過完個短短的新年假就要開始番學, 唔可以再好似之前咁hae了, 要做好個FYP, 另外我地new tech個project都要做得好好睇睇~~ 難得諗到個幾好的idea, 要俾心機d去做, 雖然得2個星期~~ 我地諗住做個小朋友背包, 外面有個用LED做的神奇畫板, 可以用個散子包做remote畫圖案, 陪養佢地的creativity~ 另外包包裡面有塊光纖布, 一拉開拉鏈裡面就會發光, 方便小朋友夜晚搵野~ 好似好勁咁, 不過唔知做唔做到呢? 問過d research同professor都話ok, 仲好肯幫我地tim~ 希望會成功啦, 攞埋專利, 賺番一筆, 哈哈(發夢)~~

經過一輪度期之後, 終於去到石龍探fellow, 雖然得4個人, 但都係好難就時間~~

maggie, chung and 我830就出發, 搭火車去羅湖轉火車去石龍~ 去到就响孫中山像腳下見到fellow同秋萍等緊我地~~ 第一次見秋萍, 好賢淑, 斯文~~
會合埋chung的表弟我地就去左fellow宿舍放低野, 佢宿舍好大, 不過咩都無, 都係祈福好d~~ 之後就去酒樓食lunch, d野食都ok, 不過鵝肝茄子是沒有鵝肝的~~
食完後搭fellow朋友車去睇fellow的祖屋, 不過途中有少少意外, 有個死大陸佬hide到我地車, 佢追住我地不停罵我地想屈司機錢, 明明係佢唔啱, 仲話自己唔係為錢, 但最後我地司機俾錢打發佢走, 佢收到錢就即刻收聲走人, 呢d大陸佬真係好乞人憎!!

fellow祖屋真係丟空左好耐, 好多塵, 好多蚊, 好彩唔係要我地住呢度je~~ 坐左一陣就出番去, 去步行街行左一陣, 見到李寧牌運動服, 華潤個親切笑容代言人, 香港品牌"周六福珠寶"等等~ 之後我地去飲木瓜牛奶, 都幾好飲, 不過唔算平, 阿表弟飲杯紅龍果d色真係嚇死人~~ 坐下傾下計笑下, 睇下佢d攪笑海報~~

之後就去左腳底按摩, 幾舒服, 同之前祈福按的差唔多, 個環境都幾好~~

按完就去左食韓燒, 唔同香港嗰d, 係真正韓國人開的, 有專人同我地燒, d野食都ok, 同我之前响韓國食嗰d差唔多~~

食完之後去左開房, 間賓館令我地好surprise, 開頭諗住唔方好, 點知好新, 又好企理, 直情好似酒店咁~~ 絕對好過台灣d所謂3星酒店~~ 收費仲好平tim, 雙人房4個人訓一晚都係$120, 抵到爛~~不過唔好的就係個厠所成日塞, 仲有朝早8點有人响樓上鑽野, 簡直好似早排屋企樓上裝修咁, 嘈到頭痛!!

夜晚去左新幹線唱k, 張國榮的左右手mtv唔知點解係李克勤做的.....出面有個舞池, 好多怪怪的大陸男人著住恤衫西褲跳舞, 好核突~~ 呢個地方好嘈好嘈, 嘈到頭痛~~

第二日我地食完不太好食的"真功夫"(即賣盅頭飯的假麥當勞) lunch就搭火車番香港了~~ 好累好累~~

事隔2年, 好狠煩又再一次去camp, 今次仲可以book番塘福A仔tim, 同2004年同一間屋, 好勁~~ 間屋仲係好新~~
入去camp時好艱辛...落錯車唔覺意入左大澳, 仲遇到撞車, 塞車塞死攪到我番唔到轉頭...最慘係回頭時落車响d荒山野嶺一個人行去搵佢地, 天又黑, 條路又無人, 附近乜都無, 好恐怖, 真係行到想喊, 好彩有個的士司機教我點行...鳴鳴...去到仲俾佢地恥笑tim...

今次好勁, 仲齊人過上次, 好狠煩人有a, 偉, alice, c, oscar, 甘, 柴, 另外仲有ian, 峰, 占tim, 好熱鬧~~ 我地去到都係即刻打牌, 好耐好耐無打過了, 但打得嗰一陣, 好唔夠喉~ 之後就bbq, 野食不多, 但第一次試燒朱古力香蕉, 好正,  食左好少野就飽了~~ 之後我地就玩mass game, 以為好多game玩, 點知killer一個game玩左成晚, 用左好多腦, 好累, 不過幾好玩最攪笑係ian猛話d咩或然率, 又成日扮哂野~ 本來一個好普通的game, 俾一班drama人玩就完全唔同, d人做戲做到好難估, 交足戲~~ 原來玩呢個game係可以做一個蠢人排行榜 & 戲less排行榜出來的, 哈哈~~
之後講下鬼古, 個個都陸續訓著了~~

第二日出camp之後, 去左東涌睇戲, 本來諗住睇賊壇新人王, 點知無, 就迫住睇春田花花, 真係....好後悔....開頭都ok, 黎耀祥扮"told told"勁攪笑~~ 但愈睇愈無聊, 不停重覆d唔好笑ge point, 真係睇到好眼訓, 套戲又散, 都唔知佢想點...唉~~ 我以後都唔會睇麥兜系列的電影!!!

今日係狗年第一日, 因為昨晚行年宵行得幾夜, 今日訓到好晏先起身~~ 訓醒無耐野兔就打俾我, 叫我去行山, 見咁好天氣, 就去吸收下陽光啦~ 我地食完KFC, 就去冒險樂園兜個圈, 點知就咁就唱左$100玩.... 玩推金幣, 無咩收穫, 成日都疊住哂...之後轉戰小丑貝洛, 真係幾好玩, 記得以前成日都玩的~~ 今次我win左2次300票, 幾次100票, 玩到慶起就換多$100玩~~haha~ 不過成日中chance, 最後我地total win左二千幾票~~ haha~
最開心係最後我地剩番2個coin, 諗住去擲彩虹掉左佢, 點知我地2個都中左!!! 雖然只係紅色, 但好鬼死開心!! 我地只係求其掉下都中到, 相信我地狗年都會好好運~~~hahaa~~
之後行下新都, 去健康工房食左個木瓜黑糯米, 開頭覺得好好食, 不過最後就覺得好滯... 食完之後就番左屋企了~~

我地完全忘記左本來的目的----行山......

番去無耐又要出去, 今年又係海怡半島花園酒家, 不過d野難食左><~  見到d表哥表姐, 傾下計, 食下野, 今年又有d表哥帶女友來食飯~ 不過我最期待見到的肥豬肉就無到, 可惡~~

今晚約左野兔去食dinner, 我地好耐無行過街了, 我地都要食下團年飯~~ 不過千揀萬揀, 去左間勁差的KK Bar食, 上次去都仲好地地, 今次個電視又壞, 又無人service非吸煙區, 坐親响度d人都x#yz個經理, 最慘係d野唔好食, 我個焗雞扖只係好普通, 野兔個木桶飯真係不知所謂, d豬頸肉只係普通瘦肉, 一d XO醬都無, 大家樂嗰d好過佢多多聲~~

食完之後就行下街, 不過無收穫, 本來想去行年宵, 但太夜所以放棄了~~