本身今日black label請食飯,但我好眼訓所以無去到,我訓到8點先起身,跟住係屋企食飯睇電視,好耐都無試過d咁正常既生活啦!
我訓緊覺時有好多電話打黎,有幾個仲係無來電,打黎又唔出聲,真無聊咁大個人仲玩電話!!!
好奇怪係輝仔打黎叫我今晚出去玩,不過我推咗佢.前日我係Hot見到佢,我同佢交換咗電話,佢話同阿Kit散咗,
不過o個日佢條新女真係好唔掂囉,求其係街揾件都好過佢囉,究竟佢係咪盲架
食完飯阿威打黎叫我唱歌,我沖完涼見無咁倦咪同佢地玩吓囉,出到去都成點鐘啦,我見自己仲未好返都唔敢飲咁多酒,
佢地都好鍚我,多數都幫我頂酒...
而家都成4點鐘啦,我諗係時候要訓覺啦,聽日約咗阿昇去嘉年華,夜晚約咗兩個Gigi出中環,
我星期四要返工啦,所以我要盡情玩埋依幾晚...哈哈
我依排都好掛住一個人...佢就係阿Wing啦,佢而家係大攬,3月5日要上court啦,我唔知到時佢會派去邊度,
真係好擔心佢呀,真係好掛住同佢係佐敦既日子,我應承過佢等佢返出黎我會同佢搬出黎住,希望你會無事啦...
|
