今日12點起身,一起身就好想打比老公.

不過知佢應該訓緊,所以無打比佢,只係比個信息佢.

以前我成日係度諗拍拖係唔係24小時都要陪對方,對方去邊都要死跟,傾電話時問長問短,

無論小事大事都吵架一頓,有朝都晚都想打比對方,無論對方做緊咩.............

以為呢d係緊對方既行為,以為咁就係拍拖.

但當我深入去了解,我先發現拍拖要比對方時間,比對方空間,仲有尊重對方,

我以前睇過一篇文章,文章係訪問一對銀婚既老人家,

好多人都想問點解佢地可以真係白頭到老,

記者於是代問,老公公理直氣壯講其實無咩秘訣,

只係當對方係岩岩識個陣,

雖然對方係你既愛人,但都要相敬如賓,

唔好以為老夫老妻就可以亂黎, 仲有對方係上天錫比佢最好既禮物,

所以要好好珍惜對方.

記者聽完都認為好多人相處得耐,

就要控制對方,令大家都忘記左原來既自己.

所以要同自己心愛既人由拍拖到白頭到老,係一門學問,你同我又識幾多呢?