今日..晨咁早起身,食左個早餐就出左門口,為左趕去觀塘返第一日工!!

原來返工時間真係咁多人..逼爆架地鐵...而我感覺好似比人摸左下PAT PAT

好啦..終於返到公司...我係第三個返到去的人...坐左一陣,9點半..正式開工!!!

我就係我呀叔間公司既其中一個最簡單既部門做野(由低做起嘛...)就係包裝部

雖然係最簡單..但係好麻煩,動作要快,又要小心...一擺錯左位就要成批貨再搞過

公司其他部門d人陸陸續續咁返黎啦,其中幾個就係印刷部既邦叔,洪哥

仲有電腦部的一個靚姐姐-阿怡(我當然不會變心@@)個個都好nice

第一樣要做既野就係入卡片...人地訂造既卡片分開放入一個個膠盒度,每個人名都唔同...

有銀行經紀,cofe shop,仲有好多....遲d等我做好d,再複雜d就係包裝餐牌...都係好難...我而家終於明點解d書咁貴..

最慘既一樣野就係...冇得坐架企左7粒鐘...終於明點解d大人會咁攰...

我返到黎之後隻腳攰到唔聽使....聽日仲要去羅氏....oh my god!!!

總之我今日做左好多野,又好勤力...到放工啦(最早放的那位xd)....仲要幫呀叔送貨

觀塘送去北角....送完終於返到屋企...而家攤左係度打緊呢篇野...

好攰呀!!!!!

其實我地既關係好多人都知...不如公開吧...我不想再躲藏...

今天做野做得好攰...特別想你...感到了麼?

不想再次令到你失望...知道麼...?

你一定要等我呀...等我不再逃避別人目光的那天...再拖著你的手...

不會等很久的...等我呀!!!樂頤!