今日我無返到工,起身個肚勁痛,可能尋晚同阿杰唱歌食得太飽啦!
尋晚成1點鐘先返到屋企,返到黎見唔係好眼訓,之後打比Kaco睇吓佢返到屋企未啦,點知佢聽到我把聲唔係咁開心,
我就話佢知我同家豪今日分開咗半年,好自然就會諗起佢,佢就同我講理論講咗2粒鐘,講講吓就開始講咗大家,
原來佢都同我一樣對我都有感覺架,佢話而家工作真係好忙怕陪唔到我驚我會唔開心,所以從來都無比壓力我,
我聽到佢咁講真係好開心,我仲以為佢未忘記以前先對我唔o爹唔吊,佢仲話而家已經無再諗前度女友,而家只會諗住我既感受!
我有時覺得識到佢係一種緣份,佢從來都唔會問Promoter攞電話,而我都唔會隨便比電話客人,
o個日佢個中學同學生日我sell佢地玩package,佢地幫我嗌咗兩支black label,我見係女仔先應承佢地放工同佢飲杯,
我記得o個日Kaco好晏先黎到,佢仲係房外係咁傾電話,我都無理會佢!o個日放工我本身約咗Gigi,阿祥阿威打牌,
不過最後我都有同佢地玩兩板先走,之後我飲醉咗係toilet門口撞到佢,佢突然問我攞電話,我又好自然比咗佢o勒!!!
之後大家都約會過3次,不過大家都好忙又撞唔o岩時間,所以就不了了之啦!識咗佢有一段時間我先知佢中文名原來又叫---家豪!
|
