2006 年 9 月 10 日  星期日

哇！估唔到我返學唔到一個月就...

ｓｏｒｒｙ牙！大家．．．
咁內都唔打日記．．．
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
哇！！估唔到我返學唔到一個月，就好快已經憎某幾個人囉．．．．．有一個人係留級既．．．．．講真．．．．我唔介意佢係留級，我係介意點解佢唔認係留級呢！∼？仲有牙．．佢好鬼中２蚊其他人既頭髮，蚊到其他人既頭髮亂曬．．．．．正一黑人憎！！第二個我憎既人就係衰在扮野！！（佢扮野扮得仲勁過我係小學憎個個女仔！！）佢講野個陣，把聲係到扮可愛．．．．我諗佢都知我憎佢嫁喇！！頂！頂！頂！頂！頂佢老媽子個肺！！唔講我憎既人，講吓我憎既老師，我地St. Paul得四堂會係用中文教，（中文，中史，宗教，普通話）其他都係用英文教．．．．．唉．．．．真係英文差ｄｅ，都唔識佢地講咩牙！！我唔中２教我社會同P.E.個兩個老師，社會個個老師係因為佢駡過ｅｌｌａ同我，我都唔知點解要駡我囉！！我上堂個陣，我唔小心正左支筆洛地下，咁我就叫ｅｌｌａ幫我拾返ｌａ，點知個個老師以為我係同ｅｌｌａ講野，跟住就係到駡我！！都唔知點做老師既．．．．跟住個個P.E.老師，佢好煩囉！！我地P.E.堂更衣個陣，佢話要我地２－３分鐘就要ｃｈａｎｇｅ曬３，正到大家都手忙腳亂！！唉．．．．．．最後一樣差既就係，St. Paul日日都有好多功課做，做幾題Ｍａｔｈ數，就做左幾個鐘．．．．．唉．．．．功課多到牙媽都唔認得！！不過讀St. Paul都唔係完全差曬既，我地上英文堂，係分兩班上既，好似１-唔知幾號係去特別室上，其他就留係課室，我就性陳！係四號，ｓｏ我就去特別室上堂，哇！！我地依個特別室個窗口，係可以見到聖言個藍球場同一ｄｅ課室，差唔多我日日上堂個陣，都唔係留心上既，我係到望ｄｅ靚仔！！嘻嘻！但係．．．．．聖言ｄｅ人，１０個裹面，得一個係靚仔，有陣時睇得多ｄｅ樣衰既男仔，自己都想嘔嫁喎．．．．不過好彩,有一次！我見到我暗戀既男仔係籃球賽到打波！！！！哇！哇！！哇！！佢簡直係型爆牙！！哈哈！！希望再機會可以睇到佢既英姿ｌａ．．．．．我係St. Paul都識到好多ｆｄ，但係比較熟既就係Ｍａｇｇｉｅ同Ｍａｎｄｙ，Ｍａｇｇｉｅ個樣好鬼死Ｑ嫁！！人品都幾好！Ｍａｎｄｙ個樣就幾靚女！！我覺得我以前唔知係邊次田徑比賽到見過佢，佢比我既感覺係好童真囉！！其實都唔係ａｌｌ　ｔｈｅ　老師係衰既，我最中２既老師係教我Ｍａｔｈ既Ｍｓ　Ｔａｍ，佢好靚女嫁！！雖然教書個陣，講野快左一ｄｅ，但係其他都好好！！！唔講咁多ｌａ！！遲ｄｅ我會日日都打返日記嫁喇！係咁先！！８８６∼！