今日終於同mentor食左tea喇~~ 終於了左件心事~~可以無憂無慮過雞年~~

3點去左hyatt regency hotel coffee shop, 好彩同bonnie一齊去, 唔係真係緊張死~~ 個mentor都好nice, 大家都係普通傾下計, 原來佢係間廠嘅太子爺~~ 佢主動問我地summer想唔想做d有關textile嘅job, 話如果佢間廠有需要就會搵我地,仲話會介紹佢公司負責請人的同事俾我地識~~ 就算無vacancy都可以幫我地問下其他公司, 實在太好了~~ 佢仲話得閒帶我地上東莞參觀佢間廠點運作~~

聽番bonnie講好多mentor都唔會話介紹summer job俾佢地, 有d仲費事同佢地見面, 我地呢個就幾好, 話希望可以keep住1,2個月出黎見一次~~最正係佢主動話介紹job俾我地~~

今次會唔會係遇到貴人呢??~~

今朝一早同爸鍊媽去左運通飲茶 , 之後行左陣, 再陪honey食lunch,買埋架火車~~

夜晚食完飯就去左同maggie, fellow and chung行年宵, 好鬼多人, 迫到死 ~不過幾攪野, 見到長毛, 我地同佢揮手, 佢見到仲指住我叫我大聲d講新年快樂~~haha~~

之後見到有檔野俾我地試玩一部考反應嘅機, 我地不以為意咁玩, 見到綠燈就鬥快按制, 我地3個都無輸, 之後個sales叫我試下紅燈時按制, 我一按就feel到有電通過隻手, 感覺好嘔心好核突 ~~部機都幾過癮, fellow最後都忍唔住買左~~

行行下見到一檔賣假髮, fellow愛不釋手, 不過$68太貴了~~ 之後經過左好多次, 大約1:30時再睇多次, 點知就賣$38!! 好彩之前無買, 我地仲逐款試哂影哂相~~抵~~

行到中途, 見到有個幾歲小朋友同一個大約10歲嘅女仔唔小心撞埋一齊跌哂落地下, 個小朋友大聲喊, 個阿媽就好惡咁鬧個女仔, 個女仔家人就還擊, 個死小朋友家人勁惡, 差d想打人!! 條死靚仔就繼續扮喊!!明明係2個一齊唔小心跌低, d人恃住個細路細就狂鬧人, 不知所謂!! 最後仲要一班差人調停, 我地就一路睇戲~ 最抵死d差人攪掂佢地之後行開左, 有途人叫個差人幫佢地影相~~ 個差人處理完d火爆事就做番d開心事輕鬆番~~

成晚都撞到好多人, 响銅鑼灣已經撞到林xx同一個我地覺得不可思議的boyfriend , 之後成個維園都見到poly人, 好多ITC人(tony, lincoln...), 仲有DRAMA人(叉燒, 阿甘....), 之後仲撞到7A人~~

今日去左厚德攞野, 同細孖玩左陣, 佢仲認得我, 見到我就痴住我玩~~ 送左隻熊仔同叮噹玩具俾佢, 佢玩得好開心~玩到唔肯訓覺, 之後我話要走佢就扭計唔俾我走, 我話要番學讀書, 佢話唔好番, 我話要番工搵錢, 佢又話唔好~~之後我要tum佢, 話熊仔陪佢訓, 佢先扁咀咁話好~~真係好鬼得意~~

今日下午去左行維園年宵, 實在太好了, 唔太多人, 唔駛同人迫~
都係得d花, 吹氣玩具, 雞仔公仔...得個睇字, 唯一令我想買就係花生糖and龍鬚糖~~

好快行完就去左銅鑼灣行, 發現thomas火車同monchichi充斥成個銅鑼灣, 簡直令人髮指~~

行到肚餓, 去左食吉野家~~ 好似食極都唔厭咁~~
之後番左新都睇火車, 仲俾我發現燈泡~ 攪到honey唔買唔得~~
佢又破財了~~ 

  <---the Lau's family~

今日本來 day off, 但趙sir邀請我地番去sit佢堂, 仲話一人俾番$200我地, 緊係仆到咁去啦~~
佢實在太好人了, 本來4個鐘, 點知3個鐘就閃得, 佢仲話要請我地食飯~~
不過之後要作番篇新聞稿俾佢~~

放左之後就搵野兔食lunch, 去左扖王之王食, 都幾好食幾抵~~
之後就行下街, 不過都無咩買野, 我真係好慳~~ 無辦法啦, 呢d就係去完旅行的代價~~
行下harbour city個bra倉, 好快就 4:30, 又要趕去補習~