前日情人節個場好旺,但我就比佢地笑我無生意...激死我呀 ,d情侶兩個人點會開一枝黎飲呀,
佢地多數食buffet淨唱歌..真係悶到我不得了呀!!!!~
之後收到寶棋電話佢話Jacky叫佢唔好返住,佢勁唔開心根住我就同佢傾咗一陣,我發覺238個場d人好衰,
唔派禮物傾計都要比佢地駡,你估你地出糧比我地既咩,寶寶真係超慘.....如果調咗我去依間都唔知點算...
放咗工阿祥過咗黎接我,我地出咗旺角睇"門徒",套戲真係幾得架,超正~~
尋晚返到Newey無野做係度同個百威promoter傾計,佢仲幫我sell咗2枝tim,報數都有6枝架,都算唔錯架啦!
而家我同o個度d人熟絡咗,開始會同佢地講野,酒吧大佬仲話我好cool 話我唔同佢講野,佢都傻既好似佢咁唔駛做咩...
根住班同事放咗工係度唱歌,我就入咗房同佢地玩咗一陣...聯誼吓嘛
返埋今日我就放假啦,公司出咗雙糧仲出多咗$比我,我地仲預早咗出糧tim....
老板娘又派年糕,羅白糕,真係幾好架,不過佢今日已經飛返去紐西蘭啦.
前幾日有單貨delay咗,個客send 晒email打晒電話黎complain,攪到我比老板娘叫咗我入房照肺,
加上依半個月我無返4日工又成日遲到,真係幾驚佢駡我,好彩佢只係話咗我幾句咋,佢叫我過咗年比心機做好d,
仲叫我小心身體tim,我覺得依間公司對我真係幾好^o^
|
