2006 年 4 月 14 日 星期五  |
| 今日開始溫中文啦~ |
今日冇去自修室溫書,朝早9點到起身食早餐,食我最鐘意既皮蛋瘦肉粥^^原來呀峰今日都係食粥~不過佢係食牛肉粥^^哈哈~~食完一路MSN一路溫書,今日俾我溫左中文個課曹貴論戰,呢課溫得最熟,因為次次一開始溫中文都係溫呢課先,我諗佢唔會唔出呢課呱......跟住收到個電話,姨媽無啦啦話上來,我當堂"下!"左一聲,因為呀媽唔係屋企,佢如果上來坐既話,都唔知同佢講乜好=.="雖然我地都幾熟下,但係無啦啦話上來,有D怪怪地...後尾先知原來佢上來係派請貼!!表哥結婚喎~~哈哈~~~真係恭喜晒喎!!^^30號有得去飲~~
好悶呀係屋企...我想返學呀!!返學會勤力D咖~又會見到大家喎,而家係屋企自己溫書都溫得唔好,溫溫下又做左第二樣野,溫溫下又走左去搵野食,溫溫下又走去開歌聽=.="都唔知自己做乜鬼,完全專唔到心,唔通真係要聽日考啦,我先溫得到???呢排記性好似差左咁,D野好快就唔得晒,我D記性走晒去邊呀....乖啦~返來啦......
|
| 2006 年 4 月 13 日 星期四 |
| 返校補TT~ |
今朝9點起身洗左個頭之後就拿拿聲出門口啦,因為今日要返去補TT,起身個陣仲記得話要帶校章,不過出門口個陣都係唔記得左=.="返到去遲左少少,個個已經坐晒係到,今日都算係多人喎~比上次多左10個,一共有20個人返~有聰哥,呀程,宏志,monkey,鵬哥,呀金,文西,Kally,Chiba,心心,彭彭,彤欣,我,奕龍,呀貞,Kamkam,呀3,Soso,Kathy同埋周周~返去聽左唔夠5 mins就開始覺得眼睏啦=_="死未!!!不過後來都好D,越聽越精神~coco今日又話返,點知都唔見人>.<Miss今日派左8份past-paper,仲分埋bk1-bk4 tim,好多謝你呀miss!!!我一定會考好D俾你睇!!雖然之前真係覺得你好懶&怕事,有時仲怪怪地tim,但係經過左德國之旅相處左咁耐之後,知多左你D野,發覺原來你真係好多野做,成日都冇時間休息,所以D野多數都係拖到最deadline先做,加上尋日聽俊鋒講話你特登走去佢樓下俾個兩本bk3 & bk4佢之後,覺得你真係一個好好好好既miss,好好好好好好好為學生,真係非常之多謝你!!如果唔係你,我都唔會有機會去德國啦!!仲見識左好多野tim!!ナｈジズやベゎシよィゥゆネエク！！
我今日終於拎到w-inds佢地隻THANKS啦!!!開心到飛起^^我驚今晚訓著左都笑醒!!!哈哈~~~12點就放lu,打俾coco叫佢出來俾返D野佢,順便俾埋D past-paper佢,12點打俾佢,2點先見到人=.="D動作會唔會快左D呢...同Kally,Chiba & Coco去左佳餚坊到食,D野都ok唔錯喎^^之後就去左apm到行街街,同coco行街唔知點解會成日都搵到D靚野,但係平時行個陣係唔覺咖囉,好驚!!搞到我地突然間有好多野想買,但又貴到嘔喎,無錢買>.<"仲有呀,佢好似間間野都有VIP card咁...真係十萬個驚字!!coco上次係2%睇中左條短褲,所以今次順便去買,係個到hea左勁耐,佢試左條褲好耐,但係最後都係買左同條褲係1set既個件外套,竟然放棄左條褲(條褲$2xx,外套$4xx)=o=",好好笑~~~我見到個sales同笑,不過個sales姐姐真係幾好人~好nice^^行行下發覺原來已經4點幾lu~之後同左Kally同Chiba去野,我食左碗仔翅^^好好味~~好耐冇食過啦!!下次要去呢間野到試其他野先得~wakakaka~
今日到而家都未溫過書tim...個心好唔舒服...好內疚...但係而家又未有mood溫住...點算好=.="
 |
| 2006 年 4 月 12 日 星期三 |
| 溫書溫書&溫書! |
今日極度唔願起身,不過最後都係隔硬迫自己起身溫書!!今日又溫econ啦,不斷係到做past-paper,希望CE最低限度都起碼可以俾我cre到,不過呢個都係我希望je~查實機會都好渺汒...其實我好想放棄呢科,不過又唔想張cert上面有科fail喎,所以我要努力XDXDXD都唔知因乜解夠,呢排個頭都有D痛,唔通係唔夠訓??但無理由呀~返學個陣訓得仲少啦=.="係喎~聽日要返去補TT喎~各位同學仔唔好唔記得呀!雖然都真係幾無聊下,聽唔聽都無乜所謂~其實我都係志在返去拎THANKS同埋見下D同學仔je~好耐冇見大家啦!!好掛住你地呀~而家睇返D相都好唔捨得D人>.< >.< >.< >.< >.<
頭先呀頭先呀,做95年既econ MC,俾我中左35題呀~~~第一次有3字頭ja!!好開心^^不過可能呢份比之前個D easy~呵呵~
今日無咩打tim~其實日日都差唔多...
 |
| 2006 年 4 月 11 日 星期二 |
| 今日勤力左^^ |
今日又係溫maths & econ,呢排溫親都係溫呢兩科,其它個D都未掂過tim,幾時開始溫TT好呢~中文都未溫過,我而家至驚係中文同econ呀...希望econ唔好fail啦...我溫左咁耐...如果fail左既話就真係.............今日自修室on duty個呀嬸好鬼煩呢,成日都行來行去,行到我頭到暈埋,想點呀你!!!溫溫下又見到9件佢地,今次唔知福飴定福童都係到tim,仲左係我後面,真係俾佢兩個嚇襯=.="
今日撘車走個陣見到有兩架警車係到,開頭以為係有人撞車啦,但係見唔到有車撞,跟住今日下午先知原來個到有爆炸=.="話係2點到爆...好彩今日呀媽約左呀公去飲茶,所以返左屋企先~如果唔係,等我去完淘大個邊食lunch之後再返家的話,應該會撞到正一正...=.="我今晚係咪應該走祈禱答謝主既保佑呢~~^^
好耐都冇同呀公去飲茶lu~今日一飲就飲到3點lu~飲左$141~又話係下午茶會便D,但係我唔覺囉...呀媽都話好似無便過咁-o-"仲有呀仲有呀~我打包左白糖糕返家食^^哈哈~~~好開心!!!返到家都已經3點幾lu~~~睡意又開始走來搵我=.="不過今日最後都係冇訓到!!好犀利呀我>.<係到狂做maths MC,點知發覺原來我個腦轉得好鬼慢...仲成日計差數tim...3b=-15,我竟然可以計到b=5...仲要計左幾次都計到係5...真係o爆十萬個咀=o=又要成日都睇錯題目,搞到有成10幾題都係無謂錯的....真係開心到死!!!我D econ有好多野想問呀~打俾個個勁人都唔係屋企=[ 真係打到想喊>.<
隔離屋個兩條友仔都唔知做乜鬼,開歌開得勁大聲,隔左十萬八千里都聽到...仲要係播埋D n年前既勁典歌,天呀...救命呀...ギウんザ!!一直播到而家10點都唔肯收,想點呀!!!我唔使溫書啦咁!
P.S.聽日要繼續努力!!! |
| 2006 年 4 月 10 日 星期一 |
| 努力中! |
今日溫書again~心心遲到...約我地9點,佢竟然較錯鬧鐘8:45先起身=.="心心你真係好野!!去到9點半,唔知點解好多野傾,可能我地真係好鐘意日本D人既關系係啦~不斷係到講佢地,真開心=]我就一路做econ past-paper一路聽佢地講野,因為掛住聽佢地講野,搞到我做個份咁既paper做左成3粒鐘......真係勤力到爆!今日去溫書變左吹水tim~真係有聊有聊^^"12點半一齊去左大快活食飯,因為係自修室撞到monkey,所以就由3個人變左做4條友仔啦~原來大家樂既一哥焗豬扒飯係好味過大快活的!!一路食飯一路講有咩劇想睇同考完CE有咩想做,跟住發覺自己都好多野想做喎~想搵暑期工啦,姑姐又叫我幫表弟補習喎(其實我唔係咁想...因為佢好曳!),要去學日文啦,要染髮啦,要儲錢買w-inds concert既飛啦,哇~~真係多啦~好想快D考完CE佢!!!
返到屋企諗住上網down返個BT來down牙狼同日劇,點知down完之後成部機都hand hand地=.=網又上唔到,msn又on唔到,無奈icq又on到...D野又要load得勁慢,都唔知佢想點!!個main point仲要係想刪返佢竟然刪唔到!!!真係俾佢嚇到想死...搞左勁耐都係唔得,boot機boot左n咁多次,入安全模式都入唔到,死未......=o="不過好彩我同呀妹係分開account來用部腦,跟住試入佢個account去刪個死人BT,好彩得左!!如果唔係真係嚇死...呢個時候要去format部機...後尾呀峰話我down左個有毒既BT返來!!!!!!聽完之後開心到飛起~覺得自己好鬼醒,我down個陣都覺得怪咖啦,之前用個個都係橙色既,點知今日down個個係黑色的!!我仲以為係新版......點知...er...跟住同呀妹一齊笑到死左>.<"哈哈哈哈~~~~~~
P.S.今日返家個陣係車到聽到個收音機播w-inds既It's in The Star!!勁開心~w-inds萬歲!!
 |
|
|
|
|
| |
