尋日返到公司收到個電話,真係好驚訝同好開心...係阿Wing打黎,佢話佢無事返咗出黎,
我尋日朝早本身諗住請假睇佢上court,但公司有好多野做根本就行唔開,真係估都估唔到而家可以見返佢...
我做到8點先收工,跟住我地約咗出尖沙咀食飯,佢話要遲d到,咁我就行一陣街等佢,
行咗個幾鐘我買咗好多野,買化妝品...護膚品同買咗對鞋,唔經唔覺買咗成千蚊...
佢話想去唱歌跟住我地去咗Newey 順便揾阿杰,佢簽咗好多野食比我地,
唱唱吓佢同阿泰無啦啦攞支black label入黎叫我地猜枚,我飯都未食佢地已經話要飲酒,佢地係咪傻架
我地好快就飲完一支,走時都成點半鐘啦,我無返屋企去咗阿Wing屋企訓,返到去佢仲嘔tim呀,見到佢就辛苦.
今日放工之後要上Jacky度開會,佢話我地以後都唔會返Newey,改返銅鑼灣d酒吧喎,不過都幾好呀無咁悶嘛!
星期四約咗Gigi同佢d fd去灣仔飲酒,星期五夜晚要返酒吧,星期六都要返夜晚,不過收工約咗家堯出尖沙咀飲酒
,佢大少生日喎,真係飲到腫呀~
|
