我同Kaco分咗手啦,雖然有d唔開心,但諗深一層都未嘗唔係一伴壞事呀!
我同佢根本就夾唔黎,佢份人只顧事業,又鍾意玩情緒,我真係唔知佢諗緊咩,勁難捉摸!!
我同佢一齊真係好唔開心,應該話根本未開心過,可能我地真係唔應該開始,做朋友還可以既,
我亦都有問自己鍾意佢d咩,除咗佢個樣我真係諗唔到囉,佢算係係我咁多男友中最靚仔既一個.
由此至終得我一個係咁付出我真係好辛苦,一開始我唔應該對佢咁好,可能咁樣我會好過d啦!
前晚佢send短訊黎同我道歉,話前兩日語氣重咗,同埋依排工作好忙好多野煩,過咗個新盤會好d喎....
我覺得佢全部都係藉口囉,過咗依個新盤都會有另一個新盤啦,咁我要忍到幾時呀,點忍到3年呀,我唔會再聽佢講大話!
尋晚阿庭係我樓下同我傾咗成晚,佢話個盤根本就hold住咗唔可以出售,人地都做地產啦,邊有佢咁多野做架,
要講辛苦我咪仲辛苦,我返兩份都無出過聲啦,佢仲想我點呀,有人煲埋湯比佢飲,呼之則來,揮之則去,我唔會再咁蠢架啦!
今晚要返沙田Neway,1點收工後約咗阿新d同事出佐敦唱歌,之前約過1次不過佢地突然有operation,所有取消咗,
希望今次唔好失約啦!
|
