最唔鍾意就係有壓力去做一件事...

fyp真係一樣幾費時的東西, 由yr2第二個sem開始糾纏到yr3, 即使之前唔理唔理, 但玩樂時都會不期然諗起: 我係唔係唔應該玩, 應該做下fyp先呢?? 真係好煩... 我知我已經好好彩, 有公司幫我做test, 但同時公司d data都規限左我寫嘅野, 我都唔知結果會係點~ 如果有得揀, 我一定會揀take2科來代替fyp!! 可惜itc 係唔可以咁做的...

而家日日都寫少少, 寫都係一件好煩的事, 成100頁, 抄唔得多, 真係要一頁一頁自己寫, 希望快d完成, 已經時日無多了~

呢排又勁多recruitment talk, 都唔知聽唔聽好, 聽又要時間, 唔聽又驚蝕底~ 好煩呀~~

今晚約左野兔去旺角睇Brokeback mountain, 我地去左食女人街的車仔面, 第一次食呢間, 都ok, 環境幾乾淨, 不過都幾貴, 2個餸加埋野飲要$19~~ 如果3個餸就$23, 都幾貴~~ ok好食啦, 唔算太特別, 志在醫肚je~~

食完行左一陣就去百老匯睇, 我以後都盡量唔會去呢間戲院睇戲, d座位坐得好辛苦, 個椅背勁高, 我全程要伸直腰骨睇先睇到字幕!! 如果前面個人再高d我就咩都睇唔到!! 好辛苦!!都唔知咩設計, 個院又唔夠斜!! 戲院出面有個女人不停大聲講電話, 勁嘈!!

不過套戲本身真係好好睇, 好感動, 每一場戲都有好深刻印象~ 即使係2個大男人的感情都可以拍得咁好睇, 真係好勁~ 仲有我最鍾意的男主角jack, 真係好型~ 之前睇day after tomorrow已經好留意佢了 ~~ 

yr3真係很多野做, 功課+fyp+工作, 完全無得hae, 不過充實一點, 人都醒目一點~~

呢個星期做了的事:
1. 日日番lab做new tech份工課, 用左好多時間, 好辛苦, 係我染布, 係我車電線, 係我駁燈泡, 係我用手縫上個背包, 不過睇住一步一步咁行近個result, 睇住個product就黎攪掂, 都幾開心嘅~ 加上今次d組員幾好, 都做得幾開心~~

2. 聽了2個recruitment talk, 一個係bra company, 一個係dyeing factory, 對呢行了解深入左~~

3. 日日未上完堂就趕住去補習, 好辛苦, 晚晚都9點先番到屋企...

4. 今日同mark去了黃金海岸bbq, 可以好好relax一下~~ 呢度幾特別, 可以bbq加打邊爐~ 我地食左好多野, 飽死~~ 不過之前唔覺意搭左回頭車去左"富泰", 真係笑死人, 幾驚俾個司機fxxk~~  最開心响嗰度d攤檔買左個bag, 好靚~~呵呵~~

今晚响屋企睇忘不了(cable), 雖然之前睇過一次, 但都仲想睇多次~ 個故事其實好簡單, 但拍得幾感人, 主角們都很有感染力, 包括原島大地~~ 最感人就係大地俾人帶去保良局, 好可憐...無爸媽的小朋友真係好慘...

呢套戲講得好啱, 就算幾咁忘不了都要去忘記, 世界唔會為你而停止~ 無論開心同唔開心, 都只係一剎那的事~ 就好似eason首歌詞: 快不快樂有天總過去~

情人節, 番學見到好多女同學都唔同哂, 化哂妝, 著番條裙仔~~ 從佢地打扮就知邊個有約, 好攪笑~~ 而我, 就因為無時間, so都係同平時一樣, 無乜特別~~haha~~

今日上完廢堂之後, 去左lab車我地嘅偉大作品, 架車又唔聽話, 車到我眼都朦...唔知駛唔駛車多次tim...

630上完哂堂就去左旺角了, 我地行左陣, 之後就去睇"sad movie", 本來想睇broken back mountain, 但未上畫~~ sad movie 都ok ge, 開頭諗住會睇到喊, 但又唔係真係好sad, 雖然都係生離死別, 但描寫得不太深入, d感動位唔到肉~~ 反而最鍾意小矮人嗰個故事, 好得意~~

睇完戲就過去食意粉屋, 明明mark book左枱, 個waiter竟然話無!! 不過好彩咁夜都有位~~ 情人節好唔抵, 無左個普通menu, 得番2個情人節套餐, 明明係平時d野, 但貴成倍! 下年都係早d慶祝, 唔好比人屈~~ 不過個餐都幾好食, 有lobster soup, angel hair, pizza, drink~

食完之後mark 話無禮物俾我, 但我趁佢睇戲去toilet時偷睇過佢個bag, 哈哈~~氣死佢~~ 拆完禮物之後我問mark幾錢, 佢話好平的, 我問佢攞張單睇, 佢真係俾我睇, 笨蛋~~哈哈~~ 至於我, 尋晚已經送左俾佢了~~就係親手整的"煙un芝士波"~~

第一次的試驗, 好醜樣, 但味道ok~ 老豆都食左2個~~

改良後的製成品, 似樣好多, 但d芝士都係流少少左出黎~~ 好彩裡面仲有~~