星期六阿欣放工黎咗我屋企,跟住我陪佢去咗新城市攞智能身份證,之後家麗同阿芝過咗黎我屋企打牌,我個晚勁黑仔,全晚無糊食,
仲一家輸三家,輸咗$600,勁心痛!打完牌我入咗Tuen Mun搵太子,佢同D fd 係ROUND ONE飲酒睇波,O個時已經成3:00am啦,
勁眼訓,不過無所謂啦,佢屋企人返咗大陸,勁開心!
我地尋日訓醒已經1:30pm啦,如果阿欣唔打黎我估我會繼續訓,我地即興想返大陸修甲,太子同阿欣細佬諗住上去搥骨!
上去前我地去咗新墟飲茶,兩個人嗌咗6碟點心,食到勁飽!
我地由皇崗搭的士去東門,上到去差唔多7點鐘啦,整水晶甲用咗好多時間,所以我地唔夠時間行街.
不過東門真係有好多野買,D衫同飾物都幾靚,唯有下次同阿欣早D起身再黎行過啦!
太子10:00pm先搥完骨,之後我地去咗間酒家食晚飯,D餸菜都唔錯,都萛抵食!
返到Tuen Mun都成點鐘啦,沖完涼我地仲睇埋錄影帶(美女廚房)先訓,超級攪笑!
|
