2006 年 6 月 25 日 星期日  |
| 搞掂Grad din d衫啦=] |
今日約在寶妮同梁秀雲去買Grad din d衫,本來諗住今次買埋上身件衫+鞋就得,點知都唔知上身著咩好=.=後尾都係買左條連身裙,唔使咁煩!!跟住就去左藍田買鞋,行左勁耐都睇唔中,到睇中個陣又唔知襯唔襯條裙,所以冇買到,但兜左好耐都睇唔岩,最後都係走返去個間野到買返個對鞋,好彩個爭都唔算高,唔係豆令爭,否則一定仆死=.=而且唔知點解差唔多對對鞋都尖到嘔=.=本人唔鐘意啦首先,所以先搵左咁耐...
好累呀今日...返到屋企有d暈暈地tim...聽日又要早起lu......=.=
|
| 2006 年 6 月 24 日 星期六 |
| 開到第一張單啦終於=]=] |
今日都要返工...因為係荷里活到有個Job Market,有我地書院份,so要返去幫手,但亦都係一個搵prospect既好機會!!!好彩今日都俾我搵到1個prospect,終於開到第一張單啦!!!!!!好開心=]=]=]=]星期2有$$收啦=]=]今日都唔算白做=]幾驚今日連一個人都搵唔到...係既話就真係想死=.=
今日由朝早11點企到7點,完全係腳軟T.T"又要周圍行去搵人+問人,如果個個人有興趣既話仲要解釋俾佢聽,真係一輪咀咁講,搞到好似講急口令咁,講完basic information之後就帶佢去counter由head leader再講詳細資料,講到佢肯開單=]不過呢個話晒都係招聘會,so問親10居其9都係話來搵工既=.=不過見到有d人好好笑,圍住個job market不斷兜圈,仲要兜成幾粒鐘!!都唔知佢係咪傻既=.=
得閒個陣就同chiba係到吹水+hea,佢又係做問卷+搵人,但係佢好好笑,同A君sell得勁開心以為佢會肯去counter既時間,先知個個人係來問路的=]跟住有一次問B君做問卷,佢竟然問有冇獎抽XDXDXD笑死我XDXD仲有一次問C君,個個人竟然問有冇袋送=.=真係笑爆我個咀XDXD做張問卷都咁O咀=o=
Tommy真慘...本來佢都搵到1個prospect,開到1張單,點知個個人一陣走返來問可唔可以退錢都係唔報,走來問左3次,最後都係退返俾佢...變相Tommy張單咁就冇左...真慘=.=唔好唔開心啦!!
聽日唔要去買grad din衫=] |
| 2006 年 6 月 23 日 星期五 |
| 3日冇打lu~ |
首先講返呢兩日發生過d咩事先=]星期三個日又係去左劉黃發到做問卷again,第2日了~做到5點幾就走lu,因為成績都唔錯下=]大家4條友去左M記鋤D=]感覺好特別,之前未試過咁做,仲聽到隔離台個幾個人都係到講鋤D tim=]=]打到7點,行返過旺角食飯,因為夜晚8點至11點話有Night trainning喎~去左食魚旦麵,都算便喎間野!!食完我唔記得左要俾$$呢回事,出左間野跟住見到Leader同其它兩個一齊望住我,我都仲未知咩事XDXD要leader同我講話我未俾$$先知發生咩事=]又俾人笑=]醒到冇人有=]已經唔係第一次了=]=]
返到去見到圍左個圓圈係中間,仲播埋音樂tim,又話要一男一女隔住坐,後尾先知原來佢地所指既Night trainning原來係大家一齊玩遊戲=]連manager+manger個呀head都一齊玩!!首先玩四級豬,跟住本來話玩killer,點知有人輸左唔份氣,so玩左兩次四級豬~玩完都已經10點~跟住就熄燈點蠟燭大家講心聲,佢地好有心思,之前一早叫我地寫自己既優點+缺點原來係咁用的~派返俾我地仲多左份歌詞,原來係head leader為大家揀的,每個人係唔同既歌,我個首係一步一生=]呢個section好正,對大家認識加深左,真係見到大家既真性情,好感動=3=雖然做左只有一個week,但識到呢班人真係好開心!!大家講完都已經12點了!!拿拿聲返屋企=]
好!到尋日啦~劉黃發again~第三日了=]見返尋日其它做問卷d人,已經見慣見熟了=]仲見到林嘉俊(小學同學)tim!!surprisex10000000吹左好耐水=]=]跟住仲要識左2個女仔,so一齊交換抄=]所以尋日既成績係有80幾個人的=]=]多過晒我個group d人XDXDXDD哈哈~~我玩晒!!
尋晚睇chiba個jugem先知原來佢24,25號都有份,不過我返24,佢兩日都返~今日約在一齊係劉黃發做問卷=]我第4日了=]=]=]真係差唔多全條街既人都識晒=]份工真係ok好玩,今日開完會,教完skill之後大家又鋤D啦~我都玩埋一份=]唔知點解第一鋪有4條A,一隻2,第二鋪有3條A,兩隻2,第三鋪就3隻2兩條A,so不斷贏XDXDXDXDXD
而家無啦啦又俾人屈做文書,又要做會議紀錄=.=" 慘..................................................
|
| 2006 年 6 月 20 日 星期二 |
| 返工時間唱K=] |
邊個約今朝10點3去唱K既,同我企出來!!人地門都未開門,唱乜鬼!?
約係地鐵站入面間恆生等,我撘2A 9點10就到左lu~去到人影都唔見隻=]開心啦首先=]=]so,去7-11買檸茶,等左2,3個字終於開始見到人影啦!!去到新之城間Neway,要等等等等等...因為人地未開門=]等左陣先入得~12個人,但間房好細...似6人房多dT.T"
初頭各自各精彩,有人唱歌,有人點歌,有人打機=]後尾就開始一齊唱同埋玩bing bang哇~輸左要食野=]點左ayumi首voyage來唱,因為有人陪=]但都係冇w-inds歌的>.<唱左差唔多4粒鐘,唱到last幾首我把聲先開=]又係開心死我...次次都係咁...想點!?今朝起身仲唔想講野tim=.=今日...個女仔仲頂隱...不斷挨埋來我個到,我已經好明顯即縮,但佢超挨...仲離譜到攬住我tim!!!你話熟就冇所謂je,但同佢先識左都唔夠一個禮拜...下次見到佢掉頭走先=]=]
唱到2點半諗住走,去開工啦~點知落雨,冇人有帶傘=] YEAH=]相量左陣,決定去返尋日間唔知咩學校做問卷again,以為佢停雨,點知做左唔夠兩個又再落過=]濕啦首先=]不過都好,d人堆埋一個地方,so有得走埋去遂個問=]=]收獲唔錯=]但好多人都話做左...我想話我地岩岩來ja喎,你竟然會做左!? 驚驚驚驚=] 做做下好好笑,有個男仔又係來考oral,但行來個陣行到成個黑社會大佬咁,又要西面喎so冇人叫佢做問卷=]我係第一個夠膽鐘埋去買佢的=]=]因為我覺得佢都係得個樣,點知俾我估中左=]情況同之前一樣,其它人又走過來叫佢做了=]=]好好笑XDXDXDXD
做到唔夠紙做,leader不斷叫我同人交換資料,但我唔制,我想自己來,況且都唔知人地d資料係咪假的,我地都諗到人地冇可能諗唔到!!加上自己做既會滿足感大d=]=] |
| 2006 年 6 月 19 日 星期一 |
| 位於太子的莊啟程=] |
今日返去manager繼續教技巧,教到1點2就成班人一齊去吉野家lunch,同人share飯again,$33一個餐=]好彩搵到人share je=]坐正冷氣位,凍到痴孖筋,打晒冷震=]食完返office hea,等夠鐘先出太子,今日去個間叫..............唔記得左=]不過近住莊啟程,今日先見識到莊啟程原來係咁既=] leader話仲細過觀中,睇落又真係似T.T"隔離間小學好好笑,叫"鮮魚行小學"都唔明個校長做乜要改到個名咁=.=
個到都原來幾多人下,仲岩岩撞正d form 4既去考LCCI level 1 tim~所以真係迫滿晒人=]=]今日分開左2 group人去做問卷,我冇跟到女仔個班,因為上次經驗,第一:佢地好煩...不斷係我耳邊bilibala,簡直想死!!(對唔住),又唔好意思話佢地喎,第二:就係有個女仔好鐘意"meet"我塊面!!!想點呀!?大家同form咖,9成機會我仲大過你tim喎,我識咁多人未試過有人咁做!!我唔細咖啦!!真係10萬個想死=.=第三:大家講既話題都唔同,完全唔岩channel,佢地覺得好笑既野我唔覺,講野個陣仲要激大聲=.=想點!?第四:做做下野竟然可以走去大家樂or大快活high tea high成粒幾鐘,雖然我唔在場,但我都睇唔過眼......so...你話做fd既話我唔介意,但一齊做既就咪搞啦,我真係頂唔順...雖然話係冇人工je,但係我唔想遲d做左成個月都開唔到1張單囉!!
行行下竟然俾我係太子見到Miss Price!!驚x1000000,個leader都見到,佢話Miss Price好惡,成人係唔係都鬧人XDXDXD咦!!突然醒起樣野,manager好似話聽日交份proposal俾佢喎!!叫寫自己既目標喎~點寫呀!?=.=
聽日班友約左10點3去唱K lunch,有d好笑XDXD同班唔係咁熟既人去唱K,唔知聽日會點呢~到時一定有d怪=]=]仲要約咁鬼早tim,咁我咪je要8點幾起身...天呀......
|
|
|
|
|
| |
