繼續我去廣州既行程,

係禮拜六朝早七點幾就起身梳洗,

之後同親戚飲茶,

到左九點幾就出發去左番禹長隆歡樂世界玩,

其實我住既地方同番禹好近,

只要去附近搭地鐵就到,

去到番禹就要搭接駁巴士到歡樂世界,

一入到歡樂世界就見到最刺激既垂直過山車,

我同表哥立即走去玩la,

之後我地玩左好多遊戲,

玩完已經係三點幾,

玩到冇咩好玩,

跟住就走,

又返廣州探表姐,

探完表姐就去食晚飯,

食完晚飯就返賓館休息,

一日就咁過左去。

 係過去既禮拜五、六、日,

我同阿爸、阿媽去左廣州玩。

禮拜五朝早七點幾就出左門,

到十一點幾就到左廣州,

之後仲要搭半個鐘頭車先去到醫院探表姐。

探完表姐就去左食飯,

跟住就去左行街同埋掃小食,

當中最特別既小食就係烤雀仔,

超恐怖,好彩我冇食,

掃完小食又要去食晚飯,

之後就去左賓館訓覺。

 今日又係開開心心咁過左一日,

I.S堂有得食薯片,

其他堂都係同人傾計,

總括今日都係過得唔錯,

不過就要俾人咬。

 今日第1、2堂上I.S,

對I.S冇乜興趣,

所以上堂都唔係好留心,

第3、4堂係中文,

簡直係超悶,

第5堂係中史堂,

亦都係差D訓著,

第6堂係英文堂,

han同靖靖作故事,

雖然我唔係好滿意我個名,

但都好期待故事既發展,

之後食完lunch繼續上堂,

第7、8堂係數學堂,

係無聊中渡過,

之後就返屋企。

 今日係母親節,

朝早同全家人去左飲茶,

之後去市中心同阿媽行街,

買左個銀包送俾佢,

行多一陣就送左佢去返工,

跟住就返左屋企啦。