星期五夜晚無返到工,我同咗Eva,Fion去鑽石山食pizza,之後諗住接Kaco收工比個surprise佢,
不過我有打過電話比佢,但佢d同事都話佢好忙所以無聽.我10點過到第一城揾佢,佢好驚訝但我唔覺得佢有開心,
佢仲問我今晚仲乜唔駛返工,我同佢講我請咗假專登過來接佢放工,佢叫我等佢一陣,咁我咪行一陣等佢囉!
點知隔咗10分鐘佢打黎問我點解過黎前唔比電話佢,我話我打咗成日比你但你無聽,佢之後話今晚有事,唔得閒陪我,
我問佢去邊約咗邊個,我今晚唔返工又為咗邊個,我已經黎到你公司門口你竟然叫返屋企先,佢話約咗"佢",
"佢"屋企人有事入咗醫院要陪住佢,我再問佢你係咪仲鐘意佢,佢等咗一陣笞我:我無諗過佢有事我仲會咁緊張,
見返佢仲會有感覺架,我唔想呃你,sorry!
你當我係咩呀,咁即係點呀!你當初就唔好氹返我啦,仲話要我比機會你作出補償,
叫我為你唔好返black label份工,我應承你話返到年尾,但你咩都無為我做過呀,你而家同我講d咁既野,
我一定唔可以原諒唔會再同返你一齊...
|
