今朝起身，遲左成10分鐘先起身，尋晚訓得唔係幾好，所以好眼訓，跟著落床去toilet，見到牙肉之前個到腫得好厲害，阿媽話今日一定要睇牙醫。由於呢個原因，我要同鹽水"浪"口，又要整家政d野，又要食早餐，所以遲左成5分鐘先出到門口。去到站頭，校車已在等緊我喇...
番到學校，同cookey傾劇本d野，跟住到左8:00a.m.和風神上家政室放考試材料入雪櫃。
上Maths堂，Mr.Chan突然入黎，叫左3個人出去鬧，好得人驚。最搞笑ge係Miss梁同我地打招呼個陣佢講:「各位同學早晨，坐低!」我地全班都笑死，都唔知同佢打招呼好定係坐低好。
終於到左第一個考試啦!就係家政，我地排好隊，等老師帶我地去"戰場"。入到去，老師同我地講解一切，o係個分鐘我先知要有餐牌，同評分表，好在我臨時畫左個，都幾靚。至於餐牌老師話算了......一開始，我地執好晒要用ge材料同工具俾老師評分，然後就開始。一開始我就先打好兩隻蛋，我自問我打蛋技術都唔差，我打到d蛋好融合。呢個時候，cookey就開始整佢ge麥片，而我就落油，燒熱左個煎pan，就成碗蛋漿倒落去，煎左3分鐘左右，金黃色ge炒蛋就完成lu~之後我等cookey用完個煲，我就去洽腸仔，整好晒d野之後，先發覺冇伴碟，冇野飲!!!好在問到隔離組有cheese剩餘，借左一塊，又問左人借牛奶同香蕉，唉~真係恐怖。到其實第一次ge麥片係失敗，因為太早煮好，稠晒，好得人驚，所以再整多碗。到左試食時候la!係由每組同學自由選擇ge老師評分，我地個組ge歐陽老師俾左我地組8/10分，好高分!好高興呢!之後我地食左小小，打包番課室趕上戲劇堂。
去到課室門口，竟然冇key!!!救命，等左成5分鐘，終於拎番條key~盡快執好野上7樓，因為今日又係戲劇考試，上到去做左熱身，跟著號數考，我係第7組，同cookey，微姐，朗朗一組，我地係演灰姑娘，演出都幾成功，好滿意!!^^
食飯完左，就留o係課室溫書，因為Miss何要我地溫書，我睇睇下書ge時候，有班男仔o係到玩水樽，仲擲左落我隻手臂到，我隻手臂平時只要整到d筋就好容易扭傷，當時我痛到出唔到聲，而整到我個人又咩表示都冇喎~於是我d好朋友就罵佢:「道歉呀，聽唔聽到呀，叫你道歉呀!」佢只係好敷衍咁講，我都已經唔想睬佢lu~
到左放學，又要參加個個NLP，好悶!
番到屋企，食左兩塊包。夜晚，同老豆睇World Cup，好緊張，南韓贏左多哥2:1!但失望ge係佢地點解唔係入左波之後再入多球俾壓力多哥呢?!
好眼訓，現在12:20，我放學之後去左睇醫生，食左d藥，所以好眼訓，好了，早頭!
每日心語:~*當我朋友幫我罵o個個整到我ge同學個陣，我真係好感動!*~
|
所以臨刻前我叫佢聽朝，即係今朝早5:30a.m.叫我起身，我諗住讀埋d科學。
著好校服之後，終於精神番晒，我就讀科學最後個3課:粒子、溶液、密度。圍住個客廳一邊行一邊讀，讀到7點終於都讀好晒!!
呢個時候，阿媽都起左身，佢幫我整左幾條香腸同一杯奶茶，真係體貼!
老師明明話過下學期考ge有70%以上ga~而家好似o岩o岩相反咁ge?!唉~
有幾條唔識tim.....
。悶.....
又
。因為擦損面非同小可!!!
