好耐都無寫我既日記啦,依兩個月黎發生咗好多事,完全係我預計唔到同估唔到既事!
我最錫既表妹寶棋終於同Ronnie分咗手,佢而家同咗阿新一齊,我好放心交佢比阿新照顧,希望佢唔好再咁任性啦,
有時我真係比依個表妹激到扎扎跳,何況做佢男朋友o個個,以後既日子真係"鄧"阿新可憐...
我另外既表妹Gigi,佢同阿佳出現咗好多問題,而家仲要分開住tim,佢地結咗婚一年都唔夠,如果要攪到離婚我真係覺得好可惜囉,
雖然阿佳係有唔o岩,但有時佢真係要改o下自己既脾氣,再咁落去,大家既關係只會越來越差,情況更壞!!!
最後到我表姐Joyce,佢終於搵到佢既真愛啦,佢男友係個髮型師,上星期六我仲同佢地落Sugar玩,Chris外型都幾好既,
佢同Joyce都好襯tim,我諗Joyce都幾鍾意佢,佢話希望阿Chris會係佢最後一個喎.^^
至於我...我覺得自己變咗好多,變得成熟咗同埋做事無咁衝動,可能經歷咗好多唔開心同唔如意既事啦!
我個好朋友阿祥已經無再揾我啦,我打過比佢但佢唔肯聽我電話,我諗佢應該仲避緊我,我真係好想我地既關係可以變返之前咁開心!!!
我同阿Ken唔經唔覺行咗個半月啦,我覺得我地既性格好相似,大家都係好執著同好梗頸,所以我地成日都為小事嘈交,
之後我地又會好快無事架喎,佢成個細路仔咁...好可愛架.不過佢都有樣野另到我好唔開心.就係佢成日都唔相信我,
成日都覺得我呃佢,我唔知佢點解對我咁無信心,可能以前D男朋友仲有揾我啦,每個人都會有過去架啦,
我同佢地只不過係朋友,並無其他,希望佢會明白我啦!
上個星期Kaco終於打電話比我,我等咗佢成兩個月,不過接咗佢來電已經唔係以前o個種感覺啦,我諗我已經放低咗佢啦,
不過尋晚佢成2點鐘打過比我但我無聽,我當時係阿Ken屋企,我亦都為咗依件事同佢嘈交,我好唔開心,唔係因為Kaco打過比我,
而係阿Ken又唔信我...我真係唔想為咗佢攪到大家關係越來越差,好唔值得...
有樣野真係好唔明白,雖然我去過阿Ken屋企好多次,不過每次都係半夜先去,所以咁耐我都未見過佢屋企人,
可能佢唔只係得我一個女朋友啦,所以我先唔見得光呢?
|
