星期四Kaco係鑽石山擺展銷,所以佢特登買飛同我睇"鬼上頭".因為10點我要返工,所以我地買咗6點o個埸,我收工去到戲院時已經6:20pm啦.套戲比我預期中差好多,只有幾個鏡頭核突D之外,成套戲根本無出現過驚嚇埸面,兩個字~超悶!!!不過最緊要係佢陪到我睇,打後兩個月佢會超忙,根本連見面既時間都無!套戲未到8點已經做完啦,當我出到戲院門口時佢突然拖住我,我真係比佢嚇一跳,佢又扮到若無其事咁,我唯有扮無野啦,就係咁我地一齊咗啦!之後我地去咗禮賓閣食晚飯,大約食咗個幾鐘到佢就送我返Neway.o個日都算靜成晚只有6支,好彩20號房有人新婚同生日,幫我嗌咗3枝,佢地叫我放工入房玩陣,我貪玩最後都同佢地玩咗個幾鐘.睇返電話Kaco打個兩次比我,我一聽到佢把聲就feel到佢有D嬲,我唯有返屋企啦!返到屋企都成3點鐘啦,我落咗妝後繼續同佢傾電話,可能飲醉咗,我同佢講野完全係non-stop,而佢亦都一樣唔肯收線,傾傾吓就已經朝早6點幾!
尋晚個埸仲靜,我勁偷懶叫廚房整雞翼比我食,又係房度係咁傾電話,真係悶到我不得了!根住Kaco叫我去佢度,但我又無帶衫換,我咪12:50am走咗返屋企換衫再過上水揾佢囉,原來佢屋企都好遠吓,我搭咗$180的士,超貴,好彩有7折咋!今朝起身超眼訓,佢勁懶訓我起咗身佢都可以無反應,真係豬黎架@~@ 我都唔忍心叫醒佢,我唯有自己落去搭火車啦...
本來今晚Kaco諗住過黎接我收工,但我約咗阿昇佢地落Cyber,所以今晚唔可以係佢度訓啦!
|
