WOW~~~甘又放左2日假la, 一個字爽, 不過訓極都唔夠 

11/5/2008 母親節大快樂, 不過唔關我事= = 要返工, 放5點。果日原先約定既飯局取消, 所以放工返左屋企。

12/5/2008 尋日下午3時同阿妹去買飲衫, 因為我們的表姐1/7結婚 出去葵芳, 哈~好好彩又俾佢襯到一套, 唔錯唔錯!! 攪掂!! 之後返左我屋企同我清倉, 2大袋拿走ar 唔該 我都已經收哂手la, 但都可以有甘多野俾佢= =, 可能佢太耐無黎我家清倉^^"

今日下午將會陪爸爸覆診........行左成日對腳行到好攰><" 係TST行左成日, 之後去左食雲南過橋米線, 好..........辣ar/_\ 見到子豪係廚房, 不過我唔敢行去廚房, 哈哈~ 食完先打俾佢, 諗住打個招呼, 結果佢唔得閒聽我電話= =, 走lu!! 都唔夠3分鐘佢打返比我, 我已經走左lu~ 之後上診所等醫生返黎, 都等左40分鐘, 我已經變左雪條, 好涷>﹏< 睇完唔使落MK配藥, 再行多陣先走, 點知當我一行開左爸爸視線範圍之內, 連續有2件事發生左, (一)有個男人行埋黎叫我幫佢做問卷, 我係唔會幫, 因為我目的係去買水俾爸爸飲, 佢就話, 鍾舒漫都幫我做左la@@? 我想問: 鍾舒漫做左關我咩事呢? (二)有個女人行過我身邊叫左一聲:小姐? 之後我望左佢一望, 佢又望住我, 但又唔知佢想點, 再加上我唔識佢囉? 結果緊係走人la, 3唔識7, 痴線架!! 行左去YMT by60x返去, 一齊係OT都城食埋飯同爸爸去惠康上埋貨回家去, 自從阿女麻走左之後我好耐都未試過行惠康行得甘開心 

哈~ 終於諗到今日做咩好la, 就係出去TW買你地叫我買既鞋, 突然間放假實在太無聊la, 哈哈!! 今日訓到差不多12時, 爸爸叫醒了我, 食完野就同爸爸一齊出門口, 途中打俾契媽, 睇下佢報告係點, 原來仲未出院, 不過今日5點佢可以返屋企la, 太好la^^ 出到去都有2點, 邊度都唔去, 第一時間去搵對鞋, 睇哂成間野都唔見, 原來我又差d睇漏眼, 得3隻色, 聽KC同Big V講, 佢地買左一黑一白, 甘我咪要買桃紅? 但我只係試左黑同白, 結果係買左黑, 襯哂本人BLACK YAN 屋企又多對涼鞋lu, 我發覺出左黎做野之後係好少睇波鞋, 可能因為之前d工唔會有甘機會著, 再加上我以前係一見岩就買, 已經有好多存貨...XD 之後四週圍行, 睇下去飲d one piece, 行左去唔知邊度既麵店食野, 好好味, 爸爸果然無介紹錯, 正!! 再行返去南豐行個圈再去搵Big V, 諗住走la, 點知係Big V度睇左同試左好耐, 唔講唔知, 原來爸爸都睇中左對鞋, 難得~哈!! 我都諗住買埋一份, 試到心動, 不過當我諗起屋企個士多房(鞋廠), 我即時收手, 但其實我對adidas麻麻地, 真係好硬= =!! 再call埋阿哥買鞋, 不過佢係TKO放工, 要等佢過黎。又行左去未行既地方, 俾我發現到條one piece, 都唔差, 價錢都可以。唔買住, 因為無得試上身, 阿哥黎到la, 又試鞋, 可惜佢睇中既無size, 結果買左日版adidas, 爸爸買左美版adidas, 而我岩都無買, 哈哈!! 買完諗住走, 不過Big V話放30分鐘break, 所以我遲d走。我地又行南豐, 講開買野, 原來妳都睇中左個袋, 不過有緣無份@@" 行到差唔多夠鐘, 又經過間野, 我叫佢幫下眼睇下條one piece, 既然你地都講唔係差, 結果都買左, 之後去Big V度試, 真係好唔慣ar, 但你都話無問題甘就ok la, 哈哈, 真係唔該哂 解決左呢個問題lu。返屋企落雨, 又做落湯雞= =" 濕哂!! 聽日返早, 好驚唔知醒呢d天氣......

返工前同爸爸一齊去左醫院探Uncle Lai, 呼~~~見到佢都唔係想像中甘, 即刻放心好多, 鬆左一口氣。Aunt就好似我之前甘, 唔使去減肥都會自動輕磅至少10磅@@" 時間非常緊迫, 飛車返公司, 都遲5分鐘, 阿Sa一次過俾左好多野我做, 正~如果可以繼續唔好俾我停就好la, 因為一得閒就會好難過, 特別是在某些地方。今日做做下野, 阿Sa叫我聽日OFF, 改後日返2節= =, 如果將呢2日相反你話幾好呢, 可惜, 呢個世界上係無十全十美既事, 不過依家都好過無, 呵~~~玩玩下玩具甘又6時, 開飯la, 我送阿珊放工順便去7仔, 途中阿珊自動波同我講左好多野, 事實上, 我同佢只有呢個機會先可以知道大家既近況同消息, 話就話日日都會見面。老實講, 佢講既野我預左會有, 再加上佢講既我只會半信半疑, 因為我對任何人已經唔會再有信心出現, 除了我身邊最重要的那幾位(親人&朋友)放心la 之後返去叮飯, 20分鐘極速吞飯, 哈哈!! 7時又開工la, 唔好停, 可惜估計錯誤, 本來可以做得哂d野, 到最後都係差dd, 唯有留返Sunday去完成。10時d人都唔願去, 痴線, 真係唔會再甘傻, 我乜人都唔會等照走, 之前試過一次有等埋d人, 結果先知好傻囉, 我根本無同佢地講野, 但又唔知點解要等, 再加上都唔係一齊行既。低能架!!! >< 真係爽, 感覺真係自由la 其實阿Sa同我講叫我OFF果一秒開始, 我已經不停甘諗, 聽日去邊好呢? 做咩好呢? 搵邊個好呢? 太突然真係完全唔知做咩好, 哈哈!!

發問一下先, 希望有人會俾到意見la：
如果你係一間公司, 無一個人願意主動同你打招呼, 同時仲當你好透明/好似殺左佢全家甘既樣 果d人仲不停甘向你身邊比較好既人收集消息既同時亦散播d消息係要俾你知道, 單單打打, 講到好似好慘甘, 但果種感覺&感受當然唔會係假la 雖然你係一個性格好強可以好撐得既人。請問你會點做? 點面對呢?