五月•炎熱的夏天
本日記板記述了本人每天的喜與悲......
kawaimay : 個人主頁 - 相簿 - 訂閱  [ QOOZA - 論壇 - 登入 ]
kawaimay
暱稱： 五月
性別： 女
國家： 香港
«‹ May 2015 ›»
SMTWTFS
12
3456789
10111213141516
17181920212223
24252627282930
31
最新文章
•哈哈哈....
•聯課活動巡禮..
•不能停止!
•都好~~
•學校運動會的決賽日
文章分類
•全部 (48)
訪客留言
最近三個月尚無任何留言
好友名單
網站連結
尚無任何連結
自訂欄位(一)
尚無任何內容
站內搜尋
2006 年 5 月 20 日  星期六   晴天


被人罵! 感動 分類: 未分類

唉......尋日派成績表，我係全級第32名，比上次跌左11名，我真係要發憤圖強至得!!!

今日好悶，終於開左成幾日冇開ge電腦，搞到我成日o係到睇漫畫。

之前小旋旋話想聽日黎我屋企做功課，我媽媽答應左之後，我就打電話同佢約時間，點知兩次都係佢阿祖母接電話，但係佢就講晒鄉下話，我又唔知佢講緊乜野，好似鬧緊我咁，搞到我哭!!

夜晚，沖完涼，洗完臉，媽媽叫我敷mask，我唔想整因為好夜了，點知佢又嬲左我........唉~今日都唔知仲咩，一日到黑都俾人罵!!!
發表時間：2006-06-23 08:42 PM  [ 訪客留言(0) ] [ 編輯日誌 ] [ 分享至FACEBOOK ]  


2006 年 5 月 18 日  星期四   晴天


好累呀........ 不安 分類: 未分類

今日所有事簡直可以用個「累」字黎形容，等我一一告訴你:

1.由於遲睡早起的關係，我勁眼訓，而且個書包又好重，搞到我冇晒力。

2.番到學校，cookey因為倒翻左碗麵，要我同紫微幫佢洗褲同冷衫，然後又要去乾風機到吹乾。

3.由於生理問題，冇得上游水堂，miss曾要我地抄筆記，我地冇得游ge人o係太陽暴曬之下，曬到暈，而且成個鐘冇得坐，淨係企向到，好累!

呀!都有樣野唔係累ge~就係英文默書拎到92分，老師話好多人唔合格，但我取得高分，是因為我有溫書，好高興!

4.放左學要整音樂專題，我地用左「一條小抹香鯨」黎做，好辛苦，配左音好多次，但係好多次都失敗，又要夾嘴型，我發現原來做配音員都唔係想象中咁容易。

5.搞掂晒後，我地行左出去搭巴士，突然有巴士來了，我同紫微立即追!追到冇晒氣，腳都軟埋!

6.回到屋企，做好晒所有功課，就即刻整我ge「藍樊」粉末，因為今日有人同我買，我賺左$12，然後又有人向我要，所以咪整多d囉~搞到我膊頭痛，手痛!

總之一句講晒:今日累到死咁濟!
發表時間：2006-06-23 08:25 PM  [ 訪客留言(0) ] [ 編輯日誌 ] [ 分享至FACEBOOK ]  


2006 年 5 月 17 日  星期三   雨天


明著演繹冠軍! 傷心 分類: 未分類

今日係「名著」ge總決賽，1A係「三分球神射手」，1C「白雪公主」，1E「七個小矮人」，而中二個d就唔記得左。

當中一做晒之後，中二個d先勁!淨係戲服都夠晒型!尤其係2E「包青天」呀!Brain飾演包青天，勁型仔!好犀利!我好鐘意佢地班套戲服呀!!好有氣勢!所以呢!佢地班一共拎左5個獎，全場總冠軍!Brain仲拎左最佳男主角tim!真替佢高興!

放學由於打風ge關係，所以搭校車，連班際乒乓球比賽都冇睇。番到屋企立即做功課。到左7點，開電腦玩MSN，知道左我地班個隊拎左全校冠軍!都替佢地happy!!好似係何x兢同陳x威~

今日溫左聽日要默書ge地方，到11點，已經好眼訓......(難得一見...)

不說了~晚安。

~最佳男主角係.......2E!包青天!~
發表時間：2006-06-23 08:03 PM  [ 訪客留言(0) ] [ 編輯日誌 ] [ 分享至FACEBOOK ]  


2006 年 5 月 16 日  星期二   雨天


快樂事一浪接一浪 驚訝 分類: 未分類

今日個鬧鐘又唔響，激死我喇!食左3隻菠菜蝦餃做早餐，同媽媽擁抱後就出門口。

由於天雨關係，上課室早會，跟住miss彭入黎收手冊檢查。

今日家政堂我地整水蜜桃布甸，睇上去都幾好食。但係，突然之間火警鐘響起!!於是我地即刻除圍裙，沿著走火通道走。初時我仲以為係實驗室爆炸tim呀!因為之前完全冇通知。原來今次只係一次演習。嚇死我喇!

食完午飯，去家政室攞番個布甸，同紫微落左去小食部品嘗，點知......好難食!!佢個奶味好重，好似食緊蛋撻咁~不過我地兩個最後都將佢食晒......

中史堂我同其他8.9個人都冇筆記簿。miss譚話我同小介介本筆記簿係全班最高分，有5個穫優!好開心!

班主任堂派番手冊，miss ho話我知miss彭讚我本手冊做得好，哈!連續比人讚兩次，有d唔好意思呢!另外，老師通知左下星期六要見家長同學的名單，好采冇我咋!因為今次考得唔好.......

番到屋企，話比媽媽知今日家政堂整o個個布甸唔似布甸，佢就話我知佢以前蒸布甸tim呀!!!......然後做功課。到左6點，家姐番到，佢電左負離子，好靚呀!!我都好想電，但係佢話我知要番大陸喎~唔制呀!!

10點個陣睇左今日是魔王，勁好笑!有利話:「快d將我幅畫拎番落黎啦!睇下，佢雙眼好似發青光咁，右手仲拎住個檸檬，而隻手指尾仲勾起tim呀!」真係勁好笑

總括黎講，今日都幾happy!
發表時間：2006-06-23 07:09 PM  [ 訪客留言(0) ] [ 編輯日誌 ] [ 分享至FACEBOOK ]  


2006 年 5 月 15 日  星期一   晴天


渡日如年 鬱悶 分類: 未分類

今朝食左兩條香腸做早餐，帶左個中等size ge"DHC"盒，因為視藝堂要用。

o係校車到小鍵鍵話左俾我知佢睇"今日是魔王!"已經睇到40幾集，好衰呀!佢上網dw，不過算啦~我地兩個o係校車到講「戲經」講得勁開心!!

o係早會個陣，知道左我地班唔能夠進級名著演繹比賽，有小小失望，不過已經盡力做到最好，都冇咩遺憾。視藝堂玩陶瓷，整到成手都係泥!好想嘔!!

今日唔知仲咩事，簡直就係「渡日如年」!!!上中文堂又悶，英文堂個NET老師又教得悶，好掛住之前o係澳洲遊學教我地ge Margie呀!!悶到想死!!數學堂第一堂因為張sir睇堂，所以全班靜晒，我諗今次係miss梁有史以教得最舒服ge一堂^^，一到第二堂，阿sir走左，全班即刻起哄。唔怪之得miss ho話我地班成日俾個假象人地la~個29號勁煩，唔就轉筆又學人轉筆，俾cookey串到冇野講，我今次都廢是串佢。仲有呀~知唔知佢今日溜野，唔知佢乜事，佢倒水落自已條裙到，又用tissue抹喎~好肉酸!!!

今日去練琴，miss話我黑左同皮膚差左，唉~都唔知點解之前由澳洲番黎後就係咁喇，好慘!!!所以頭先敷左個mask。唉~我又趕功課la~到底幾時我先可以改左呢個壞習慣呀!!!T^T
發表時間：2006-06-23 05:39 PM  [ 訪客留言(0) ] [ 編輯日誌 ] [ 分享至FACEBOOK ]  


2006 年 5 月 12 日  星期五   晴天


名著演繹比賽開始了!! 愉快 分類: 未分類

今日係名著演繹的日子，早會完左我地就o係視藝室到攞番d道具，然後番課室上堂。

o係第二個小息同月兒一齊搬白板，好辛苦。午膳又辣，飲左唔少水。好快咁食完lunch，去搵miss.ho攞番兩把劍。

o係1.35分入禮堂，我地的演出o岩o岩好5mins，但係入決賽ge希望唔大，因為1D.1C.1E都好勁!!1C飾演王子o個個同學o係被叮個陣就話:唔好叮住!個白雪公主又勁，男扮女裝，d戲服又靚!最後被人熄燈又講:俾番d燈光黎先!因為佢想謝幕.....

o係日文班到學左好多生字同語法，個"死橙皮"勁煩，勁想打佢!

番到屋企話俾老豆知尋日小鍵鍵o係校車到對住個窗大叫"show me your power!come on,hit me!!"勁多人望住佢，勁好笑。

今日好開心。
發表時間：2006-06-23 05:18 PM  [ 訪客留言(0) ] [ 編輯日誌 ] [ 分享至FACEBOOK ]  


2006 年 3 月 25 日  星期六   晴天


我真的害怕溫書喇.... 鬱悶 分類: 未分類

今日一日，照我自已平時ge習慣，我上午8:30~11:30都去左補習社補數學and英文~跟住就急急腳咁叫老豆同家姐快d落去食早餐~因為我約左我班fd12.30分在粉嶺火車站等，然後一齊去溫書。

我去到火車站的時候，其實遲左半個鐘有多，因為食飯食得遲.....去到好驚，因為等左好耐都冇人黎，最糟糕的是，我連佢地一個手提電話號碼都冇，一黎，我又唔知自已究竟有冇去錯地方，二來，我又唔知佢地係咪覺得我遲左好多所以走左.......後來，我打左個同學電話，終於問到其中一個約左的同學的電話喇!!!就係曼魚個電話，我同佢傾個陣覺得好莫名其妙，因為佢話唔知我都去喎~我咪話佢知係阿旋叫我去架囉~跟住佢話我知阿旋唔見左人囉~仲話葉寧在上水火車站都搵唔到佢~最後，經過我的精心計劃，叫家姐同老豆問下搵過我的人叫咩名，再叫佢打俾我，終於都搵到阿旋喇!!!我聽到佢講佢頭先去左邊的時候，我唔知想話佢叻好定係蠢好~佢話佢係上水火車站同粉嶺火車站來回咁搵我地囉~~~好無奈.....

我去到，見到曼魚，以為終於都可以開始溫書啦~點知，佢帶我地去會所，之後到左三點，胡碧碧都黎埋，不過我好唔開心，成班都係到玩，都唔係溫書，臨走個陣，有班串妹串我地，我就話唔好理佢地啦，唔好若麻煩，點知佢地四個不停咁同佢地鬥串，我好唔鐘意，我淨係溫左好小，佢地嘈住我好難專心，~唉~我番到屋企就同阿旋講，唔該你下次有咩一齊溫書唔好叫我喇~我真係好害怕呀!!唔好搞啦唔該~~!!!
發表時間：2006-09-21 09:01 PM  [ 訪客留言(0) ] [ 編輯日誌 ] [ 分享至FACEBOOK ]  


2006 年 3 月 17 日  星期五   晴天


學校運動會的決賽日 愉快 分類: 未分類

    今日係我地學校運動會的決賽日，唔講呢ｄ住先la~梗係繼續講我地啦啦隊ge情況架啦:

      今日一早，我地都冇咩精神，後來我地先有番d士氣!!!我地今日有新口號:Give me a "R"! "R" Give me a "E" "E" Give me a "D" "D"! What is "R•E•D?!""RED!!"RED HOUSE SUCESSES" "OH YEAH!!!!"真係勁好玩，我地仲特地對住個司令台叫!!!好好玩。

     到左我地四社啦啦隊表演ge時候喇!!!首先係文社，其實我覺得佢地首隻舞ma ma....首歌仲係到不停咁唱"馬克，馬克...."咁~~~
     第二就係采社，佢地首歌係勁有hip hop feel囉~仲係跳得勁靚囉!!!真係好犀利，我不停咁望住小旋旋，佢跳得真係好勁呀!!!!>3<
     跟住就梗係我地風社啦!!!我地有條羽毛插o係個頭到，仲有個蝴蝶係我地件社衫到，我跳得勁好玩，因為個個人都好落力，尤其係前面六個leader做一字馬同埋我地排"R"個陣，全場都係到歡呼!!!其實我覺得我地同采社係不分上下，係靠最後個班哥哥再搶分!!!真係勁爆!!!
     最後係度社，估唔到佢首歌係咁溫馨，因為我地頭三個社d歌都係好勁，但佢地首歌就好似兒歌feel!!好無奈.....

    到最後，梗係我地風社贏左啦!!!勁開心啊!!!!我永遠都唔會忘記架!!!
發表時間：2006-09-21 09:02 PM  [ 訪客留言(0) ] [ 編輯日誌 ] [ 分享至FACEBOOK ]  


« | 1 | 2 | 3 | 4 | 5 |