日誌
kaxin : 個人主頁 - 相簿 - 訂閱  [ QOOZA - 論壇 - 登入 ]
kaxin
暱稱： yeah
性別： 男
«‹ January 2015 ›»
SMTWTFS
123
45678910
11121314151617
18192021222324
25262728293031
最新文章
•钟生，行近去睇下
•2010-04-12
•睇下我地既廣東話
•黑仔既四月
•你實做過既70無聊事
文章分類
•全部 (8)
訪客留言
最近三個月尚無任何留言
每月文章
日誌訂閱
尚未訂閱任何日誌
好友名單
網站連結
尚無任何連結
最近訪客
最近沒有訪客
日誌統計
文章總數： 8
留言總數： 5
今日人氣： 3
累積人氣： 446
站內搜尋
RSS 訂閱
RSS Feed
2009 年 5 月 25 日  星期一   微雨


睇下我地既廣東話 不屑 分類: 未分類

人之初 口多多 笑骑骑 放毒蛇，声大大 无货卖 眼大大 易学坏，
周身郁 扮忙碌 眼湿湿 扮忧郁，嘴藐藐 打得少 静鸡鸡 认低威，
有早知 无乞儿 晨早知 中三T，担凳仔 霸头位 一张票 睇到笑，
好好好 睇唔到 绕埋手 晨早走，有得振 无得训 搞搞振 无帮衬，
侧侧膊 唔多觉 搏大雾 唔洗做，有姿势 无实际 有交易 靠实力，
七八九 饮到呕 硬骨头 食地球，手头紧 搵真银 乌啄啄 任人将，
淡淡定 有钱剩 失失慌 害街坊，有得赌 精神好 三缺一 惨过乞，
腾腾振 虾光棍 时运高 搏返铺，二仔底 无得睇 随口up 当秘籍，
赢粒糖 输间厂 赢把遮 输架车，有窦口 早d 抖 读书少 比人藐，
头岳岳 四围度 烂挞挞 唔负责，无晒计 发long礼 咖哩啡 扮阿姐，
频频扑 搵命搏 姿姿整 有环境，咁人齐 等发围 趁佢病 椤佢命，
出黎威 识抢咪 唔想衰 埋大堆，有异性 无人性 有杀错 无放过，
有胸毛 出黎蒲 手毛长 性欲强，听唔明 扮纯情 懒痴缠 搏可怜，
大笪地 食自己 做臭四 无定企，眼光光 等天光 印印脚 等人约，
有断估 无痛苦 人工高 无秘捞，唔够班 执二摊 跟老顶 有得醒，
走得快 好世界 走得摩 无鼻哥，大肚dum 无良心 大虾细 比屎喂，
有background 无困难 有quali 大餐史，number one 有纹身 渣fit人 有疤痕，
密响call 无甩拖 手指指 靠FACE，十十下 拉头马 中间界 骑呢怪，
唔够皮 无面比 二三线 好难变，手指指 扮fan屎 无拉拉 整笪疤，
白白净 无性病 人吓人 好易晕，吹吹水 唔抹嘴 趁你病 挞你订，
癫癫地 唔识死 渣蓝筹 唔洗愁，过大海 搏好彩 四围走 斗叠友
發表時間：2009-05-25 12:12 PM  [ 訪客留言(3) ] [ 編輯日誌 ] [ 分享至FACEBOOK ]  


2009 年 4 月 15 日  星期三   晴天


黑仔既四月 無奈 分類: 未分類

      呢個學期5好既事，接二連三
      系岩岩開學既第二個禮拜上課時，因為無聊得制就用KEY去剮飯卡上面果層膜，剮左成節課,果層膜未掉落來，而果張卡就因為卑KEY破壞左裏面既磁性而報銷左。就咁，冇拉拉“5見”左30蚊。
      呢個月，放假返去，系屋企練跳滑板時，跳下跳下，系袋裏面既手機就飛左出來，又系白屏——去整160（好D，比上學期平左40）
      手機整完既第三日，上體育課，老C 要我地練三步上籃，因為呢個要考試，呢學期所以無解5識就要練。估5到上學期一場波都未打到，呢次一上場玩兩手就扭柴左腳。而且5系跳落來那陣時卑人撞到既，系跳落來時踩到個波。冇解，算自己衰啦。

      但接落來仲更搞笑。因為第一次去貼藥時，系到“蝦叔”果間店。因為未貼果陣我就同佢講可5可以計平D，點知佢就5開心，話你去第二到地方貼。無論我點SAY SORRY 都5用。MY GOD 咁既情節系TVB就睇得多。估5到現實中真系有咁既事，有錢都5要仲系發生系我既身上，超無語（>_<）
發表時間：2009-04-21 10:37 PM  [ 訪客留言(0) ] [ 編輯日誌 ] [ 分享至FACEBOOK ]  


2009 年 3 月 25 日  星期三   雨天


你實做過既70無聊事 分類: 未分類

1．玩米缸，將手插入米缸裡面嘅米裡面篤下篤下。
2．在百貨公司入面篤扶手電梯旁的牌。　
3．地下有階磚時，特登隔一格一格黎行 ( 不可踩界，要完全在格內 )。　
4．用錶面反射陽光，照黎照去。
5．跳樓梯 ( 愈多級愈勁 )。　
6．行路上高起左地方，好似玩平衡木咁行法。　
7．鋪張紙在硬幣上面，然後用鉛筆係上面油，油返個形出黎。　
8．食完瑞士糖之後，將糖紙包番個原本四四方方果個形出黎。　
9．超級市場踩住架購物車黎行。　
10．踩水" Tum "，係好特登果隻。　
11．吹口水波。　
12．搣牆上的乳膠漆或牆紙。　
13．係平滑嘅地面上面跣下跣下咁行。　
14．整濕啲紙巾，掟上學校廁所天花頂。　
15．食完香口膠，摺返成張包裝紙，再放返入個大套入面。　
16．響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉得怏個時飛出黎，睇下個粉刷中邊個。　
17．放膠袋 ( 當風爭咁放 )。　
18．去後梯執咸書睇，將睇完的咸書撕開飄落街。　
19．貼張龜仔紙嚮同學個背脊度。　
20．踩人地個影。
21．狂踩人地對白飯魚，尤其是大肥仔果啲。　
22．用幾條橡筋射同學。　
23．掉人地門口的拖鞋落街。　
24．" Mung " 消防喉，射水落下面個球場，睇下射到幾遠。　
25．嘗試用「念力」整彎湯匙。　
26．用氣鎗射街上的途人。　
27．玩千揪，" Fing "到咁上下就飛出去鬥遠。　
28．落樓梯時坐係啲扶手上面 " Sir " 落黎。　
29．在自動梯行相反方向。　
30．把「誤投信件」或沒有用的宣傳單張，放入其他的住宅信箱。　
31．坐地鐵時，抓緊中間的扶手，地鐵一開動博命繞住轉 ( 自轉 )。　
32．在月台上鬥快跑。
33．係「被」豆入面開住電筒扮露營同埋喺入面食零食。
34．用圖釘弄穿學校壁佈板。　
35．亂按人地既門鐘，然後鬆人。　
36．明知過左三歲，仍然吾買飛，「捐」地鐵既入出閘機。　
37．不小心塗改液 ( 有掃那種 ) 塗在手上，然後用附送的天拿水，搽在手上以圖弄去改液。　
38．用冒險樂園o既硬幣當一蚊用。　
39．煲蠟。　
40．把汽水罐靜雞雞放在校車的車輪下攝住，開車時把它壓扁。　
41．用螢光筆油指甲。　
42．向學校啲木台上面畫公仔。　
43．用電筒／雷射筆射落街或者照住啲路人。　
44．搣碎啲紙巾，然後拋出窗。　
45．巴士一開車，就同佢鬥快跑。　
46．落雨擔遮，懶係型咁轉把遮。　
47．見倒啲矮過自己嘅人行緊過黎，會好自然 " Gut " 高啲行。　
48．將擦膠切到佢一粒粒咁　
49.玩冒險樂園啲遊戲 ( 例如籃球或保齡球 ) ，企喺最高或企喺跑道嘅最尾玩。　
50．地鐵出閘果時「捐」過閘口，拎走張地鐵飛當地圖。　
51．屋企冇人果時，對住塊鏡學人跳舞／做戲／唱歌。　
52.．同人爭一啲無聊野，例如「美少女戰士角色︰Sailor Moon 係我既，火野麗係你嘅」或「四大天王，黎明係我嘅，所以你唔准鍾意黎明，你鐘意郭富城啦」。　
53．玩廁所水。　
54．去到公園，係咁撕百千層啲樹皮落黎。　
55．慢慢行近麻雀到，企圖捉住佢地。　
56．係街見到狗就扮貓叫，見到貓就扮狗吠。　
57．趴喺地上扮死，想嚇死阿媽阿爸。　
58．畫花報紙或書上嘅畫，為人物加牛角或者胭脂等等。　
59．拎啲元寶當船放喺水上玩或者拋落街。　
60．用條繩「Hid」野到落去住下面嗰戶人嘅窗前，然後 " Fing " 來 " Fing " 去，引人注意。
62．在井字型公屋中間的大天井中放紙飛機，或者放紙青蜒，看看誰放的紙青蜒最慢由廿幾樓落到地面。
63．將bubble紙氣泡逐粒"鏈"爆
64．走到開動緊電風扇面前:"呀~~~~~~~~!"
65．用間尺好似 "搖搖板"咁彈起舊擦膠
66．膠水搽係手/筆盒上 , 等佢乾之後成塊 met 出黎 ~
67．洗手時用手頂住個出水位,用d水去射周圍d人
68．同隔離位鬥快開哂筆盒d機關
69．特登將飲完的紙包飲品吹脹然後放在地上，大力地踩爆佢
70 ．係ｄ走廊到玩壁虎功
發表時間：2009-03-25 10:17 PM  [ 訪客留言(2) ] [ 編輯日誌 ] [ 分享至FACEBOOK ]  


« | 1 | 2 | 3 | »