2006 年 5 月 9 日 星期二  |
| 中文好野~~ |
今日去左五邑司徒浩到考中文,好開心呀!!份卷都唔算非常之難喎!!d問題問得都好直接,所以我諗應該考得唔差呱~今次係我兩年來第一次做得晒份卷呀!!!so happy about that^^因為一見到唔識個d就即飛,連吹水都費事,所以先至做得晒ja!!點都好啦~都考完呢科啦~希望可以拎到個C返來啦=]=]=]作文作左第3題,本來想作第1題咖~不過又覺得未必可以吹到600字出來,所以最後諗諗下都係去作第3題穩陣d,完來呢個topic都ok易作下,寫下寫下竟然可以寫左3大版,唔知有幾多字呢~我自問都唔算作得差既...希望都有C啦=]=]考完之後考試局有野宣佈喎,話對於學生出貓個件事會慎重咁調查,仲保證各考生會有一個公平既考試同對待喎~聽住先啦~都唔知係咪真,叫d人將電話放係椅子下當眼處,有鬼用咩,我話我冇帶電話都得啦,你又唔會搜我身既......
考完返左學校同chiba&肥成一齊溫econ,有好多都唔識呀!!點算????見到條問題都唔知要答d咩答案俾佢,兩年啦!!由form4開始已經係咁,不過我一直冇去理佢,而家後日就考啦!!都唔知點入手好,又係開心到爆=]=]=]=]快d祝我好運啦大家^^我econ唔想拎e呀=.="理商班真慘...今個禮拜連續玩,mon-maths,tue-中文,wed-phy,thur-econ,fri-bio,文商都唔弱喎,mon-maths,tue-中文,thur-econ,fri-geog,俾佢差唔多一個禮拜玩晒咁濟~原來最正係我地喎,除左commerce同eng一齊,maths&中文一齊之外就冇lu~都算係咁啦~=]=]聽日要繼續捶埋econ佢,之後就過多一個禮拜之後先再來PA,都總算可以抖返幾日先^^yeah~
P.S.聽日考phy既理科同學加油啦~你地真係好慘=.=
|
| 2006 年 5 月 8 日 星期一 |
| 向中文作最後沖廁!! |
今日去左ST. PAUL考MATHS~朝早約左林彥伶同程穎欣係觀塘等,因為程穎欣老豆開車車我地=]=]好野=]=]多謝晒你啦^^不過係個等左勁耐,本來約左7點7,點知去到7點9都唔見佢地,嚇得我呀...等我仲諗緊好唔好撘的士既時候就終於見到佢地啦!!!真係嚇死....之後去到都見到好多我地觀中既同學仔喎~呀鼠啦,Kally,呀貞,呀朱,呀ling,等等咁啦~好開心^^可以見返佢地~
間學校都幾大下喎~連個toliet都大過我地學校2倍幾咁多=.=佢地今日竟然唔使返學喎,全部課室同埋個hall都用左來做試場,我係08室考喎~呀朱坐我後面再後面^^好野!有人陪!!仲見到好多小學同學tim,但佢地大多數都好似唔認得我喎=.="我想話呢...監考個兩個Miss都好kai下...我仲諗住ST. PAUL d人英文應該好勁下啦...點知...個miss竟然可以將label讀左做labour=.=完全兩回事來既...answer sheet讀左answer seat...仲有好多,多到我都唔記得lu~剩係記得佢一路讀,我一路望住佢笑~哈哈哈~~~~=]=]佢做野又慢喎,收卷都收10世,好似新來咁...但睇落去佢應該係資深miss來咖囉...o咀=o=
Paper 1好難,section A都已經有唔識做,A(2)又有,section B我第1,2題都做晒,不過一定唔岩(直覺話我知),跪跟住做最尾個題做完a part就times up, pens down=]=] 開心........又做唔晒~不過真係難,之前個幾年都好似冇咁難既...不過paper 2 mc都ok,唔算非常之難,返來對完ans我岩左39/54,錯左15題lu~~唔知C唔C到呢...不過應該都冇咖啦,D就有我份~不過我真係好想maths拎C......
聽日又到中文lu~都溫唔晒,所以好唔想溫,況且都知道自己一定C唔到(直覺),有D想轉行溫econ,不過又好似好衰咁...唯有今晚刨埋佢啦>.<
P.S.大家中文努力啦!!捶埋今晚!!
 |
| 2006 年 5 月 7 日 星期日 |
| 聽日輪到MATHS出場~ |
冇溫過maths tim~只係n年前做過,而家隔左咁耐,都唔方記得點做~呵呵~~等我一陣走左做下先~今日中文先溫得個兩課,仲要係溫溫下"漢字"既一半覺得麻煩就冇再溫落去lu~轉左去范進,而家大熱個D都總算溫晒,不過次熱個D都仲係未掂過,都唔知點算,今晚又話要溫maths,得返聽日,一定背唔晒啦~真係開心死=]=]我諗要買定蛋糕慶祝都得啦~~=]=]=]快D恭喜我啦大家~~
尋晚冇睇到"捉鬼天狗幫"tim,因為太眼睏,所以頂唔順走左上床訓覺=.="好唔開心...難得等到星期六...加上上個week又停播左...但我竟然眼睏=[=[ 嗚嗚嗚嗚......
好唔想溫中文呀...好煩呀中文....一路溫一路玩...都溫唔入腦...搵人殺左我把啦唔該...
P.S.聽日MATHS大家又要努力啦=]=]
 |
| 2006 年 5 月 6 日 星期六 |
| 考完eng listening啦~ |
考完listening啦今日終於都!!份paper都算幾易下喎~比想象中易,仲易過mock tim,我諗應該唔差既考得,希望可以拎到個C返來啦~
我到今日先知係10點鐘先開始播,但係9點3就要入去坐,開住個收音機係到聽,聽個主持讀點唱信聽左半個鐘,不過佢地講得好好笑,聽得好精神,但最尾個陣播個段吹眠音樂個陣就搞到有D眼睏,做個陣一D緊張既feel都冇,完全係用考mock個陣既心情去做,佢講得好鬼慢,個答案仲要repeat多次tim,想聽唔到都難啦^^part B都唔難,因為D notes都好容易take到,但係我聽聽下遊魂左幾秒,所以有丁丁point take唔到=.="哈哈哈~~~~開頭以為一定夠時間做,所以有D慢慢來,做做下發覺好似唔對路喎,剩返5個字但仲係寫緊第一個point,寫得太長太慢lu,所以即刻勁驚做唔晒,D字開始寫得龍飛鳳舞啦~~~係咁狂抄抄抄抄抄...寫寫寫寫寫...最後3個字仲有兩段未寫,好驚好驚好驚!!!我paper3唔衰得咖嘛,所以以呢個極速9秒9既速度係最尾佢話停筆個秒寫埋個fullstop,心諗好彩做得晒je^^真係嚇死!!我見我個到好多人都加紙,不過亦都有好多人做唔晒喎~
係喎!!睇forum同報紙話paper2有人出貓喎~個考試局都白痴既,以前係報紙雜誌copy D文章都算啦,而家仲要上網copy返來tim,真係有D硬膠膠...而家搞到俾人有機會出貓,真係無奈x100000=.=都唔明佢地點做野既~呢個咁既point都諗唔到=.="大家快D去呢個網址到簽名啦~要求考試局give us a fair examination: http://ufhks.com/main/interview/may_event/hkeaa.htm
 |
| 2006 年 5 月 5 日 星期五 |
| 向中文進發!! |
今日發覺原來我得返4日去溫中文,15課...4日要溫晒...呢個可能性大唔大呢???雖然之前溫過曹貴同花潮,不過已經係n年前既事,而家好明顯唔記得晒,真好野~要由頭溫過~平均每日要溫4課到先可以溫晒,但我之前溫1課都要溫成日...所以......希望我可以速背到啦...好似溫commerce咁,兩日半溫晒14課書,真係速背!!!
而家好鬼憎"竹林"呢課書,個作者真係無聊得閒冇野做,你鐘意竹林咪鐘意囉,作乜鬼文je,搬去個到住呀笨!!!搞到我地要背得咁鬼辛苦,呢到又係竹,個到又係竹,成課都係竹,都痴線咖!!花潮又係,成課都係花,花來花去咁,家陣好好玩咩!!!個課"歸去"又係,你唔做官關我鬼事咩,又咩違背生平志趣,又咩違背本性,都變態既,咁偉屈你就唔好應承去做啦!!!
死啦....今日溫左4課都已經唔gur左3課,如果再溫落去遲D成篇diary咪用左來鬧本書=.="OH, MY GOD!!!
P.S.大家聽日Listening加油啦!!!!
 |
|
|
|
|
| |
