星期六朝早返工勁辛苦,因為我地玩到5點先走,我只訓咗2個鐘咋,o個日仲要收6點,夜晚仲要返工tim,唉...勁慘!
o個晚Gigi過咗黎Neway接我收工,之後一齊出中環,我地約埋寶棋諗住去蘭桂坊飲野,出到去都成2點幾啦,
我地又唔知去邊間好,所以打電話比表哥,佢話係sugar,跟住我地就過咗去揾佢勒!
寶棋本身話唔想去,因為佢話有d唔舒服同埋無化妝無洗頭,所以無心情去玩,後來佢知道依間係disco,
即刻生猛晒(真係服咗你啦 ),佢仲玩到唔捨得走tim.
個場都幾好玩,勁多型男索女,個個都好主動好熱情,都幾nice既,不過有時真係比佢地嚇咗一跳,
寶棋仲驚到走咗去家俊到話佢係佢男朋友,o個刻真係笑到我抽筋呀 .
後來有班男仔走過黎同我地傾計,我見佢地都算正經根住我地就同佢地一齊跳舞,傾咗一陣,原來其中一人又叫"家豪",
(唔係咁橋呀 ),玩到5點幾我地出咗旺角食早餐,睇真d發覺佢地原來係細路仔黎架,幾恐怖呀,佢地唔係想溝大姐姐呀...哈哈
最好笑既係~有條仔想追寶棋,成晚係咁跟住佢,突然個男仔問佢今日係唔係電咗游厘子,寶棋勁驚即問條仔點解會咁問
(因佢怕人知道佢o個日無洗頭),之後條仔仲懶醒咁話:無,我見你個頭咁柔順,你話無我一定唔會信囉!...嘩...真係經典呀
星期一晚我send咗個口訊比Kaco,佢有覆我佢仲話依排工作壓力真係好大,打完依個盤先會有返d時間,再同我講多聲sorry!
我慢慢開始覺得佢應該唔會呃我,我識佢時已經知道佢唔係一個鐘意玩既人,佢根本忙到連拍拖時間都無,
一開始佢都無諗過會同我一齊.佢生日o個晚係酒吧同我講既野,我真係感受到佢好唔開心好大壓力,
佢仲話自己唔細唔想再玩啦,佢叫我比3年時間佢,之後會同我結婚,雖然o個時我飲醉咗,但我有認真咁聽佢講野,
o個刻真係有d感動架.我諗我暫時應該會等佢,雖然我同佢唔係識咗好耐,但暫時依刻無人可以取代到佢,
係佢先可以另我忘記以前d唔開心既回億.不過我唔會等佢3年咁耐,過咗今年個盤都會完結,
我限期就係今年聖誕節,因為佢話過會陪我過今年既聖誕,希望佢唔會呃我啦!!!
|
