2006 年 7 月 4 日 星期二  |
| 救命=.= |
今日終於開始俾返d問卷我地打電話啦!!!原來做做下我有成疊問卷咁多!!如果疊野野裡面有10%報既話,咁我咪開心死XDXDXD
Lunch金生請食飯again=]=]真好=]=]返office打電話,個電話大聲到乜咁!!打多幾日實失聰都似=.=頭先用左成粒鐘先打得個1小疊,聽日要打晒喎...有可能嗎!?玩我咩=.="又唔早俾我,我聽晚又要去學日文,邊有時間打呀..........而家書都冇時間溫tim呀=.="
明天早d返去打先得!!
P.S.有邊個預計自己成績係差既唔該搵我啦!!等我點多條生路你行啦=]=]講真呢個課程係信得過的,否則我唔會繼續係到做=.=
|
| 2006 年 7 月 2 日 星期日 |
| 心心~ |
今日2點同心心(ｷﾗ イモ)一齊去睇grad din衫,今個星期四就係啦~佢都仲未買!!!行淘大,佢係e-base睇中左條裙,不過真係好去街feel=]行左好耐睇左好多獲最後都係買左呢條~仲見到佢上次買$250條工人褲而家半價!!!真係開心死佢=]=]
返家已經6點了~好眼睏!!!唔知點解呢排成日都係咁跟睏!!!想死=.="
睇美女廚房,笑到嘔=]
P.S.死火啦...... |
| 2006 年 7 月 1 日 星期六 |
| 南極物語 |
今日訓到唔願起身again~又回到未返工之前既情況=]=] 12點鐘起身食左丁點兒早餐,跟住走去溫日文,好彩都仲有d印象je~不過d片假名就撈到亂晒=]
2點幾老豆落街買左隻碟返來睇,叫"南極物語",睇個cover都已經知唔好睇,諗住咁耐冇同佢一齊睇過戲,就坐定定一齊睇啦~點知睇左一陣我地兩個都去左搵周公XDXDXD一訓就訓到7點=]咁就又一日lu~~~~~~~
今日兩隻手痛到痴孖筋!!!搵人殺左我吧!!!! |
| 2006 年 6 月 30 日 星期五 |
| Training Camp |
話咁快兩日一夜既Training Camp就完左lu~雖然冇我想象中咁好玩,但係都好開心!!!=]
話說星期三個日朝早神咁早起左身,以極速既速度洗左個頭就出門口啦,點知都未行到小巴站就落雨!!我冇帶傘啦首先=]開心死=]=]好彩等左陣就細雨返,拿拿聲走去撘車,勁驚遲到!!去到則魚沖竟然俾我撞到Leader,個心當堂定晒=]so一齊去~去到時間岩岩好,Good=]上到灣仔個center,見到其它區既team,好多人=]
一開始竟然要逐個逐個去問d導師我係咪佢個組,我地一問就中左=]Yeah~XDXD個導師叫Methew,佢勁似我表哥!!好彩我同返我個team d member=]一開始要自己去烏溪沙,仲要3點半前去到,途中有100個任務,每個任務有唔同既分數,話最少要拎到550/1000,有d似玩野外定向咁,雖然辛苦左少少,不過都幾好玩=]有d任務好好笑+好白痴XDXD e.g.全組人在街上拍手1分鐘,送份$5玩具俾小朋友,在車上向途人揮手30秒,請食蕉飲涼茶,向警察先生講"辛苦晒你啦",送心意卡俾巴士司機等等......有好多都好好笑XDXD搞到好似成班傻仔咁~
去到玩遊戲,跟住食飯,d飯勁硬=.="之後又玩集體遊戲,11點先完,返房沖完涼之後就叫埋其它人過來一齊玩,開頭想玩killer,但有人唔識玩,咁就解釋啦,點知原來d人表達+接收能力極差!!!由1點鐘開始,點知竟然要到2點先玩到第1鋪!!!真係深深地想講句粗口......大家係咪真係咁蠢呀!?(對唔住)玩到3點幾,head leader走過來同我地一齊玩truth or death,第一次玩=]有人問d問題好變態=.=都唔明佢點解咁都問得出=.=仲要係女仔來既tim=.=呢樣先驚嚇!!唉...玩到5點兩個head leader返房訓,我地繼續玩+吹水
結果去到朝早6點都係頂唔順,走去訓左陣,7點3又要起身啦,個種感覺直頭想死,眼睏到爆!!完全係食唔落早餐,食左兩啖粥已經飽到想嘔=.=聽講灣仔區個team d人尋晚飲醉晒,驚x1000(唔係話明唔準飲酒+食煙咩!?)跟住走去玩車大纜,我地尾2=]=]返hall玩遊戲again,個MC極度黑人憎,勁扮野!!12點3先完,但1點鐘要食埋飯,執埋野離開個camp,d時間唔好再多d!?=.="離營之後既活動竟然係要做1個鐘回饋社會既野,我地組去左九龍公園,開頭諗住執垃圾,點知勁多呀清道夫,垃圾都唔多粒,諗住撩d呀婆呀伯傾計,點知個個都係到睇報紙=.=跟住白痴到走去抹電話XDXD後尾走左去體育館到問有咩可以幫手,點知又係幫佢地做問卷,easy job=]
最後去出席埋個典禮拎埋d cert就完左lu~雖然有d無聊,又叫人6點鐘去到,點知7點30先開始,一直去到9點,搞到9點幾先去食飯T.T"返到家都11點,沖埋涼掠埋3都12點了,勁累!!!!!個camp咁就完左lu~好開心=]個導師好好人=]多謝你=]=]
今朝6點半就要起身...因為f.7放榜,是搵prospect的好機會,點知去到人都唔多隻,勁無聊,不過返到office金生請飲茶=]=]返家後由3點訓到7點=]=]不過仲係好眼睏=.="
P.S.事情出現了微妙的變化......
|
| 2006 年 6 月 26 日 星期一 |
| 熱到嘔=] |
個個咁既Leader,尋日又唔打電話話我知今日返1點,等我今朝仲神咁早返到去,早到係M記一條友食埋早餐先上去=]入到去當然係1個人影都冇啦!!好彩隔左陣慧怡就返,so吹水~原來我尋日錯過左場好戲>.<今日又有人上來interview,到而家都仲請人!?今朝11點半先收到Laeder個電話,唔好再早d!!!我都已經到左office!!個刻好想打佢T.T"跟住話約左12點大家一齊去食lunch又遲到,要成班人等佢兩個leader,簡直豈又此理!!去食吉野家again...
上到去又開會,不過來來去去都係得兩個Leader係到吹水,完全唔似開會囉我想話=]=]跟住又鋤D了=]=]Shirely岩岩係日本返來,so有手信=]=](食得既)Group2點幾就出左去,我地group就諗住3點先去,so走左去間唔知咩房到繼續鋤D=]=]諗住走個陣無啦啦有個人入來話我地,個樣仲要勁惡,佢問:邊個俾你地係到玩啤牌咖!你地係咪second in咖,你地個Leader係邊個呀!係咁串我地=]問完之後無啦啦又話出去打個電話,so我地用36計,立即走人=]=]理得佢=]都痴線既,係manager面前玩都冇問題啦,又唔係未試過,何況你!!車~
今日真係好熱,去劉皇發again,第5日了=]行到去個到已經成身汗=]今日仲要冇乜人tim=]開心死!!我仲一路同人吹水一路做,so做得最少問卷既人就係小弟啦=]=]=]
P.S.聽日開始上堂啦(日文),好驚聽日唔知佢up乜=.= |
|
|
|
|
| |
