上星期四有好多野做,我做到9:00pm先走...very very tired,根住阿Wing黎咗我屋企等我換衫約埋Gigi一齊出中環,
出到去都成12:30am,Gigi一早到咗等緊我地,我仲係門口見到阿Ken,都有d突然既,不過已經無咩感覺,可能太耐啦!
不過佢個晚做d野令我覺得佢好討厭,我而家好肯定同佢分手係一件好事tim....
我地玩到4點幾走,阿Wing仲黎咗我屋企訓,我第日無返早上,下午先返工...返到去有勁多野做,夜晚仲要返工,超攰!!!!
星期五晚Kaco叫我放工去佢度,本身我約咗寶棋,Joyce出中環,所以我無去揾佢,我地玩到4點幾走,好彩第日返半晏咋,
不過都遲到咗兩個鐘,攪到我要搭的士返工.
星期六放咗工我無出去玩,去咗上水揾Kaco,過到去都成兩點幾啦,我勁攰好快訓著咗,第日我仲同佢一齊起身,
佢返工我返屋企再訓過,因為YC約咗我去嘉年華,佢放假夜晚又唔駛返酒吧,不過最終佢都無去,佢話唔知醒喎,
所以我同咗阿妹去,我地玩到11:00pm關門先肯走,我去咗兩次都覺得好好玩,玩完之後newey班同事約咗我
出尖沙咀唱歌,阿Wing,Fanny,Ivy都有去,阿妹就自己返屋企先,YC都有出黎,原來佢都幾玩得架喎...
玩到差唔多4點我頂唔順好眼訓走先,個衰婆阿Wing玩到唔捨得走,所以YC陪我走送我去搭車.
佢第日約咗我食飯當陪罪喎,我同佢去食韓國燒烤,食完都成11:00pm啦,佢仲陪我去睇化妝品tim,
佢都幾蒲得佢話唔想咁早返屋企叫我陪佢去睇戲,好彩咁夜無得睇咋!!!我日日都無覺好訓,尋晚1點幾訓算係最早既一晚.
聽日放工要上Jacky度開會,之後約咗阿祥食飯,我成個星期無見過佢啦,電話都無乜點樣講個,我真係覺得d時間唔係咁夠用呀,
依個weekend我都係返Stone,真係開心可以叫YC整d新野比我飲,佢調酒調得真係好好飲...真係唔錯架!!!
|
