5月又開始啦, 無希望= =" 今日既開始亦都係一個無方向既開始, 尋日last day舖頭已經交回領匯, 即係代表家無寧日既開始, shit!! 明天我正式開始返新工啦, 完全無感覺, 為人工而返工, 無乜信心會做得耐, 因為果度陰盛陽衰, 女人!女人!都女人!! 我唔係歧視女人, 只不過係唔想長時間對住既都係女人。一定煩到, 是非多到爆, 連上司都係女人, 救命!!

出紅磡拜(女麻女麻), 之後返左市中心同老豆行街, 好忙, 好多野都要買, 褲啦, 鞋啦, 飯盒啦, 鏡啦, 枱墊啦, vcd啦, 日用品啦...等等!! 行行下見到阿Tea&阿妹, 嚇佢地係無反應架= =" 驚都唔驚下, 唔好玩架 4點幾去High Tea, 其實係Lunch, 哈哈。行到差不多7時回家去。呢排狀態仍然處於攰攰攰, 不過都係一件好事, 等我有覺好訓^^ 值得開心既一件事, 我今朝起身記得自己發緊個夢係好開心, 好耐都未試過發個好夢。

唔好意思, 要大家擔心左我甘耐, 我知錯啦!! 不過我知道呢d情況一定會再發生, 所以大家會好快習慣, 而我亦都會好快習慣成為通緝犯。哈哈~

破哂紀錄燒足15小時還未退燒...... 尋晚訓到4點幾am 突然間周身骨痛, 真係好痛, 手指腳指同埋身上既關節位置都係凍, 除左岩岩講果D之外, 身上既任何地方都係興合合, 火燒身心, 我已經知道自己係發緊高燒。對於我黎講, 係唔知點算, 真係辛苦到想大叫救命, 等佢地醒左送我入急症, 真係未試過甘辛苦, 想起身探探熱, 不過我知道屋企係無呢D野既, 轉呀轉, 好似耳水不平衡既感覺。3張"皮"都唔掂, 燒到我估計6點左右, 先訓得返, 繼續燒, 以為訓醒會無事, 因為以前都試過, 但今次真係夠姜, 8點起身落舖當無事繼續做野, 其實我仲係高溫燃燒中, 而且一D痛都無減少過。佢地係唔會注意到我係病緊, 有你無你話知你, 俾心機做啦!! 醫生使乜睇呀, 其實係呢10幾個小時當中, 我覺得幾好, 個腦不停甘轉呀轉, 係唔會諗到野, 成個人都唔會有煩惱, 真係好想燒壞左個腦佢, 一了百了。如果出現埋滿天星就等於我要暈啦, 但燒左10幾個鐘都唔暈, 激死, 仲諗住入下廠當渡下假嘛, 又入ICU都唔錯, 一定係長訓, 發生咩事都唔會知, 你話幾好呢@@" 況且我以前都住過, 無乜所謂。

已經2日啦, 真係好無奈, 從來未試過甘, 真係對大家好唔公平, 個心真係好內疚。你地越擔心, 我就越唔開心, 遲d更加唔知點面對大家, 所以請大家相信我, 我真係無事。我知道大家真係好關心我, 總之多謝大家, 我係知架!!

呢2日, 個人都神神地之餘, 其實身體都唔太好, 女人之苦都唔夠, 對腳痛仲帶點抽筋既感覺, 都仲唔夠, 腰骨又痛企唔直, 成個老婆婆甘, 唔知係咪風濕, 仲有喉嚨痛, 呼吸極度困難, 就斷氣甘@@" 唉~~~~~~

最後倒數......一個星期啦, 都唔知係咪一件好事= =" 對所有野都唔敢存有希望。新工等緊我返, 但我對呢份工唔好講話興奮開心既感覺, 就連一d基本感覺都無, 死緊!! 呢3日......最記得自己就係使左好多錢, 同埋好忙。因為我終於都整左回鄉卡, 多謝$390。終於哂返哂自己同大家既相啦, 連埋買相簿, 多謝$600。到今日約左秘書食LUNCH(日本菜), 之後返公司幫佢手做野, 師兄阿KEN返左黎, 唔知點解佢突然好關心我搵到野做未?? 就介紹左份工俾我, 人工非常好$12000-$14500, 但我唔諗住, 雖然係好好人工, 時間同黎緊既新工一樣, 只不過我唔想放棄黎緊呢份工既機會, 但又可能真係無乜特別, 的確令到我15/16??? 算~ 唔諗啦!!

原來我真係接受唔到依家既自己, 連自己都唔知想點, 煩惱&問題只會有增無減。原始生活點都好過麻煩都市!! 繼續留係山洞過原始生活, 當住係渡假, 甘應該會開心d。郭小姐, 我開始對妳好失望, 妳俾心機繼續潛水啦!!