我地2點到, 一開始就玩左個長滑梯, 個布袋好臭, 一d都唔刺激~~ 之後排左好耐嗰個老鼠過山車, 睇落去好似無無聊聊, 但原來都幾好玩, 幾刺激~ 之後就玩碰碰車, 摩天輪...好好玩~~ 我地用50個代幣玩左好多攤位, 最後win左4隻公仔~~都幾豐收~~ (不過有隻係用奸招攞番黎的...)

玩到6點幾我地就走, 去左鑽石山荷里活買飛睇<翻生侏羅館>, 仲有最緊要就係換我部期待已久的NDSL!! 百老滙終於有貨了~~yeah~~我用超值價$280換到了~~ 之後就食晚飯~~ <翻生侏羅館> 好好睇, 隻玉獅子成日走來走去, 有我最like嘅Ben Stiller,  佢做嘅戲全部都好好睇~~