為她打的第一篇文章...學期的最後一日

今日註冊了...由於Miss Lau帶隊,所以由陸頭代佢同我地註冊=.=

雖然佢份人唔係好好,甚至可以話衰..但呢一年就黎完,都有少少唔捨得~

註完冊,又到左放書既時間(我要人提先知=.=)....睇到好多個人都好落力sell書...

幫左d男仔sell左幾本...有5蚊回俑-口-"(袋袋平安^^)

好想幫下佢放書...但佢放書好似勁過我...於是我就一路係個度hea,一路幫佢睇下有冇人收書(到最尾我都冇乜貢獻....)

又到左成大班人一齊走的時間了....無啦啦多左d人...噢..

又再去葵廣努力,但都冇乜收獲,行到新都會個時...丁嘉琳忽然興起想飲茶-.-

成班人走左去酒樓度..點知好多人...個時可能脾氣大左少少,黑住塊面..對唔住

最尾等到唔耐煩,走左去一間叫'仙跡岩'既餐廳食野,d野食都ok好味,但好貴...

食藍苺醬食到痴牙+整污糟件衫既gigi...無奈...

最尾走個時,佢地話去冒險樂園玩一陣(都唔知有咩好玩=.=)

我同佢走先...行到去小巴站,竟然見到我表哥拖住女朋友行過....佢笑住咁同我擦身而過(好明顯見到我...死得啦...)

同佢講左句野就走左...懊惱自己....

返到屋企,呀媽照舊病得好嚴重,即刻幫佢落街汁藥同煮粥比佢食...希望佢快d好返啦...

呼...聽日要去觀塘返工嚕...出糧個日一定要送你第一件衫!!

懊惱自己不懂說笑...每次都只是沉默並肩而行...

對不起她...但心中仍然那麼愛她...

每次走到最後...想說的那句不敢說出口...努力中...