上星期五Kaco放假,之後佢揸車過黎接我收工跟住去Halloween,
過到去都差唔多7:00pm啦,佢D fd全部都到晒,加埋我地總共有10個人!
我都好耐無去Ocean Park啦,之前勁忙已經推咗阿威兩次,真係無諗過最後會同佢去...>_<
入面總共有8間鬼屋,我地唔夠時間,只玩咗5間.D工作人員扮得好似,明知知道佢地係人都比佢地嚇親.
最衰o個日趕住出面口無著到波鞋,著咗尖頭鞋搞到隻腳勁痛,要Kaco扶我仲幫我攞袋,勁肉酸!!!
玩到1點Kaco車我去尖沙咀揾寶寶,佢o岩o岩係Neway收工,佢話個場好旺,佢仲sell咗40枝black label,佢就好啦!
我無返兩個禮拜,已經揾少好多,好彩今日Jacky打黎叫我黎緊兩星期返沙田,雖然好開心佢就我返沙田但我有點失望.
本來星期四Kaco放假諗住過黎接我收工去睇"鬼上頭",而家要等到下星期一佢收早先有得睇啦,
我驚我等唔切同Joyce走咗去睇....哈哈
下個星期四佢正日生日本身約咗我食飯,而家夜晚要返工去唔到啦,勁唔開心!!!
星期六我收早跟住返咗屋企訓覺,7:00pm約咗Joyce,Gigi,Suki,Eva,西,阿妹去九展睇Music Show,
開頭有少少悶,可能D歌新到未聽過啦,黎明,杜文澤同雷頌德真係好肥,但估唔到應昌佑真人又真係幾靚仔喎,
之後好彩有光良同Janice壓軸出埸氣紛先好D咋.完場都差唔多11:00pm啦!
Eva同阿妹走先,我地就搭的士出旺角揾華華,根住佢車咗我地落酒吧,
我地仲開咗3枝black label溝綠茶同可樂,不過我地好快就飲完,華華仲係車度攞埋上次BBQ枝芝華士出黎,
最後D男仔飲到貓晒,仲同個差佬嘈交,個差佬傻架見我地張枱多女走過黎玩,
成個白痴咁係度比Joyce同阿西係咁"小",真係笑我到暈呀!!!玩到5點幾我就同Gigi搭的士返屋企啦!
第日放假本來同Kaco去睇戲,點知佢話夜晚要見客,咁o岩阿欣打黎我就同佢出咗尖沙咀行街(我地勁耐無見啦),
行咗一個鐘到Kaco打黎話係公司走得,搞到我要扔低阿欣,好彩佢話要返去揾子傑咋,
我覺得自己勁衰囉,下次一定要請佢食飯補數至得!
最後我地都無去到睇戲,番咗沙田去和民食飯,食完都成11點幾啦,之後我就返屋企同佢傾電話,
傾到2點半到收線,因為大家第日都要返早!!!
